NAY PYI TAW COUNCIL MYANMAR

နေပြည်တော်ငွေရေးကြေးရေးကြီးကြပ်စစ်ဆေးရေးဦးစီးဌာန

ငွေရေးကြေးရေးကြီးကြပ်စစ်ဆေးရေးဦးစီးဌာနသည် မြန်မာနိုင်ငံတော်လွတ်လပ်ရေးရပြီးနောက် နိုင်ငံတော် အစိုးရ အပေါင်ဆိုင် ကြီးကြပ်အုပ်ချုပ်ရေးအဖွဲ့၏ ကြီးကြပ်မှုဖြင့် ပထမဦးဆုံး အစိုးရ အပေါင်ဆိုင်ကို အင်စိန်မြို့တွင် ၁၉၅၂ခုနှစ် နိုင်ဝင်ဘာလ(၁၁) ရက်နေ့တွင် စတင်ဖွင့်လှစ်ခဲ့ပြီး ၁၉၆၂ ခုနှစ်တွင် မြန်မာနိုင်ငံ စီးပွားရေး တိုးတက်မှုကော်ပိုးရေးရှင်း လက်ထက်တွင် ပြည်သူ့ငွေချေး ကုမ္ပဏီ လီမိတက်၊၁၉၆၇ခုနှစ် ပြည်ထောင်စုမြန်မာနိုင်ငံဘဏ် လက်အောက်တွင် ပြည်သူ့ ငွေချေးဌာန၊၁-၁၁-၁၉၆၉ ရက်နေ့တွင် အသေးစားငွေချေးဌာန၊ ၁-၄-၁၉၇၆ ရက်နေ့တွင် မြန်မာ့စီးပွားရေးဘဏ် ရုံးချုပ် အသေးစားငွေချေးဌာန အမည်ဖြင့် အဆင့်ဆင့် ရပ်တည်ခဲ့ရာ နိုင်ငံတော် အစိုးရက ၁၉၉၀ ပြည့်နှစ် မြန်မာနိုင်ငံတော် ငွေရေးကြေးရေး အဖွဲ့အစည်းများ ဥပဒေကို ပြဌာန်းအခါတွင် ၎င်းဥပဒေအရ ၁၉၉၂ ခုနှစ် သြဂုတ်လ(၁၄)ရက်နေ့စ၍ မြန်မာ့အသေးစားချေးငွေလုပ်ငန်းအနေဖြစ် ရပ်တည်ခဲ့ပါသည်။

၁-၄-၂၀၁၁ ရက်နေ့တွင် အစိုးရသစ် ပေါ်ပေါက်လာပြီး နိုင်ငံတော်၏ မူဝါဒအရ ကျေးလက် ဒေသဖွံ့ဖြိုးရေးနှင့်ဆင်းရဲမှုလျော့ချရေး အစီအမံများတွင်ပါဝင်တာဝန်ယူရမည်ဖြစ်၍ မြန်မာ့အသေးစား ချေးငွေလုပ်ငန်းအား မြန်မာ့အသေးစားငွေရေးကြေးရေးကြီးကြပ်စစ်ဆေးရေးလုပ်ငန်းအဖြစ်၁၁-၁၀-၂၀၁၁ ရက်နေ့မှ စတင်၍ ပြင်ဆင်ပြောင်းလဲ ဖွဲ့စည်းခဲ့ပါသည်။ထို့နောက် ဘဏ်မဟုတ်သော ငွေရေးကြေးရေး အဖွဲ့အစည်းများအား ကြီးကြပ်ကွပ်ကဲနိုင်ရေးအတွက် ၁-၉-၂၀၁၄ရက်နေ့မှ စတင်၍ မြန်မာ့အသေးစား ငွေရေးကြေးရေးကြီးကြပ်စစ်ဆေးရေးလုပ်ငန်းမှ ငွေရေးကြေးရေးကြီးကြပ်စစ်ဆေးရေးဦးစီးဌာနသို့ ပြင်ဆင် ပြောင်းလဲ ဖွဲ့စည်းခဲ့ပါသည်။

နေပြည်တော်ကောင်စီ ငွေရေးကြေးရေးကြီးကြပ်စစ်ဆေးရေးဦးစီးဌာနသည် တိုင်းတာဝန်ခံ ဒုတိယညွှန်ကြားရေး(၁)ဦးဦးဆောင်၍အရာထမ်း(၅)ဦး၊အမှုထမ်း(၁၃)ဦး၊စုစုပေါင်းဝန်ထမ်းအင်အား (၁၈)ဦးဖြင့် လုပ်ငန်းများ ဆောင်ရွက်လျက်ရှိပါသည်။

ငွေရေးကြေးရေးကြီးကြပ်စစ်ဆေးရေးဦးစီးဌာနသည် မြန်မာနိုင်ငံတွင် အားလုံးပါဝင်သော ငွေကြေးကဏ္ဍ တည်ဆောက်ခြင်းဖြင့် ဝင်ငွေနည်း ပြည်သူများ အပါအဝင် မြို့ပြနှင့်ကျေးလက်နေ ပြည်သူများအား ဈေးနှုန်း သက်သာ၍ အရည်အသွေး ပြည့်ဝကာ လွယ်လင့်တကူ ရယူသုံးစွဲနိုင်သော ငွေကြေး ဝန်ဆောင်မှုများ ကျယ်ပြန့်စွာ ထောက်ပံ့ပေးရန်အတွက် ရည်မှန်းချက်ထား၍ အောက်ပါ လုပ်ငန်းတာဝန်များကို ဆောင်ရွက်လျက်ရှိပါသည်-

• အာမခံလုပ်ငန်းကဏ္ဍတွင် အစိုးရနှင့်ပုဂ္ဂလိကပူးပေါင်းဆောင်ရွက်မှု ပိုမို ခိုင်မာလာစေရေး အတွက် မြန်မာနိုင်ငံ အာမခံအသင်း ဖွဲ့စည်းဆောင်ရွက်ရန်
• နိုင်ငံခြား အာမခံကုမ္ပဏီများနှင့်ပြည်တွင်းကုမ္ပဏီများ သာတူညီမျှ အခွင့်အလမ်း ရရှိစေမည့်အာမခံ လုပ်ငန်းကဏ္ဍ လွတ်လပ်ခွင့်ပြုရေး စီမံချက် ရေးဆွဲဆောင်ရွက်ရန်
• ထီလုပ်ငန်း ကြီးကြပ်ရေးကော်မတီ ဖွဲ့စည်းဆောင်ရွက်ရန်
• ငွေရေးကြေးရေးအဖွဲ့အစည်းများနှင့်ကြီးကြပ်ကွပ်ကဲသူများအကြား Management Information System(MIS)သုံးစွဲနိုင်ရေး ဆောင်ရွက်ရန်
• UNDPနှင့်ပူးပေါင်းဆောင်ရွက်သည့် Normal Country Programပါစီမံကိန်းမျာ ဆောင်ရွက်ရန်
• နိုင်ငံတကာ စံချိန်စံညွှန်းနှင့်ကိုက်ညီသော On Site,Off Site Manualရေးဆွဲရန်နှင့် ဌာနဝန်ထမ်းများCapacity Buildingစဉ်ဆက်မပြတ် မြှင့်တင်ပေးရန်
• နိုင်ငံပိုင်ဘဏ်လုပ်ငန်းများအား Restructuring ပြုလုပ်သွားရန်

• နိုင်ငံတော် ငြိမ်ဝပ်ပိပြားမှု တည်ဆောက်ရေးအဖွဲ့၏ ၂၄-၆-၁၉၉၆ ရက်စွဲပါ ဥပဒေအမှတ်၊၆/၉၆ဖြင့် ပြဌာန်းသည့် အာမခံလုပ်ငန်း လုပ်ကိုင်ခွင့် ဥပဒေ
• ဘဏ္ဍာရေးနှင့်အခွန်ဝန်ကြီးဌာန၏ ၂၆-၆-၁၉၉၇ ရက်စွဲပါအမိန့်ကြော်ငြာစာအမှတ်၊ (၁၁၆/၉၇)ဖြင့် ထုတ်ပြန်သည့် အာမခံလုပ်ငန်း လုပ်ကိုင်ခွင့် နည်းဥပဒေ
• ၃၀-၁၁-၂၀၁၁ ရက်စွဲပါ၂၀၁၁ခုနှစ် ပြည်ထောင်စုလွှတ်တော် ဥပဒေအမှတ်၊၁၃ဖြင့် ပြဌာန်းသည့် အသေးစားငွေရေးကြေးရေးလုပ်ငန်း ဥပဒေ
• အသေးစားငွေရေးကြေးရေးလုပ်ငန်းဆိုင်ရာ လုပ်ထုံးလုပ်နည်းများ၊ ညွှန်ကြားချက်များနှင့် အသေးစားငွေရေးကြေးရေး အဖွဲ့အစည်းများတွင် ထားရှိရမည့် စာရင်းပုံစံနှင့်အစီရင်ခံစာများ
• အသေးစားငွေရေးကြေးရေးဆိုင်ရာ ညွှန်ကြားချက်များ-
• အသေးစားငွေရေးကြေးရေးလုပ်ငန်းကြီးကြပ်မှုကော်မတီ၏ ညွှန်ကြားချက် အမှတ်၊ (၁/၂၀၁၄)၊(၂/၂၀၁၄)နှင့်(၃/၂၀၁၄)
• မြန်မာ့အသေးစားငွေရေးကြေးရေးကြီးကြပ်စစ်ဆေးရေးလုပ်ငန်း၏ ညွှန်ကြားချက်အမှတ်၊(၁/၂၀၁၃)နှင့်(၁/၂၀၁၄)
• အသေးစားငွေရေးကြေးရေးလုပ်ငန်းကြီးကြပ်မှုကော်မတီ၏ ညွှန်ကြားချက်အမှတ်၊(၁/၂၀၁၅)၊(၁/၂၀၁၆)မှ(၅/၂၀၁၆)

ငွေရေးကြေးရေးကြီးကြပ်စစ်ဆေးရေးဦးစီးဌာန၊ နေပြည်တော်ကောင်စီနယ်မြေရုံး။

အမှတ်(z၀-020)၊အောင်ဇမ္ဗူရပ်ကွက်၊ဒက္ခိဏခရိုင်၊ဇမ္ဗူသီရိမြို့နယ်၊နေပြည်တော်

ဦးညိုဌေး၊ဒုတိယညွှန်ကြားရေးမှူး၊09-49329146 ၊ 067-550172

ဒေါ်သန်းသန်းနွယ်၊လ/ထညွှန်ကြားရေးမှူး၊09-402617628၊ 067-550171

ဒေါ်သန်းသန်းဌေး၊ ဦးစီးအရာရှိ၊09-254116798

ဒေါ်ခင်မာစန်း၊ဦးစီးအရာရှိ၊09-796157919