အထူးသတင်းကြေငြာချက်

လျှောက်ထားရန်

ဒေါ်လာရောင်း၊ဝယ် ဈေးနှုန်း

နိုင်ငံခြားငွေလဲလှယ်နှုန်း (၁၈.၁၀.၂၀၁၉)

အမေရိကန် တစ်ဒေါ်လာ ၁၅၃၃.၁
ဥရောပ တစ်ယူရို ၁၇၀၀.၃
တရုတ် တစ်ယွမ် ၂၁၆.၅၈
ထိုင်း တစ်ဘတ် ၅၀.၅၇၂
မလေးရှား တစ်ရင်းဂစ် ၃၆၆.၃၈
အိန္ဒိယ တစ်ရူပီ ၂၁.၅၂၀
ဂျပန် တစ်ရာယန်း ၁၄၀၈.၈
တောင်ကိုရီးယား တစ်ရာ၀မ် ၁၂၉.၉၇
သြစတြေးလျ တစ်ဒေါ်လာ ၁၀၄၃.၃
စင်ကာပူ တစ်ဒေါ်လာ ၁၁၂၁.၉
နေပြည်တော်ဘဏ်မှ ဝန်ဆောင်မှုပေးနေပါသည်။

နေပြည်တော်ကယ်ဆယ်ရေးနှင့်ပြန်လည်နေရာချထားရေးဦးစီးဌာန

ဦးစီးမှူးရုံးစတင်ပေါ်ပေါက်လာပုံနှင့်နောက်ခံသမိုင်း

သဘာဝဘေးများသည် အကြောင်းအမျိုးမျိုးကြောင့် ရုတ်ခြည်း(သို့မဟုတ်) ကြိုတင် သတင်းရရှိချိန်အနည်းငယ်အတွင်း ပေါ်ပေါက်တတ်သည်ဖြစ်ရာ ပြည်ထောင်စုနယ်မြေအတွင်း ဖြစ်ပွားသောဘေးများအတွက် ကွင်းဆင်းဆောင်ရွက်ခြင်း၊ ထောက်ပံ့ပေးခြင်း၊ ဘေးအန္တရာယ်များနှင့် ပတ်သက်၍ ကျေးရွာအထိ ကွင်းဆင်းအသိပညာပေးခြင်း လုပ်ငန်းများကိုဆောင်ရွက်ရန် ကယ်ဆယ် ရေးနှင့်ပြန်လည်နေရာချထားရေးဦးစီးဌာန၊ ပြည်ထောင်စုနယ်မြေဦးစီးမှူးရုံး၊ နေပြည်တော်ကို ဇမ္ဗူသီရိမြို့နယ်၊ နေပြည်တော်ကောင်စီရုံးဝင်း အကွက်အမှတ်(၁၂)၊ အကျယ် (၂၀၀ x ၂၀၀)ပေ၊ မြေဧရိယာ (၀.၉၁၈)ဧကပေါ်တွင် ၂၀၁၃-၂၀၁၄ ဘဏ္ဍာရေးနှစ် ခွင့်ပြုရန်ပုံငွေဖြင့် (၁၈-၁၁-၂၀၁၃) ရက်နေ့တွင်စတင်ဆောက်လုပ်ခဲ့ပြီး (၁၂-၆-၂၀၁၄)ရက်နေ့တွင် ပြီးစီးအောင်မြင်ခဲ့ပါသည်။

(၁-၁-၂၀၁၃)ရက်နေ့မှစတင်၍ အရာထမ်း(၁)ဦး၊ အမှုထမ်း(၄)ဦး ဖြင့် နေပြည်တော်ကောင်စီရုံး အောက်ထပ်တွင် ရုံးခန်းဖွင့်လှစ်၍ဆောင်ရွက်ခဲ့ပါသည်။ (၁၃-၆-၂၀၁၃) ရက်နေ့တွင် ဗဟိုမီးသတ်မှ ကယ်ဆယ်ရေးပစ္စည်းများကို ပြည်ထောင်စုနယ်မြေဦးစီးမှူးရုံး၊ သိုလှောင်ရုံသို့ပြောင်းရွှေ့သိုလှောင်ခဲ့ပြီး ကူညီထောက်ပံ့ရေးလုပ်ငန်းများကို ဆောင်ရွက်ခဲ့ပါသည်။ (၁-၈-၂၀၁၄) ရက်နေ့တွင် ပြည်ထောင်စု နယ်မြေဦးစီးမှူးရုံး၊ နေပြည်တော်ကို ဖွင့်လှစ်ခဲ့ပြီး ပြည်ထောင်စုနယ်မြေအတွင်း ထောက်ပံ့ရေးနှင့် ကူညီကယ်ဆယ်ရေး၊ အသိပညာပေးရေးလုပ်ငန်းများကို ညွှန်ကြားချက်များနှင့်အညီ ဆောင်ရွက် လျက်ရှိပါသည်။

ဝန်ထမ်းဖွဲ့စည်းပုံ

ကယ်ဆယ်ရေးနှင့်ပြန်လည်နေရာချထားရေးဦးစီးဌာန၊ ပြည်ထောင်စုနယ်မြေဦးစီးမှူးရုံး၊ နေပြည်တော်၏ ဝန်ထမ်းဖွဲ့စည်းပုံမှာ အောက်ပါအတိုင်းဖြစ်ပါသည်-

စဉ် ရာထူး ခွင့်ပြု ခန့်ထား လစ်လပ် မှတ်ချက်
ညွှန်ကြားရေးမှူး - ဦးစီးဌာန(ရုံးချုပ်)တွဲဖက်
ဒုတိယညွှန်ကြားရေးမှူး -
လက်ထောက်ညွှန်ကြားရေးမှူး -
ဦးစီးအရာရှိ
ဦးစီးမှူး
ဒုတိယဦးစီးမှူး -
အကြီးတန်းစာရေး
အငယ်တန်းစာရေး
ပစ္စည်းထိန်း(၅)
၁၀ ယာဉ်မောင်း
၁၁ အစောင့်
၁၂ သန့်ရှင်းရေး -
စုစုပေါင်း ၂၄ ၁၃ ၁၁
ဦးစီးဌာန၏ ရည်ရွယ်ချက်

ကယ်ဆယ်ရေးနှင့် ပြန်လည်နေရာချထားရေးဦးစီးဌာန၏ ရည်ရွယ်ချက်မှာအောက်ပါအတိုင်းဖြစ်ပါသည်-

  • သဘာဝဘေးအန္တရာယ်များကြောင့် လူ့အသက်၊ အိုးအိမ်ပစ္စည်းများဆုံးရှုံးမှုလျော့နည်းအောင် ကြိုတင်စီမံဆောင်ရွက်ပေးရန်
  • သဘာဝဘေးအန္တရာယ်များကြောင့် အတိဒုက္ခတွေ့ကြုံနေရသောဘေးသင့်ပြည်သူများအားလတ်တလောသက်သာချောင်ချိမှုရရှိစေရေးအတွက် အထောက်အပံ့ပေးရန်
  • သဘာဝဘေးအန္တရာယ်များကြောင့် အတိဒုက္ခတွေ့ကြုံနေရသောဘေးသင့်ပြည်သူများအားကောင်းမွန်သည့် လူနေမှုဘဝပြန်လည်ရရှိစေရေးအတွက် ပူးပေါင်းညှိနှိုင်းဆောင်ရွက်ပေးရန်
ကယ်ဆယ်ရေးနှင့်ပြန်လည်နေရာချထားရေးဦးစီးဌာန၏လုပ်ငန်းတာဝန်များမှာ-
  • သဘာဝဘေးအန္တရာယ်များနှင့် လူကြောင့်ဖြစ်ပေါ်တတ်သော ဘေးအန္တရာယ်များကြောင့် ဘေးဒုက္ခခံစားကြရသည့် ပြည်သူများအား လတ်တလောစားဝတ်နေရေးပြေလည်စေရေး အတွက် ကူညီထောက်ပံ့ခြင်း
  • မြစ်နှင့်ပင်လယ်အတွင်း မုန်တိုင်းဒဏ်ကြောင့်သော်လည်းကောင်း၊ အခြားဘေးအန္တရာယ် တစ်ရပ်ရပ်ကြောင့်သော်လည်းကောင်း ပြည်တွင်း/ပြည်ပ နယ်မြေရပ်ခြားများသို့ ရောက် ရှိသွားကြသည့် ဒုက္ခသည်များအား ကူညီထောက်ပံ့ခြင်း
  • လူတို့ကြောင့်ဖြစ်ပေါ်တတ်သော ဘေးအန္တရာယ်များကြောင့် ထွက်ပြေးတိမ်းရှောင်ပြောင်း ရွှေ့ကြသူများ၊ လုံခြုံစိတ်ချရမှုမရှိသောနယ်မြေအတွင်းမှ ပြန့်ကျဲနေသောအိမ်ခြေများအား အခြားလုံခြုံသောဒေသသို့ စုစည်းပြောင်းရွှေ့ရသောပြည်သူများအား ထောက်ပံ့မှုပေးခြင်း
  • ရာသီဥတုဖောက်ပြန်မှုကြောင့်သော်လည်းကောင်း၊ ပိုးမွှားတိရစ္ဆာန်များ ဖျက်ဆီးခြင်း ကြောင့်သော်လည်းကောင်း စိုက်ပျိုးသီးနှံများပျက်စီးသဖြင့် ငတ်မွတ်ခေါင်းပါးဘေးကျ ရောက်သူများအား ထောက်ပံ့မှုပေးခြင်း
  • သဘာဝဘေးအန္တရာယ်ကျရောက်သောဒေသမှ ဘေးသင့်ပြည်သူများ ကောင်းမွန်သော လူနေမှုဘဝ ရရှိစေရေးအတွက် ပြန်လည်ထူထောင်ရေးနှင့် ပြန်လည်တည်ဆောက်ရေး လုပ်ငန်းများကို အစိုးရဌာနများ၊ အပြည်ပြည်ဆိုင်ရာအဖွဲ့အစည်းများ၊ ပြည်တွင်းမှ အစိုးရ မဟုတ်သောအဖွဲ့အစည်းများ၊ လူမှုရေးအဖွဲ့အစည်းများ၊ အလှူရှင်များနှင့် ပူးပေါင်း ညှိနှိုင်းဆောင်ရွက်ပေးခြင်း
  • သဘာဝဘေးအန္တရာယ်ကြိုတင်ကာကွယ်ရေးပညာပေးလုပ်ငန်းများ၊ သင်တန်းများနှင့် သဘာဝဘေးအန္တရာယ်လျော့ပါးရေးဆိုင်ရာ ပညာပေးလုပ်ငန်းများဆောင်ရွက်ခြင်း
ဆောင်ပုဒ်များ

ကယ်ဆယ်ရေးနှင့်ပြန်လည်နေရာချထားရေးဦးစီးဌာနမှ "အပြည်ပြည်ဆိုင်ရာ သဘာဝဘေး လျော့ပါးရေးနေ့(International Day For Disaster Reduction IDDR)"အခမ်းအနားကို (၂၀၁၀)ခုနှစ် မှစတင်၍ နှစ်စဉ် အောက်တိုဘာလ(၁၃)ရက်နေ့တွင် ကျင်းပပြုလုပ်ခဲ့ပြီး နှစ်အလိုက်ဆောင်ပုဒ်များမှာ အောက်ပါအတိုင်းဖြစ်ပါသည်

  • ၂၀၁၀ ခုနှစ်တွင် "သဘာဝဘေးအန္တရာယ်လျော့ပါးဖို့ ကလေးနှင့်လူငယ်များကပူးပေါင်း ပါဝင်စို့(Children & Young People's Partners for Disaster Risk Reduction)"
  • ၂၀၁၁ ခုနှစ်တွင် "သဘာဝဘေးဒဏ်ကြံ့ကြံ့ခံ အသင့်ပြင်ထားမြို့ရွာများ(Making Cities Resilient)"၂၀၁၂ ခုနှစ်တွင် "ဘေးဒဏ်ခုခံကာကွယ်ဖို့ အမျိုးသမီးထုနှင့်လက်တွဲစို့(Women and Girls, the Invisible Force of Resilience)"
  • ၂၀၁၃ ခုနှစ်တွင် "သဘာဝဘေးလျော့ပါးရေး မသန်စွမ်းလည်းပူးပေါင်းပေး(A Not So Obvious Conversation Living with Disibility and Disasters)"
  • ၂၀၁၄ ခုနှစ်တွင် "သဘာဝဘေးဒဏ်ခုခံဖို့ သက်ကြီးများနှင့်လက်တွဲစို့ ( Resilience is for Life)"
  • ၂၀၁၅ ခုနှစ်တွင် "ဘေးအန္တရာယ်အသိကြွယ်၊ ဘဝများစွာကာကွယ်မယ်(Knowledge for Life)"
  • ၂၀၁၆ ခုနှစ်တွင် "ဘဝရှင်သန်နေထိုင်ဖို့ ဘေးအန္တရာယ်အသိမျှဝေစို့(Live to Tell)"
ဥပဒေ၊ နည်းဥပဒေ၊ လုပ်ထုံးလုပ်နည်းနှင့် ညွှန်ကြားချက်များ

နိုင်ငံတော်သမ္မတကြီး၏ ပထမအကြိမ် ပြည်ထောင်စုလွှတ်တော်ပုံမှန်အစည်းအဝေး၌ ပြောကြား ခဲ့သည့်မိန့်ခွန်းတွင် ပြည်သူတစ်ရပ်လုံး၏ လူမှုစီးပွားဘဝ တိုးတက်မြင့်မားစေရန်ရည်ရွယ်၍ တစ်မျိုး သားလုံးအကျိုးစီးပွားကို ကာကွယ်စောင့်ရှောက်ပေးနိုင်သည့် လိုအပ်သောမူဝါဒများ၊ ဥပဒေများ ချမှတ်ပြဋ္ဌာန်းဆောင်ရွက်သွားရန် လိုအပ်ပါကြောင်း လမ်းညွှန်ပြောကြားခဲ့ပါသည်။ ထို့အပြင် ပြည်ထောင်စုအစိုးရအနေဖြင့် အကောင်အထည်ဖော်ဆောင်ရွက်ရမည့် ဥပဒေပြုရေးအစီအစဉ်(၁၀)ရပ် အနက် နောက်ဆုံးအချက်တွင် "ရာသီဥတုပြောင်းလဲမှုကြောင့် ဖြစ်ပေါ်လာသည့်မမျှော်မှန်းနိုင်သော သဘာဝဘေးအန္တရာယ်များနှင့်ပတ်သက်၍ ကူညီကယ်ဆယ်ရေး၊ ပြန်လည်ထူထောင်ရေးနှင့် သဘာဝ ဘေးအန္တရာယ် ရေရှည်ကာကွယ်ရေးတို့အတွက် လိုအပ်သည့်အစီအမံများကို ပြန်လည်သုံးသပ်၍ ပြင်ဆင်ဆောင်ရွက်နိုင်ရန်ပြဋ္ဌာန်းခြင်း" ဟူသည့် လမ်းညွှန်ချက်များအရ သဘာဝဘေးအန္တရာယ်ဆိုင်ရာ စီမံခန့်ခွဲမှုဥပဒေကို ရေးဆွဲပြဋ္ဌာန်းရန် ဆောင်ရွက်ခဲ့ပါသည်။

သဘာဝဘေးအန္တရာယ်ဆိုင်ရာ စီမံခန့်ခွဲမှုဥပဒေကြမ်းကို ၂၀၁၁ ခုနှစ်၊ ဇွန်လတွင်စတင်ရေးဆွဲ ခဲ့ပါသည်။ ဥပဒေမူကြမ်းရေးဆွဲမှု ညှိနှိုင်းအစည်းအဝေးများကို ပြည်ထောင်စုဝန်ကြီး ကြီးမှူး၍ (၄)ကြိမ်၊ ဒုတိယဝန်ကြီး ကြီးမှူး၍(၅)ကြိမ်၊ ညွှန်ကြားရေးမှူးချုပ်ဦးဆောင်၍ ဌာနတွင်းအစည်း အဝေးအကြိမ်(၂၀)ခန့်ပြုလုပ်ခဲ့ပြီး ၂၀၁၂ ခုနှစ်၊ ဇူလိုင်လတွင်ကျင်းပသည့် ပထမအကြိမ်ပြည်ထောင်စု လွှတ်တော် စတုတ္ထပုံမှန်အစည်းအဝေးတွင် အဆိုပြုတင်သွင်းခဲ့ရာ ၁၃၇၅ ခုနှစ်၊ ဝါဆိုလပြည့်ကျော် (၉)ရက်၊ ၂၀၁၃ ခုနှစ်၊ ဇူလိုင်လ(၃၁)ရက်နေ့တွင် ကျင်းပပြုလုပ်သည့် ပထမအကြိမ် ပြည်ထောင်စု လွှတ်တော်၊ သတ္တမပုံမှန်အစည်းအဝေးတွင် ပြည်ထောင်စုလွှတ်တော် ဥပဒေအမှတ်-၂၁ ဖြင့် အတည်ပြု ပြဋ္ဌာန်းခဲ့ပြီး နည်းဥပဒေကို လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေး ဝန်ကြီးဌာန၏ ၁၃၇၆ ခုနှစ်၊ တန်ခူးလပြည့်ကျော်(၄)ရက်၊ ၂၀၁၅ ခုနှစ်၊ ဧပြီလ(၇)ရက် ရက်စွဲပါ အမိန့်ကြော်ငြာစာအမှတ်(၂၂/၂၀၁၅)ဖြင့် သဘာဝဘေးအန္တရာယ်ဆိုင်ရာ စီမံခန့်ခွဲမှုဥပဒေပုဒ်မ ၄၃၊ ပုဒ်မခွဲ(က)အရ အပ်နှင်းထားသောလုပ်ပိုင်ခွင့်ကိုကျင့်သုံး၍ ပြည်ထောင်စုအစိုးရအဖွဲ့၏ သဘော တူညီချက်ဖြင့် နည်းဥပဒေများကို ထုတ်ပြန်ခဲ့ပါသည်။

လုပ်ထုံးလုပ်နည်းများအရ သဘာဝဘေးအန္တရာယ်ကြောင့် အတိဒုက္ခကြုံတွေ့နေရသော ဘေးသင့်ပြည်သူများအား လတ်တလောသက်သာချောင်ချိမှုရရှိစေရေးအတွက် ထောက်ပံ့ပေးရန်ဟူ သည့်ဦးစီးဌာန၏ ရည်ရွယ်ချက်အတိုင်း ယခင်ထောက်ပံ့မှုပေးရာတွင် သက်ဆိုင်ရာသို့အဆင့်ဆင့် တင်ပြပြီး ထောက်ပံ့ခဲ့ရသော်လည်း ယခုအခါ ဘေးဖြစ်ပွားမှုသတင်းရရှိသည်နှင့် ဘေးဖြစ်ပွားရာဒေသသို့ချက်ချင်းသွားရောက်ထောက်ပံ့ခွင့်ပြုခဲ့ပါသည်။

သဘာဝဘေးအန္တရာယ်ကြောင့် ဘေးဒဏ်ခံစားရသောပြည်သူများအတွက် ပိုမိုကောင်းမွန်သည့် လူနေမှုဘဝရရှိစေရေးဟူသည့် ရည်မှန်းချက်ကို အကောင်အထည်ဖော်သည့်အနေဖြင့် ယခုထောက်ပံ့မှု ပေးနေသည့် ကယ်ဆယ်ရေးပစ္စည်း(၉)မျိုးအပြင် ၂၀၁၇-၂၀၁၈ ဘဏ္ဍာရေးနှစ်မှစတင်ကာ ဦးစီးဌာန ၏အမိန့်၊ ညွှန်ကြားချက်များနှင့်အညီ အောက်ပါအတိုင်းပြင်ဆင်ထောက်ပံ့ပေးလျက်ရှိပါသည်-

သဘာဝဘေးအန္တရာယ်ကြောင့်

  • သေဆုံးသူ(၁)ဦးလျှင် (၃ သိန်းနှုန်း)
  • ဒဏ်ရာရလူနာ(၁)ဦးလျှင် (၅ သောင်းနှုန်း)

အိမ်ဆောက်ပစ္စည်းဖိုး(မီးဘေး)

  • လုံးဝပျက်စီး(တိုက်အိမ်) (၂သိန်းနှုန်း)
  • လုံးဝပျက်စီး(သွပ်မိုး/ပျဉ်ကာ) (၂သိန်းနှုန်း)
  • လုံးဝပျက်စီး(ဓနိမိုး/ထရံကာ) (၁သိန်းနှုန်း)
  • လုံးဝပျက်စီး(ဘာသာရေးကျောင်း) (၃သိန်းနှုန်း)
  • တစ်စိတ်တစ်ပိုင်းပျက်စီး(အိမ်/ဘာသာရေးကျောင်း) (၁ သိန်းနှုန်း)
  • မီးတားကြိုတင်ဖျက် (အိမ်/ဘာသာရေးကျောင်း)(၁ သိန်းနှုန်း)

အိမ်ဆောက်ပစ္စည်းဖိုး(အခြားဘေး)

  • လုံးဝပျက်စီး(တိုက်/သွပ်မိုး/ပျဉ်ကာ) (၂ သိန်းနှုန်း)
  • လုံးဝပျက်စီး(ဓနိမိုး/ထရံကာ) (၁ သိန်းနှုန်း)
  • တစ်စိတ်တစ်ပိုင်းပျက်(မြေပြို/ကမ်းပြို)(ကြိုတင်ဖျက်/ပြောင်းရွှေ့အိမ်) (၁ သိန်းနှုန်း)

ဆန်ရိက္ခာဖိုးထောက်ပံ့ခြင်း

  • အနည်းဆုံးလူ(၁)ဦးလျှင် (၂)ဘူးနှုန်းဖြင့် (၇)ရက်စာ ထောက်ပံ့ပေးပြီး လိုအပ် ချက်ပေါ်မူတည်၍ ထပ်မံထောက်ပံ့ပေးလျက်ရှိပါသည်။
ကယ်ဆယ်ရေးနှင့်ပြန်လည်နေရာချထားရေးဦးစီးဌာန၊ ပြည်ထောင်စုနယ်မြေဦးစီးမှူးရုံး၊ နေပြည်တော်

ဇမ္ဗူသီရိမြို့နယ်၊ နေပြည်တော်ကောင်စီရုံးဝင်း

၀၆၇-၅၅၀၂၈၄၊ ၀၉-၂၆၂၆၉၀၀၃၃


ရှေ့သို့