NAY PYI TAW COUNCIL MYANMAR

နေပြည်တော်ကျေးလက်ဒေသဖွံ့ဖြိုးတိုးတက်ရေးဦးစီးဌာန

၁၈၇၄ခုနှစ်တွင် မြူနီစီပယ်အက်ဥပဒေအား ရေးဆွဲခဲ့ပြီး၊ ၎င်းဥပဒေအရ အောက်မြန်မာနိုင်ငံ မြို့ကြီး (၇)မြို့ဖြစ်သော ရန်ကုန်၊ ပုသိမ်၊ ဟင်္သာတ၊ မောလမြိုင်၊ စစ်တွေ၊ ပြည်၊ တောင်ကူမြို့များတွင် မြူနီစီပယ် အဖွဲ့များဖွဲ့စည်း၍ မြို့ပြစည်ပင်ဖွံ့ဖြိုးတိုးတက်ရေး လုပ်ငန်းများကို ဆောင်ရွက်ခဲ့ပါသည်။ ၁၈၉၈ခုနှစ်၊ မြူနီစီပယ် အက်ဥပဒေဖြင့် မြို့ပြဖွံ့ဖြိုးတိုးတက်ရေးနှင့် မြို့ပြစည်ပင်သာယာရေးလုပ်ငန်းများ ကို ဆောင်ရွက်နိုင်ရန် မြူနီစီပယ် အဖွဲ့များနှင့် မြို့ကော်မတီများကို တစ်နိုင်ငံလုံးတွင် ထပ်မံတိုးချဲ့ဖွဲ့စည်း ခဲ့ပါသည်။

၁၉၂၁ခုနှစ်တွင် ကျေးလက်ဖွံ့ဖြိုးတိုးတက်ရေးကို ထိထိရောက်ရောက် ဆောင်ရွက်နိုင်ရန်အတွက် “မြန်မာနိုင်ငံ ကျေးလက်ကိုယ်ပိုင်အုပ်ချုပ်ရေးအက်ဥပဒေ” ကိုရေးဆွဲခဲ့ပြီး၊ ယင်းဥပဒေအရ ကျေးလက် ဒေသဖွံ့ဖြိုးတိုးတက်အောင် ဆောင်ရွက်သော ဒီစကြိတ်ကောင်စီများဖွဲ့စည်းပြီး ဖွံ့ဖြိုးမှုနည်းပါးသော ဝေးလံခေါင်ဖျားဒေသများတွင် ခရိုင်ဝန် အုပ်ချုပ်သော ဒေသန္တရရန်ပုံငွေအဖွဲ့များ ဖွဲ့စည်း၍ ကျေးလက်ဒေသဖွံ့ဖြိုးတိုးတက်ရေး လုပ်ငန်းများ ဆောင်ရွက် ခဲ့ပါသည်။ ၁၉၇၄ခုနှစ်၊ နိုင်ငံတော် ဖွဲ့စည်းပုံအခြေခံ ဥပဒေ မထုတ်ပြန်မီ ၁၉၇၂ခုနှစ်၊ မတ်လ(၁၅)ရက်နေ့ အုပ်ချုပ်ရေး စနစ်သစ်အရ ယခင်ကမြူနီစီပယ် အဖွဲ့များနှင့် ဒီစကြိတ်ကောင်စီစသည့် ဒေသန္တရရန်ပုံငွေ အဖွဲ့များကို စည်ပင်သာယာရေးအဖွဲ့များဟု ပြောင်းလဲခေါ်ဝေါ်ခုံပြီး ပြည်ထဲရေးနှင့် သာသနာရေးဝန်ကြီးဌာနအောက်ရှိ အထွေထွေအုပ်ချုပ်ရေး းစီးဌာနတွင် ပါဝင်ခဲ့ပါသည်။

၁၉၉၃ခုနှစ်၊ ဧပြီ(၁)ရက်နေ့တွင် စည်ပင်သာယာရေးအဖွဲ့များဥပဒေ ၅/၉၃ကို ထုတ်ပြန် ကြေငြာခြံပြီး၊ ၁၉၉၄ခုနှစ်၊ ဇန်နဝါရီလ(၃၀)ရက်နေ့တွင် စည်ပင်သာယာရေးဦးစီးဌာနကို ဖွဲ့စည်း၍ နယ်စပ်ဒေသနှင့် တိုင်းရင်းသားလူမျိုးများဖွံ့ဖြိုးတိုးတက်ရေးနှင့် စည်ပင်သာယားရေးဝန်ကြီး ဌာနအောက်တွင် စည်ပင်သာယာ ရေးဌာန ပေါ်ပေါက်ခဲ့ပါသည်။ မြို့ပြနှင့် ကျေးလက်စည်ပင်သာယာရေး လုပ်ငန်းများကို ပူးပေါင်း၍ ကျေးလက် ဒေသဖွံ့ဖြိုးတိုတက်အောင် စည်ပင်သာယာရေးဦးစီးဌာနသည် မြို့နယ်စည်ပင်သာယာရေးအဖွဲ့(၂၈၄)ဖွဲ့၊ မြို့စည်ပင် သာယာရေးအဖွဲ့(၁)ဖွဲ့နှင့် မြို့နယ်ခွဲစည်ပင်သာယာ ရေးအဖွဲ့(၈၂)ဖွဲ့တို့ကိုဖွဲ့စည်းကြီးကြပ်ဆောင်ရွက်ခဲ့ပါသည်။

နိုင်ငံတော်အစိုးရသစ်လက်ထက်တွင် နိုင်ငံတော်အစိုးရမှ နိုင်ငံတော်၏ ဥပဒေပြုရေး၊ အုပ်ချုပ်ရေးနှင့် တရားစီရင်ရေးအာဏာ(၃)ရပ်အား ပြည်ထောင်စု၊ တိုင်းဒသကြီးများ၊ ပြည်နယ်များနှင့် ကိုယ်ပိုင် အုပ်ချုပ်ခွင့် ရစီရင်စုများသို့ ခွဲဝေအပ်နှင်း ကျင့်သုံးဆောင်ရွက်လျက်ရှိရာ စည်ပင်သာယာရေးဆိုင်ရာ ကိစ္စရပ်များနှင့် စပ်လျဉ်း၍ ဥပဒေပြုရေးအပါ အဝင်အခွန်အခများ စည်းကြပ်ကောက်ခံရေး၊ ဘဏ္ဍာငွေခွဲဝေလျာထားသုံးစွဲရေး၊ လုပ်ငန်းများ အကောင်အထည်ဖော် ဆောင်ရွက်ရေးကိစ္စများကို သက်ဆိုင်ရာတိုင်းဒေသကြီးနှင့် ပြည်နယ်အစိုးရအဖွဲ့များက တည်ဆဲဥပဒေ စည်းမျဉ်း၊ စည်းကမ်းများနှင့်အညီ ကြီးကြပ်ကွပ်ကဲဆောင်ရွက်ကြရပါသည်။

ပြောင်းလဲလာသောနိုင်ငံတော်၏ အုပ်ချုပ်ရေးစနစ်အရ နေပြည်တော်၊ ရန်ကုန်နှင့် မန္တလေး မြို့တော် စည်ပင်သာယာရေးနယ်နိမိတ်များမှ အပနိုင်ငံတစ်ဝှမ်းလုံးရှိ စည်ပင်သာယာရေး အဖွဲ့များအား တာဝန်ယူကြီးကြပ် ကွပ်ကဲခဲ့သည့် စည်ပင်သာယာရေးဦးစီးဌာနအား (၃၁.၃.၂၀၁၂)ရက်နေ့ မှစ၍ ဖျက်သိမ်းခဲ့ပါသည်။

ပြည်ထောင်စုနယ်မြေ၊ နေပြည်တော်အတွင်းရှိ ခရိုင်(၂)ခု၊ မြို့နယ်(၈)မြို့နယ်၊ ကျေးရွာ အုပ်စု (၁၈၆)စုရှိ ကျေးရွာ(၇၉၆)ရွာရှိ ကျေးလက်နေပြည်သူများအတွက် ကျေးလက်ဒေသဖွံ့ဖြိုးရေး နှင့်ဆင်းရဲမှု လျော့ချရေး လုပ်ငန်းများ အကောင်အထည်ဖော်ဆောင်ရွက်ရန် နေပြည်တော် ကျေးလက်ဒေသဖွံ့ဖြိုး တိုးတက်ရေးဦးစီးဌာန တိုင်း အဆင့်ရုံး(၁)ရုံး၊ ခရိုင်အဆင့် (၂)ရုံးနှင့် (က)အဆင့်မြို့နယ်ရုံး(၈)ရုံး၊ စုစုပေါင်းရုံး(၁၁)ရုံးတို့တွင် ကျေးလက်ဒေသ ဖွံ့ဖြိုးတိုးတက်ရေးဦးစီးဌာန ဝန်ထမ်းအင်အား(၁၃၆)ဦးဖြင့် ကျေးလက်ဒေသဖွံ့ဖြိုးရေးလုပ်ငန်း တာဝန်များ ဆောင်ရွက်လျှက်ရှိပါသည်။

ပြည်ထောင်စုနယ်မြေ၊ နေပြည်တော်ကျေးလက်ဒေသဖွံ့ဖြိုးတိုးတက်ရေးဦးစီးဌာန၀န်ထမ်းဖွဲ့စည်းပုံ

မျှော်မှန်းချက်

ကျေးလက်ဒေသဖွံ့ဖြိုးတိုးတက်ရေးဦးစီးဌာန၏ မျှော်မှန်းချက် (Vision)မှာ စဉ်ဆက်မပြတ် ဖွံ့ဖြိုးမှုပန်းတိုင် နှင့်အညီ ကျေးလက်နေပြည်သူများ၏ လူမှုစီးပွားဘဝဖွံ့ဖြိုးတိုးတက်လာစေရန် မျှော်မှန်းပါသည်။

ရည်မှန်းချက်

1. (၁)ကျေးလက်ဒေသအခြေခံအဆောက်အဉီဖွံ့ဖြိုးရေးနှင့် ကျေးလက်အသက်မွေး၀မ်းကျောင်းဖွံ့ဖြိုးတိုးတက်ရေးလုပ်ငန်းများ ဆောင်ရွက်ခြင်းဖြင့် ကျေးလက်နေပြည်သူများ၏ လူမှုစီးပွားဘ၀ မြင့်မားလာစေရန်၊
2. (၂)ဌာန၀န်ထမ်းများနှင့် ကျေးလက်နေပြည်သူများ၏ စွမ်းဆောင်ရည်မြင့်မားရေး၊ သုတေသနနှင့် နည်းပညာဖွံ့ဖြိုးရေးလုပ်ငန်းမျာ ဆောင်ရွက်ခြင်းဖြင့် စဉ်ဆက်မပြတ် ဖွံ့ဖြိုးမှုကို ဖော်ဆောင်ရန်၊
3. (၃)လူထုဗဟိုပြုချဉ်းကပ်နည်းဖြင့် ကျေးလက်နေပြည်သူများမှ အခြေခံလူမှုစီးပွားအဆောက်အဉီများနှင့် ၀န်ဆောင်မှုများကို ရယူသုံးစွဲနိုင်စေရန်။

ကျေးလက်ဒေသဖွံ့ဖြိုးတိုးတက်ရေးဦးစီးဌာန၏ မူ၀ါဒများမှာ−

1. (၁)ကျေးလက်နေပြည်သူများ၏ လူမှုစီးပွားဘ၀ ဖွံ့ဖြိုးတိုးတက်လာစေရေ:အတွက် ကျေးလက်ကုန်ထုတ်လမ်းများအပါအ၀င် ကျေးလက်လမ်းတံတားဖွံ့ဖြိုးရေးလုပ်ငန်းများ၊ ကျေးလက်သောက်သုံးရေရရှိရေးလုပ်ငန်းများ၊ မဟာဓာတ်အားလိုင်းပြင်ပ ကျေးလက်မီးလင်းရေး လုပ်ငန်းများ ဆောင်ရွက်ပေးသွားမည်ဖြစ်သည်။
2. (၂)ကျေးလက်ဒေသ၌ အခြားလူမှုရေးဆိုင်ရာ အခြေခံအဆောက်အဉီများ ဖွံ့ဖြိုးတိုးတက်ရေးအတွက် လူထုဗဟိုပြု ချဉ်းကပ်မှုနည်းလမ်းဖြင့် ဆောင်ရွက်သွားမည်။
3. (၃)ကျေးလက်နေပြည်သူများ၏ အသက်မွေး၀မ်းကြောင်းနှင့် မိသားစု၀င်ငွေ တိုးပွားရေးလုပ်ငန်းများဆောင်ရွက်နိုင်ရန်နှင့် စဉ်ဆက်မပြတ် ဘဏ္ဍာငွေ အရင်းအမြစ်ရရှိစေရန်၊ အရင်းမပျောက်လည်ပတ်ရန်ပုံငွေ(Revolving Fund)၊ လူထုတိုက်ရိုက်ထောက်ပံ့ငွေ(Block Grant)များ ထူတောင်ဆောင်ရွက်ပေးသွာမည်။
4. (၄)ကျေးလက်ဒေသများတွင် ကျွမ်းကျင်လုပ်သားလိုအပ်ချက်ကို အထောက်အကူပြုဖြည့်ဆည်းပေးနိုင်ရန် အသက်မွေး၀မ်းကျောင်းသင်တန်းများ၊ စွမ်းဆောင်ရည်မြှင့်တင်ရေး သင်တန်းများဖွင့်လှစ်ဆောင်ရွက်ပေးသွားမည်။
5. (၅)အရေးပေါ်အခြေအနေနှင့် သဘာ၀ဘေးအန္တရာယ်ကျရောက်မှုကြောင့် အိုးအိမ်ပျက်ဆီး ဆုံးရှုံးသွားသော ကျေးလက်အိမ်ရာများ၊ ယင်လုံအိမ်သာများ ဆောက်လုပ်ပေးသွားမည်။
6. (၆)၀န်ထမ်းများ၏ စွမ်းဆောင်ရည်မြှင့်တင်ခြင်း၊ ကောင်းမွန်သောစီမံအုပ်ချုပ်မှု ယန္တရား တိုးတက်ဖြစ်ပေါ်စေရေးနှင့် သုတေသနလုပ်ငန်းများ ဖွံ့ဖြိုးစေရေးဆောင်ရွက်သွားမည်။
7. (၇)ဆင်းရဲနွမ်းပါးမှုလျော့ချရေးနှင့် ကျေးလက်ဒေသဖွံ့ဖြိုးရေးလုပ်ငန်းများတွင် သက်ဆိုင်သူများ (Stakeholder)အားလုံးနှင့် ပူးပေါင်းဆောင်ရွက်သွားမည်။

ကျေးလက်ဒေသဖွံ့ဖြိုးတိုးတက်ရေးဦးစီးဌာန၏ လုပ်ငန်းစဉ်များမှာ−

1. (၁)၂၀၃၀ ခုနှစ်တွင် ကျေးရွာများအားလုံး၌ ရာသီမရွေးဆက်သွယ်သွားလာနိုင်သည့် အဓိကလမ်းမကြီး အနည်းဆုံးတစ်ခုဖြစ်ပေါ်စေရေး ရည်မှန်း၍ ကျေးလက်လမ်းတံတားများ ဖွံ့ဖြိုးရေး မဟာဗျူဟာရေးဆွဲအကောင်အထည်ဖော် ဆောင်ရွက်သွားမည်။
2. (၂)ဒေသအလိုက် အကျိုးရှိမည့် ရေရရှိရေးစီမံကိန်းကို အကောင်အထည်ဖော်ဆောင်ရွက်မည်။
3. (၃)ကျေးလက်သန့်ရှင်းသော သောက်သုံးရေရရှိရေးဆိုင်ရာ နည်းပညာနှင့် အသိပညာပေးခြင်းများကို ဆောင်ရွက်သွားမည်။
4. (၄)အမျိုးသားလျှပ်စစ်ဓာတ်အား ရရှိရေးစီမံချက်နှင့်အညီ မဟာဓာတ်အားလိုင်းပြင်ပ ကျေးလက်မီးလင်းရေးလုပ်ငန်းများကို ဆောင်ရွက်ပေးသွားမည်။
5. (၅)ကျေးလက်မီးလင်းရေး လုပ်ငန်းများဆောင်ရွက်ရာတွင် ပုဂ္ဂလိကလုပ်ငန်းရှင်းများနှင့် ပူးပေါင်းဆောင်ရွက်သွားမည်။
6. (၆)ကျေးလက်မီးလင်းရေးကဏ္ဍတွင် အသေးစားဓာတ်အားလိုင်း (Mini-Grid)ဖွံ့ဖြိုးရေးအတွက်လိုအပ်သော စည်းမျဉ်းစည်းကမ်းများ၊ လုပ်ထုံးလုပ်နည်းများရေးဆွဲပြဌာန်းသွားမည်။
7. (၇)အရေးအပေါ်အခြေအနေနှင့် သဘာ၀ဘေးအန္တရာယ်ကျရောက်မှုကြောင့် အိုးအိမ်ပျက်ဆီးဆုံးရှုံးသွားသော ကျေးလက်အိမ်ရာများ၊ ယင်လုံအိမ်သာများ ဆောက်လုပ်ပေးသွားမည်။
8. (၈)ကျေးလက်ဒေသ၌ အခြားလူမှုရေးဆိုင်ရာ အခြေခံအဆောက်အဉီများ ဖွံ့ဖြိုးတိုးတက်ရေးနှင့် စွမ်းဆောင်ရည်မြင့်မားရေးအတွက် လူထုဗဟိုပြုစီမံကိန်း အကောင်အထည်ဖော်ဆောင်ရွက်သွားမည်။
9. (၉)ကျေးလက်နေပြည်သူများ အသက်မွေး၀မ်းကျောင်းနှင့် မိသားစု၀င်ငွေ တိုးပွားရေးလုပ်ငန်းများ ဆောင်ရွက်နိုင်ရန် မြစိမ်းရောင်ကျေးရွာစီမံကိန်းဖြင့် အရင်းမပျောက် လည်ပတ်ရန်ပုံငွေ (Revolving Fund)ထူထောင်ဆောင်ရွက်ပေးမည်။
10. (၁၀)အသက်မွေး၀မ်းကျောင်းနှင့် မိသားစု၀င်ငွေ တိုးပွားရေးလုပ်ငန်းများ ဖွံ့ဖြိုးရေးအတွက် အထောက်အထူပြုသင်တန်းများ ဖွင့်လှစ်သွားမည်။
11. (၁၁)သုတေသနလုပ်ငန်းများ၊ နည်းပညာနှင့် လူ့စွမ်းအားအရင်းအမြစ် ဖွံ့ဖြိုးတိုးတက်ရေးအတွက် အစီအမံများ ရေးဆွဲအကောင်အထည်ဖော် ဆောင်ရွက်ပေးသွားမည်။

1. (၁)ကျေးရွာချင်းဆက်လမ်း၊ တံတားများနှင့် ခရိုင်ချင်းဆက်လမ်း၊ တံတားများ တည်ဆောက်ခြင်း၊ အဆင့်မြှင့်တင်ခြင်း၊ ပြင်ဆင်ထိန်းသိမ်းခြင်း၊
2. (၂)ကျေးလက်ဒေသသန့်ရှင်းသော သောက်သုံးရေရရှိရေး ဆောင်ရွက်ပေးခြင်း၊
3. (၃)ကျေးလက်ဒေသ ကျန်းမာသန့်ရှင်းရေး လုပ်ငန်းများ ဆောင်ရွက်ပေးခြင်း၊
4. (၄)ကျေးလက်အိမ်ရာများ တည်ဆောက်ခြင်း၊
5. (၅)ကျေးလက်မီးလင်းရေး ဆောင်ရွက်ပေးခြင်း၊
6. (၆)ကျေးလက်နေပြည်သူများအတွက် အလုပ်အကိုင်အခွင့်အလမ်းများ ဖန်တီးပေးခြင်း၊
7. (၇)ကျေးလက်လူ့စွမ်းအားအရင်းအမြစ် ဖွံ့ဖြိုးတိုးတက်အောင် ဆောင်ရွက်ပေးခြင်း၊
8. (၈)ကျေးလက်နေပြည်သူများအတွက် အသေးစားချေးငွေလုပ်ငန်းများ ဆောင်ရွက်ပေးခြင်း၊
9. (၉)ကျေးလက်လူ့စွမ်းအားအရင်းအမြစ်ဖွံ့ဖြိုးတိုးတက်အောင်ဆောင်ရွက်ပေးခြင်း၊
10. (၁၀)ကျေးလက်ယဉ်ကျေးမှုနှင့် ဓလေ့ထုံးစံများ ဖော်ထုတ်ထိန်းသိမ်းခြင်း၊
11. (၁၁)မြို့ပြနှင့် ကျေးလက်လူမှုစီးပွားဘ၀ကွာဟမှု ကျဉ်းမြောင်းစေရေးအတွက် မဟာဗျူဟာအစီအမံများချမှတ်ဆောင်ရွက်ပေးခြင်း၊
12. (၁၂)ကျေးလက်ဒေသဖွံ့ဖြိုးရေးနှင့် ဆင်းရဲနွမ်းပါးမှုလျှော့ချရေး လုပ်ငန်းစဉ်(၈)ရပ်တွင် အကျုံး၀င်သော ကိစ္စများဆောင်ရွက်ပေးခြင်း။

ကျေးလက်ဒေသဖွံ့ဖြိုးတိုးတက်ရေးဦးစီးဌာနအနေဖြင့် ဆောင်ပုဒ်များထုတ်ပြန်ထားခြင်းမရှိပါ။

ကျေးလက်ဒေသဖွံ့ဖြိုးတိုးတက်ရေးဦးစီးဌာနအနေဖြင့် ပြည်ထောင်စုသမ္မတမြန်မာနိုင်ငံတော် အစိုးရမှ ထုတ်ပြန်ထားသော ဥပဒေ၊ နည်းဥပဒေ လုပ်ထုံးလုပ်နည်းနှင့် ညွှန်ကြားချက်များနှင့်အညီ ကျေးလက်ဒေသဖွံ့ဖြိုးရေးလုပ်ငန်းများ အကောင်အထည်ဖော်ဆောင်ရွက်လျက်ရှိပါသည်။

ပြည်ထောင်စုနယ်မြေ၊ နေပြည်တော်အတွင်း ရုံးများဖွင့်လှစ်ပြီးစီးမှုအခြေအနေမှာ အောက်ပါအတိုင်း ဖြစ်ပါသည်−

ပြည်ထောင်စုနယ်မြေ၊ နေပြည်တော် ကျေးလက်ဒေသဖွံ့ဖြိုးတိုးတက်ရေးဦးစီးဌာန

ဦးစီးမှူးရုံးခန်းဖုန်း	၀၆၇−၈၆၃၆၄၄၃
ဒုတိယညွှန်ကြားရေးမှူးရုံးခန်းဖုန်း	၀၆၇−၈၁၀၆၁၈၈
စီမံရေးရာဌာနရုံးဖုန်း၊ Fax	၀၆၇−၈၁၀၆၁၈၆
အင်ဂျင်နီယာဌာနရုံးဖုန်း၊ Fax	၀၆၇−၈၁၀၆၁၈၇
လိပ်စာ−ရာဇသင်္ဂဟလမ်းအနောက်ဘက်၊ ကံ့ကော်ပန်း၀ိုင်းအနီး၊ ဒက္ခိဏသီရိမြို့နယ်

ဒက္ခိဏခရိုင်ကျေးလက်ဒေသဖွံ့ဖြိုးတိုးတက်ရေးဦးစီးဌာန

( ဇမ္ဗူသီရိ၊ ဒက္ခိဏသီရိ ) မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန

ခရိုင်ဦးစီးမှူးရုံးခန်းဖုန်း	၀၆၇−၈၁၀၆၁၈၉
ဦးစီးအရာရှိဖုန်း	၀၆၇−၈၁၀၆၂၉၀
စီမံရေးရာဌာနရုံးဖုန်း၊ Fax	၀၆၇−၈၁၀၆၁၉၀
အင်ဂျင်နီယာဌာနရုံးဖုန်း၊ Fax	၀၆၇−၈၁၀၆၁၉၁
ဒက္ခိဏသီရိမြို့နယ်ရုံးဖုန်း	၀၆၇−၈၁၀၆၁၉၂
လိပ်စာ−ရာဇသင်္ဂဟလမ်းအနောက်ဘက်၊ ကံ့ကော်ပန်း၀ိုင်းအနီး၊ ဒက္ခိဏသီရိမြို့နယ်

ပျဉ်းမနားမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန

ပျဉ်းမနားမြို့နယ်ရုံးဖုန်း	၀၆၇−၂၄၈၀၉
လိပ်စာ−OSSရုံးအတွင်း၊ ပျဉ်းမနားမြို့

လယ်ဝေးမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန

မြို့နယ်ဦးစီးမှူးရုံးဖုန်း	၀၆၇−၈၁၀၆၃၂၅
Fax ဖုန်း	၀၆၇−၈၁၀၆၃၂၆
လိပ်စာ−ရာဇသင်္ဂဟလမ်းအနောက်ဘက်၊ ကံ့ကော်ပန်း၀ိုင်းအနီး၊ ဒက္ခိဏသီရိမြို့နယ်

ဥတ္တရခရိုင်ကျေးလက်ဒေသဖွံ့ဖြိုးတိုးတက်ရေးဦးစီးဌာန

( ဇေယျာသီရိ၊ ပုဗ္ဗသီရိ၊ ဥတ္တရသီရိ ) မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန

ခရိုင်ဦးစီးမှူးရုံးခန်းဖုန်း	၀၆၇−၄၁၇၈၉၁
ဦးစီးအရာရှိဖုန်း	၀၆၇−၄၃၅၂၀၄
စီမံရေးရာဌာနရုံးဖုန်း၊ Fax	၀၆၇−၄၁၇၈၉၂
အင်ဂျင်နီယာဌာနရုံးဖုန်း၊ Fax	၀၆၇−၄၁၇၈၉၃
ဇေယျာသီရိမြို့နယ်ရုံးဖုန်း	၀၆၇−၄၃၅၂၀၁
ပုဗ္ဗသီရိမြို့နယ်ရုံးဖုန်း	၀၆၇−၄၃၅၂၀၂
ဥတ္တရသီရိမြို့နယ်ရုံးဖုန်း	၀၆၇−၄၃၅၂၀၃
လိပ်စာ−မော်လမြိုင်ကျွန်း(၂)လမ်း ၊ သီရိရတနာလမ်းထောင့်၊ ချင်းရွာ၊ ဥတ္တရသီရိမြို့နယ်

တပ်ကုန်းကျေးလက်ဒေသဖွံ့ဖြိုးတိုးတက်ရေးဦးစီးဌာန

တပ်ကုန်းမြို့နယ်ရုံးဖုန်း	၀၆၇−၇၁၁၄၇
ရှောက်ကုန်းအုပ်စု၊ ရန်ကုန်−မန္တလေးလမ်းဟောင်းဘေး၊ မိဂဒါ၀ုန်ဘုန်းကြီးကျောင်းအနီး

ရှေ့သို့

---

အခြားသတင်းများ

---

ဓါတ်ပုံ သတင်းမှတ်တမ်းများ

ကြေငြာချက်များ

ဖျော်ဖြေရေးကဏ္ဍ

ငှားရမ်းခြင်းဝန်ဆောင်မှု

ဓါတ်ပုံ သတင်းမှတ်တမ်းများ

ကြေငြာချက်များ

ဖျော်ဖြေရေးကဏ္ဍ

ငှားရမ်းခြင်းဝန်ဆောင်မှု