အထူးသတင်းကြေငြာချက်

လျှောက်ထားရန်

ဒေါ်လာရောင်း၊ဝယ် ဈေးနှုန်း

နိုင်ငံခြားငွေလဲလှယ်နှုန်း (၁၈.၁၀.၂၀၁၉)

အမေရိကန် တစ်ဒေါ်လာ ၁၅၃၃.၁
ဥရောပ တစ်ယူရို ၁၇၀၀.၃
တရုတ် တစ်ယွမ် ၂၁၆.၅၈
ထိုင်း တစ်ဘတ် ၅၀.၅၇၂
မလေးရှား တစ်ရင်းဂစ် ၃၆၆.၃၈
အိန္ဒိယ တစ်ရူပီ ၂၁.၅၂၀
ဂျပန် တစ်ရာယန်း ၁၄၀၈.၈
တောင်ကိုရီးယား တစ်ရာ၀မ် ၁၂၉.၉၇
သြစတြေးလျ တစ်ဒေါ်လာ ၁၀၄၃.၃
စင်ကာပူ တစ်ဒေါ်လာ ၁၁၂၁.၉
နေပြည်တော်ဘဏ်မှ ဝန်ဆောင်မှုပေးနေပါသည်။

နေပြည်တော်စီမံကိန်းရေးဆွဲရေးဦးစီးဌာန

ဦးစီးဌာန စတင်ပေါ်ပေါက်လာပုံနှင့်နောက်ခံသမိုင်း

နေပြည်တော်စီမံကိန်းဦးစီးရုံး၊ ပြည်ထောင်စုနယ်မြေ၊ နေပြည်တော်သည် မူလကမန္တလေး တိုင်းဒေသကြီးတွင်ပါဝင်ခဲ့ပြီး ၂၀၀၆ ခုနှစ် အောက်တိုဘာလ ၁၉ ရက်နေ့တွင် တပ်ကုန်း၊ ပျဉ်းမနား၊ လယ်ဝေးမြို့နယ်များပါဝင်သည့် ပျဉ်းမနားခရိုင်စီမံကိန်းရုံးအဖြစ် ဖွဲ့စည်းခဲ့ပါသည်။ ၂၀၀၉ ခုနှစ်တွင်နေပြည်တော်ခရိုင်အဖြစ်မူလ(၃) မြို့နယ်အားတိုးချဲ့၍ (၈) မြို့နယ်အထိဖွဲ့စည်းခဲ့ ပါသည်။၂၀၁၀ခုနှစ်သြဂုတ်လ(၁၁)ရက်နေ့တွင်ပြည်ထောင်စုနယ်မြေ၊နေပြည်တော်၊နေပြည်တော် ခရိုင်စီမံကိန်းဦးစီးရုံး အမည်ဖြင့်ရုံးနေရာပြောင်းဖွင့်လှစ်ခဲ့ပါသည်။ ၂၀၀၈ ခုနှစ် ဖွဲ့စည်းပုံအရ နေပြည်တော်ခရိုင်သည် ပြည်ထောင်စုနယ်မြေအဖြစ် သီးခြားဖြစ်ပေါ်လာပြီး ၂၀၁၃ ခုနှစ် ဇန်နဝါရီလ ၁၁ ရက်နေ့တွင် ပြည်ထဲရေးဝန်ကြီးဌာန၏ အမိန့်ကြော်ငြာစာအရ နေပြည်တော် မြောက်ပိုင်းခရိုင်ကို ဥတ္တရခရိုင်၊ နေပြည်တော်တောင်ပိုင်းခရိုင်ကို ဒက္ခိဏခရိုင်အဖြစ် ဖွဲ့စည်းခဲ့ ပါသည်။ နေပြည်တော်စီမံကိန်းဦးစီးရုံးသည် ဥတ္တရခရိုင် (တပ်ကုန်းမြို့နယ်၊ ဇေယျာသီရိမြို့နယ်၊ ဥတ္တရသီရိမြို့နယ်၊ ပုဗ္ဗသီရိမြို့နယ်)၊ ဒက္ခိဏခရိုင် (လယ်ဝေးမြို့နယ်၊ ပျဉ်းမနားမြို့နယ်၊ ဇမ္ဗူသီရိ မြို့နယ်၊ ဒက္ခိဏသီရိမြို့နယ်)ဖြင့် ဖွဲ့စည်း ထားပြီးရုံးလုပ်ငန်းများကို ဆောင်ရွက်လျက်ရှိပါသည်။

ဦးစီးဌာန၏ တိုင်းဒေသကြီး / ခရိုင် / မြို့နယ်များ ဝန်ထမ်းဖွဲ့စည်းပုံ

၂၀၁၆-၂၀၁၇ ဘဏ္ဍာနှစ်တွင် နေပြည်တော်စီမံကိန်းဦးစီးရုံး၊ ပြည်ထောင်စုနယ်မြေ ၊ နေပြည်တော်/ခရိုင်/မြို့နယ်ရုံးများ၏ ဝန်ထမ်းအင်အား ဖွဲ့စည်းပုံအနေဖြင့် ညွှန်ကြားရေးမှူး (၁) ဦး၊ဒုတိယညွှန်ကြားရေးမှူး(၄) ဦး၊လက်ထောက်ညွှန်ကြားရေးမှူး(၁၄) ဦး၊ဦးစီးအရာရှိ (၃၅) ဦး၊ ဒုတိယဦးစီးမှူး(၈၂) ဦး၊ဌာနခွဲစာရေး(၃) ဦး၊ စာရင်းကိုင်-၂ (၁) ဦး၊ အကြီးတန်းစာရေး (၁၁) ဦး၊ အကြီးတန်းလက်နှိပ်စက်စာရေး (၁) ဦး၊ စာရင်းကိုင်-၃ (၁) ဦး၊ အငယ်တန်းစာရေး (၁၂) ဦး၊ စာရင်းကိုင်-၄ (၁)ဦး၊ယာဉ်မောင်း-၅ (၃) ဦး၊ရုံးအကူ(၁၂) ဦး၊သန့်ရှင်းရေး(၁) ဦး၊ ညစောင့်နေ့စား (၁၁) ဦး၊ စုစုပေါင်းဝန်ထမ်းအင်အား (၁၉၃) ဦး ဖြင့် ဖွဲ့စည်းထားပါသည်။

၂၀၁၆-၂၀၁၇ ဘဏ္ဍာနှစ်တွင် နေပြည်တော်စီမံကိန်းဦးစီးရုံး၊ ပြည်ထောင်စုနယ်မြေ ၊ နေပြည်တော်/ခရိုင်/မြို့နယ်ရုံးများ၏ဝန်ထမ်းအင်အားခန့်ထားမှုအနေဖြင့်ညွှန်ကြားရေးမှူး(၁)ဦး၊ ဒုတိယညွှန်ကြားရေးမှူး (၄) ဦး၊ လက်ထောက် ညွှန်ကြားရေးမှူး (၁၄) ဦး၊ ဦးစီးအရာရှိ(၁၈) ဦး၊ ဒုတိယဦးစီးမှူး(၄) ဦး၊ အကြီးတန်း စာရေး(၃)ဦး၊ အငယ်တန်းစာရေး(၅)ဦး၊ စာရင်းကိုင်-၄ (၁)ဦး၊ယာဉ်မောင်း-၅(၂)ဦး၊ရုံးအကူ(၃)ဦး၊ ညစောင့်နေ့စား(၃)ဦး၊ စုစုပေါင်း ဝန်ထမ်းအင်အား(၅၈)ဦးဖြင့် တာဝန် ထမ်းဆောင်လျက်ရှိပါသည်။

ရည်မှန်းချက်နှင့်လုပ်ငန်းတာဝန်များ

နေပြည်တော်စီမံကိန်းဦးစီးရုံး၏ ရည်မှန်းချက်များမှာ အောက်ပါအတိုင်းဖြစ်ပါသည်။

  • ဒေသန္တရဘက်စုံဖွံ့ဖြိုးတိုးတက်မှုစီမံကိန်းရေးဆွဲရန်
  • နိုင်ငံတော်၏ လူမှုစီးပွားဖွံ့ဖြိုးတိုးတက်မှုအတွက်လိုအပ်သည့် ဦးစားပေးကဏ္ဍများ အလိုက်ရင်းနှီးမြှုပ်နှံမှုများ ထိရောက်စွာရောက်ရှိစေရန်
  • နိုင်ငံတော်ဖွံ့ဖြိုး တိုးတက်မှုအတွက် အထောက်အကူဖြစ်စေသည့် သတင်း အချက်အလက် နှင့် စာရင်းအင်းများကို နိုင်ငံတော်သို့တင်ပြရန်
  • ပြည်သူဗဟိုပြုသည့် နှစ်စဉ်စီမံကိန်းများ၊ ကာလတို၊ ကာလရှည် စီမံကိန်းများရေးဆွဲ တင်ပြရန်
နေပြည်တော်စီမံကိန်းဦးစီးရုံး၏လုပ်ငန်းတာဝန်များ

စီမံကိန်းနှင့်ဘဏ္ဍာရေးဝန်ကြီးဌာန၊ စီမံကိန်းရေးဆွဲရေးဦးစီးဌာန၊ နေပြည်တော်စီမံကိန်း ဦးစီးရုံး၏လုပ်ငန်းတာဝန်များမှာ အောက်ပါအတိုင်းဖြစ်ပါသည်-

၁။ စီမံကိန်းများရေးဆွဲတင်ပြခြင်း

  • နိုင်ငံတော်အစိုးရ၏ ချမှတ်ထားသော မူဝါဒများ၊ ပြည်ထောင်စုနယ်မြေ၊ နေပြည်တော်တစ်ဝန်းရှိ ပြည်သူများ၏ လိုလားချက်၊ လိုအပ်ချက်များအရ ကာလတို၊ကာလရှည်နှင့် နှစ်စဉ်စီမံကိန်းရည်မှန်းရန် အဆိုပြုချက်များကို ခရိုင်အလိုက် စီမံကိန်းများအပေါ် အခြေခံ၍ရေးဆွဲတင်ပြခြင်း
  • ပြုစုပြီးဒေသန္တရ စီမံကိန်းရည်မှန်းရန် အဆိုပြုချက်များကို ပြည်ထောင်စုနယ်မြေ၊ နေပြည်တော်ကောင်စီသို့ တင်ပြအတည်ပြုချက်ရယူခြင်း၊
  • ပြည်ထောင်စုနယ်မြေ၊ နေပြည်တော်ကောင်စီမှ အတည်ပြုပြီးသည့် ဒေသန္တရ စီမံကိန်းရည်မှန်းချက်များကို အမျိုးသားစီမံကိန်းအဖြစ် ပေါင်းစပ်ရေးဆွဲနိုင်ရန် အတွက် စီမံကိန်းရေးဆွဲရေးဦးစီးဌာန (ရုံးချုပ်) သို့ပေးပို့တင်ပြခြင်း ၊
  • စီမံကိန်းရေးဆွဲရေးဦးစီးဌာန (ရုံးချုပ်) နှင့် ညှိနှိုင်းပြီးသော စီမံကိန်းရည်မှန်းချက် များကိုပြည်ထောင်စုနယ်မြေ၊နေပြည်တော်စီမံကိန်းကော်မရှင်မှ အမျိုးသားစီမံကိန်း ကော်မရှင်သို့ တင်ပြနိုင်ရန် စီစဉ်ဆောင်ရွက်ခြင်း
  • ပြည်ထောင်စုလွှတ်တော်မှ အတည်ပြုပေးသည့် ဒေသန္တရစီမံကိန်းရည်မှန်းချက်များ ကို ခရိုင်အလိုက်၊ မြို့နယ်အလိုက် အကောင်အထည်ဖော် ဆောင်ရွက်ရန်အစီအစဉ် များရေးဆွဲခြင်း
  • စီမံကိန်းရေးဆွဲမှုအဆင့်တိုင်းနှင့် အတည်ပြုချက်ရရှိရန် ဆောင်ရွက်မှုအဆင့်တိုင်း တွင် သက်ဆိုင်သည့် ဌာနအဖွဲ့အစည်းများနှင့် ပေါင်းစပ်ညှိနှိုင်းဆောင်ရွက်ခြင်း
  • ပြည်ထောင်စုနယ်မြေ ၊နေပြည်တော်ဒေသန္တရစီမံကိန်းရည်မှန်းချက် စာအုပ်များကို တာဝန်ခံပြုစုခြင်း

၂။ စီမံကိန်းအကောင်အထည်ဖော်နိုင်မှု အခြေအနေကို စုစည်းသုံးသပ်တင်ပြခြင်း

  • ပြည်ထောင်စုနယ်မြေ၊ နေပြည်တော်အဆင့် နှင့် ခရိုင်အဆင့် ဌာနဆိုင်ရာများမှ ပေးပို့လာသည့် စီမံကိန်းအကောင်အထည်ဖော်နိုင်မှု အစီရင်ခံစာများအား စုစည်းပြီး သုံးသပ်ချက်များနှင့်အတူ (၆)လပတ်နှင့် နှစ်ချုပ်အစီရင်ခံစာများအား ယခင်နှစ် အလားတူကာလ အကောင်အထည်ဖော်နိုင်မှုများနှင့် နှိုင်းယှဉ်၍ လည်းကောင်း၊ ရည်မှန်းချက်များနှင့် နှိုင်းယှဉ်၍လည်းကောင်းပြုစု၍ နေပြည်တော်စီမံကိန်းရေးဆွဲ အကောင်အထည်ဖော်‌ရေးကော်မတီမှတဆင့် နေပြည်တော်ကောင်စီ သို့တင်ပြခြင်း
  • ပြည်ထောင်စုနယ်မြေ၊နေပြည်တော်၏ လူမှုစီးပွားအ‌ခြေအနေအရပ်ရပ်ကို ပကတိ အခြေအနေနှင့် ထင်ဟပ်ဖော်ပြနိုင်သည့် အစီရင်ခံစာ ဖြစ်စေရေးအတွက် နေပြည်တော်အဆင့် ဌာနများ၊ လူမှုစီးပွား အဖွဲ့ အစည်းများနှင့် စဉ်ဆက်မပြတ် ပေါင်းစပ်ညှိနှိုင်းဆောင်ရွက်ခြင်း

၃။ စုစုပေါင်းထုတ်လုပ်မှုနှင့်ဝန်ဆောင်မှုတန်ဖိုး(ဂျီဒီပီ) တွက်ချက်ခြင်းနှင့် သုံးသပ်တင်ပြခြင်း

  • ပြည်ထောင်စုနယ်မြေ၊နေပြည်တော်ရှိဦးစီးဌာနများမှ ပေးပို့လာသည့် ထုတ်လုပ်မှုနှင့် ဝန်ဆောင်မှုဆိုင်ရာစာရင်းများ၊ အသုံးစရိတ်ဆိုင်ရာစာရင်းများ၊ ဝင်ငွေဆိုင်ရာစာရင်း များ၊ရင်းနှီးမြှုပ်နှံမှုဆိုင်ရာ စာရင်းများနှင့် ကုန်သွယ်မှုစာရင်းများအရလည်းကောင်း၊ ပုဂ္ဂလိကပိုင်ကဏ္ဍ ထုတ်လုပ်မှုနှင့် ဝန်ဆောင်မှုဆိုင်ရာ စာရင်းများနှင့်စစ်တမ်းများ အပေါ်လေ့လာဆန်းစစ် တွေ့ရှိချက်များအရလည်းကောင်း၊ ပြည်ထောင်စုနယ်မြေ၊ နေပြည်တော်၏ သုံးလပတ်အလိုက်၊ (၆)လပတ်အလိုက် စုစုပေါင်းထုတ်လုပ်မှုနှင့် ဝန်ဆောင်မှုတန်ဖိုး (ဂျီဒီပီ) တွက်ချက်ခြင်း
  • သက်ဆိုင်ရာ ဘဏ္ဍာနှစ်ကုန်ဆုံးသည့်အခါ ပြည်ထောင်စုနယ်မြေ နေပြည်တော်၏ မြို့နယ်များရှိ လူတစ်ဦးကျ ပျမ်းမျှ ထုတ်လုပ်မှုနှင့်ဝန်ဆောင်မှုတန်ဖိုး (Per Capita GDP) တွက်ချက်ခြင်း

၄။ ပြည်ထောင်စုနယ်မြေ၊ နေပြည်တော်နှင့် သက်ဆိုင်သည့် စာရင်းများကို စုစည်းသုံးသပ် တင်ပြခြင်း

  • ပြည်ထောင်စုနယ်မြေ၊ နေပြည်တော်၏ နိုင်ငံပိုင်အခန်းရင်းနှီးမြှုပ်နှံမှု အခြေအနေ များကိုတင်ပြခြင်း
  • ပြည်ထောင်စုနယ်မြေ၊ နေပြည်တော်၏ ပုဂ္ဂလိကလုပ်ငန်းဦးရေစာရင်း ကောက်ယူ စုစည်းခြင်း
  • အစီရင်ခံစာများမှတဆင့် ကုန်ချောများ၊ တစ်ဝက်တစ်ပျက်ကုန်ချောများ၊ ကုန်ကြမ်း များနှင့် ကုန်လက်ကျန်များကို ခန့်မှန်းတွက်ချက်တင်ပြခြင်း

၅။ ကုန်ဈေးနှုန်းများ၊အခွန်အကောက်များ၊ သယ်ယူပို့ဆောင်ရေးစရိတ်များ၊ ထုတ်လုပ်မှုစရိတ် များစုစည်းတွက်ချက်တင်ပြခြင်း

  • ခရိုင်/မြို့နယ်များတွင် ဖြစ်ပေါ်လျက်ရှိသည့် ကုန်ဈေးနှုန်းစာရင်းများ ကောက်ယူ တွက်ချက်၍ ပြည်ထောင်စုနယ်မြေ ၊နေပြည်တော်၏ ကုန်ဈေးနှုန်းစာရင်း ပြုစု တင်ပြခြင်း
  • ထုတ်လုပ်မှုကုန်ကျစရိတ်များကို သိရှိနိုင်ရန် ခရိုင်အလိုက် Case Study များဖြင့် လေ့လာဆောင်ရွက်ခြင်း
  • သယ်ယူပို့ဆောင်ခများ ပြောင်းလဲမှုများကို ပြုစုမှတ်တမ်းတင်ခြင်း
  • စစ်တမ်းများကောက်ယူခြင်းနှင့် စိစစ်လေ့လာခြင်း

၆။ ပြည်ထောင်စုနယ်မြေ၊နေပြည်တော်၏ ဘဏ္ဍာရေး၊ စီးပွားရေးနှင့် လူမှုရေးအခြေအနေများ ပြောင်းလဲမှုကို စိစစ်သုံးသပ်တင်ပြခြင်း

၇။ ပြည်ထောင်စုနယ်မြေ၊ နေပြည်တော်စီမံကိန်းဦးစီးရုံး၏ စီမံရေးရာကိစ္စရပ်များ၊ ဝန်ထမ်း ရေးရာကိစ္စရပ်များ ၊ ငွေစာရင်းဆိုင်ရာ ကိစ္စရပ်များကို တာဝန်ခံဆောင်ရွက်ခြင်း

၈။ လူမှုစီးပွားဖွံ့ဖြိုးတိုးတက်မှုစီမံကိန်း၊ ရင်းနှီးမြှုပ်နှံမှုစီမံကိန်း၊ မြို့နယ်ဖွံ့ဖြိုး တိုးတက်ရေး စီမံကိန်းများရေးဆွဲရာတွင် မြို့နယ်များ၏လိုအပ်ချက်နှင့် ဦးစားပေးဆောင်ရွက်ရမည့် သင့်တော်သည့် လုပ်ငန်းများကို ရွေးချယ်၍ အစီအမံများထည့်သွင်းဆောင်ရွက်ခြင်း

၉။ မြို့နယ်အတွင်းရှိ လူမှုစီးပွားရေး ညွှန်ကိန်းများ ပြည့်စုံစေရေးအတွက် လိုအပ်သော သတင်းအချက်အလက်များ ရရှိရေးဆောင်ရွက်ခြင်း

၁၀။ အကောင်အထည်ဖော် ဆောင်ရွက်လျက်ရှိသော နှစ်စဉ်စီမံကိန်းနှင့် စပ်လျဉ်းသည့် အစီရင် ခံစာများကို လစဉ်စုစည်းတွက်ချက်၍ စိစစ်သုံးသပ်ချက်များနှင့်အတူ နေပြည်တော် စီမံကိန်းရေးဆွဲ အကောင်အထည်ဖော်ရေး ကော်မတီသို့တင်ပြခြင်း

၁၁။ မြို့နယ်များတွင်ထားရှိရမည့် စာရင်းဇယားများ၊ မြို့နယ်များ၏ ဖွံ့ဖြိုးမှုဆိုင်ရာ လက်ရှိ အခြေအနေများ၊ ဖွံ့ဖြိုးမှုရရှိနိုင်သည့် အနာဂါတ်အလားအလာ အခြေအနေများ၊ အားသာ ချက်များ၊ အားနည်းချက်များ ပါဝင်သည့် ဖွံ့ဖြိုးမှုအခြေအနေများကို ပြုစုထားရှိရေး ဆောင်ရွက်ခြင်း

၁၂။ အမျိုးသားစာရင်းအင်းစနစ် SNA 1993 မှ 2008 သို့ ပြောင်းလဲတွက်ချက်နိုင်ရေး အတွက်လိုအပ်သော စာရင်းဇယားများ ကောက်ယူခြင်း၊ စုစည်းခြင်း၊ တင်ပြခြင်းနှင့် MSICs code အရ စီးပွားရေးလုပ်ငန်းများစာရင်း Business Listing ကို ကောက်ယူ စုစည်းတင်ပြခြင်း

၁၃။ မြို့နယ်၊ ခရိုင်နှင့် နေပြည်တော်အဆင့် စီမံကိန်းရေးဆွဲ အကောင်အထည်ဖော်ရေး ကော်မတီအစည်းအဝေးများ ကျင်းပ၍ ကော်မတီဝင်များနှင့် စီမံကိန်းများရေးဆွဲခြင်း၊ အကောင်အထည်ဖော်ခြင်းဆိုင်ရာ လုပ်ငန်းများအား ညှိနှိုင်းဆောင်ရွက်ခြင်း

ဦးစီးဌာနမှ ကျင့်သုံးလျက်ရှိသော ဥပဒေ၊ နည်းဥပဒေ ၊ လုပ်ထုံးလုပ်နည်းနှင့် ညွှန်ကြားချက်များ

ဖွဲ့စည်းပုံအခြေခံဥပဒေပုဒ်မ၁၀၀(ခ)အရ ပြည်ထောင်စုအစိုးရကသာ တင်သွင်းခွင့်ရှိသော နိုင်ငံတော်၏ အမျိုးသားစီမံကိန်း၊ နှစ်စဉ်အရ-အသုံး ခန့်မှန်းခြေငွေစာရင်းနှင့် အခွန်အကောက် ဆိုင်ရာဥပဒေကြမ်းများကို သတ်မှတ်ထားသော နည်းလမ်းများနှင့်အညီ ပြည်ထောင်စုလွှတ်တော် ၌ ဆွေးနွေးဆုံးဖြတ်ရမည်၊ ဖွဲ့စည်းပုံအခြေခံဥပဒေပုဒ်မ ၂၂၀ အရ ‘ပြည်ထောင်စုအစိုးရ’ သည် ဖွဲ့စည်းပုံအခြေခံဥပဒေပါ ပြဌာန်းချက်များနှင့်အညီ ပြည်ထောင်စုအစိုးရ၏ မူဝါဒများကို ချမှတ် ရမည်။ ယင်းမူဝါဒနှင့်အညီ လိုအပ်သောစီမံကိန်းများကို ရေးဆွဲ၍ ပြည်‌ထောင်စု လွှတ်တော်၏ သဘောတူညီချက်ဖြင့် အကောင်အထည်ဖော် ဆောင်ရွက်ရမည်ဟူသော ဖွဲ့စည်းပုံအခြေခံဥပဒေပါ ပြဌာန်းချက်နှင့်အညီ ဆောင်ရွက်လျက်ရှိပါသည်။

၂၀၁၇-၂၀၁၈ ဘဏ္ဍာနှစ် အမျိုးသားစီမံကိန်းဥပဒေတွင် ဖော်ပြထားသည့် ၂၀၁၇-၂၀၁၈ ဘဏ္ဍာနှစ် စီမံကိန်းရည်မှန်းချက်များကို အောင်မြင်စွာ အကောင်အထည်ဖော် ဆောင်ရွက်နိုင်ရန် အတွက် နေပြည်တော် စီမံကိန်းရေးဆွဲ အကောင်အထည်ဖော်‌ရေးကော်မတီ ၊ ခရိုင် စီမံကိန်းရေးဆွဲအကောင် အထည်ဖော်‌ရေး ကော်မတီ ၊ မြို့နယ်စီမံကိန်း ရေးဆွဲ အကောင် အထည်ဖော်‌ရေးကော်မတီများကို ဖွဲ့စည်းထားရှိပါသည်။

နေပြည်တော်စီမံကိန်းရေးဆွဲ အကောင်အထည်ဖော်‌ရေးကော်မတီကို အောက်ပါအတိုင်း ဖွဲ့စည်းထားရှိပါသည်။

(က) စီမံကိန်းနှင့်သက်ဆိုင်သည့်ဝန်ကြီး(နေပြည်တော်ကောင်စီဝင်) ဥက္ကဌ
(ခ) အင်ဂျင်နီယာချုပ်၊ နေပြည်တော်လျှပ်စစ်ဓါတ်အားဖြန့်ဖြူးရေးလုပ်ငန်း အဖွဲ့ဝင်
(ဂ) ဒုတိယညွှန်ကြားရေးမှူးရေးချုပ်၊ နေပြည်တော်ကုသရေး အဖွဲ့ဝင်
(ဃ) ညွှန်ကြားရေးမှူး၊ နေပြည်တော်အထွေထွေအုပ်ချုပ်ရေးဦးစီးဌာန အဖွဲ့ဝင်
(င) ညွှန်ကြားရေးမှူး၊ နေပြည်တော်ပြည်သူ့ကျန်းမာရေးဦးစီးဌာန အဖွဲ့ဝင်
(စ) ညွှန်ကြားရေးမှူး၊နေပြည်တော်လမ်းဦးစီးဌာန အဖွဲ့ဝင်
(ဆ) ညွှန်ကြားရေးမှူး၊ နေပြည်တော်မွေးမြူရေးနှင့်ကုသရေးဦးစီးဌာန အဖွဲ့ဝင်
(ဇ) ညွှန်ကြားရေးမှူး၊ နေပြည်တော်သစ်တော်ဦးစီးဌာန အဖွဲ့ဝင်
(ဈ) ညွှန်ကြားရေးမှူး၊ နေပြည်တော်စက်မှုကြီးကြပ်ရေးနှင့်စစ်ဆေးရေးဦးစီးဌာန အဖွဲ့ဝင်
(ည) ညွှန်ကြားရေးမှူး၊ နေပြည်တော်ပညာရေးမှူးရုံး အဖွဲ့ဝင်
(ဋ) ညွှန်ကြားရေးမှူး(လမ်းတံတားဌာန)၊ နေပြည်တော်စည်ပင်သာယာရေးကော်မတီ အဖွဲ့ဝင်
(ဌ) ညွှန်ကြားရေးမှူး၊ ပြည်ထောင်စုနယ်မြေဦးစီးမှူးရုံး အလုပ်သမား၊ လူ၀င်မှုကြီးကြပ်ရေးနှင့်ပြည့်သူအင်အား၀န်ကြီးဌာန အဖွဲ့ဝင်
(ဍ) ဒုတိယညွှန်ကြားရေးမှူး၊နေပြည်တော်စိုက်ပျိုးရေးဦးစီးဌာန အဖွဲ့ဝင်
(ဎ) ဒုတိယညွှန်ကြားရေးမှူး၊နေပြည်တော်စက်မှုလယ်ယာဦးစီးဌာန အဖွဲ့ဝင်
(ဏ) ဒုတိယညွှန်ကြားရေးမှူး၊ နေပြည်တော်လယ်ယာမြေစီမံခန့်ခွဲရေးနှင့် စာရင်းအင်းဦးစီးဌာန အဖွဲ့ဝင်
(တ) ဒုတိယညွှန်ကြားရေးမှူး၊ နေပြည်တော်ကုန်းလမ်းပို့ဆောင်ရေးညွှန်ကြားမှုဦးစီးဌာန အဖွဲ့ဝင်
(ထ) စိုက်ပျိုးရေး၊ မွေးမြူရေးလုပ်ငန်းရှင်(ပုဂ္ဂလိက ကဏ္ဍ) အဖွဲ့ဝင်
(ဒ) စက်မှု/ဆောက်လုပ်ရေးလုပ်ငန်းရှင်(ပုဂ္ဂလိက ကဏ္ဍ) အဖွဲ့ဝင်
(ဓ) ၀န်ဆောင်မှုလုပ်ငန်းများလုပ်ငန်းရှင်(ပုဂ္ဂလိက ကဏ္ဍ) အဖွဲ့ဝင်
(န) ရပ်မိရပ်ဖ အဖွဲ့ဝင်
(ပ) ညွှန်ကြားရေးမှူး၊ နေပြည်တော်စီမံကိန်းရေးဆွဲရေးဦးစီးဌာန အတွင်းရေးမှူး
(ဖ) ညွှန်ကြားရေးမှူး၊ နေပြည်တော်ကျေးလက်ဒေသဖွံ့ဖြိုးတိုးတက်ရေးဦးစီးဌာန တွဲဖက်အတွင်းရေးမှူး

နေပြည်တော်စီမံကိန်းရေးဆွဲအကောင်အထည်ဖော်ရေး ကော်မတီ၏ လုပ်ငန်းတာဝန်များ မှာ အောက်ပါအတိုင်း ဖြစ်ပါသည်။

  • ဒေသန္တရစီမံကိန်းများကို နေပြည်တော်စီမံကိန်းကော်မရှင်သို့မတင်ပြမီ စနစ်တကျ စိစစ်သုံးသပ်ရန်
  • ပြည်သူများ၏ လူမှုစီးပွားဖွံ့ဖြိုးမှုကို အထောက်အကူပြုသည့် ဒေသအလိုက် ဦးစားပေးစီမံကိန်းများနှင့် ဆောင်ရွက်ရမည့် ဆီလျော်သည့် လုပ်ငန်းများအတွက် အစီအမံများ ထည့်သွင်းရန်
  • ပြည်ထောင်စုနယ်မြေ ၊ နေပြည်တော်၏ စီမံကိန်းများရေးဆွဲ အကောင်အထည် ဖော်ရေးအတွက် ကျေးရွာ/ရပ်ကွက် အခြေခံသည့် သက်ဆိုင်ရာဒေသအသီးသီး၏ လူမှုစီးပွားအခြေအနေ စာရင်းဇယားများ ပြည့်စုံခိုင်မာရေးအတွက် တာဝန်ယူ ဆောင်ရွက်ရန
  • ခရိုင်အသီးသီးမှ တင်ပြလာသည့် စာရင်းဇယားများ မှန်ကန်တိကျစေရေးအတွက် စိစစ်ဆောင်ရွက်ရန်
  • ဒေသန္တရစီမံကိန်းတွင် ဆောင်ရွက်သည့် လုပ်ငန်းစီမံချက်များရှိပါက လုပ်ငန်း စီမံချက်၏ အကျိုးအမြတ်ပြန်ရချက် ၊ ဒေသအတွက် အကျိုး ဖြစ်ထွန်းမှု ရှိ/မရှိ ကို စိစစ်ဆောင်ရွက်ရန်
  • ဒေသန္တရစီမံကိန်း အချိန်မီရေးဆွဲတင်ပြနိုင်ရေးအတွက် ကြီးကြပ်ဆောင်ရွက်ရန်
  • ပြည်ထောင်စုနယ်မြေ ၊ နေပြည်တော်၏ လူမှုစီးပွားဖွံ့ဖြိုးတိုးတက်‌ရေး အတွက် တင်ပြလာသည့် လူမှုစီးပွားဖွံ့ဖြိုးတိုးတက်မှုစီမံကိန်း၊ လူ့စွမ်းအား အရင်းအမြစ် ဖွံ့ဖြိုးတိုးတက်ရေးစီမံကိန်း ၊ ရင်းနှီးမြှုပ်နှံမှုစီမံကိန်း ၊ ဒေသန္တရစီမံကိန်းများကို စိစစ်သုံးသပ်၍ နေပြည်တော်စီမံကိန်းကော်မရှင်သို့ တင်ပြရန်
  • ပြည်ထောင်စုနယ်မြေ ၊ နေပြည်တော်၏ လူမှုစီးပွား အညွှန်းကိန်းများ ပြည့်စုံစွာ ရရှိရေးအတွက် ဆောင်ရွက်ရန်
  • ပြည်ထောင်စုနယ်မြေ ၊ နေပြည်တော်၏ စာရင်းဇယား ၊ ကိန်းဂဏန်းများ တိကျ မှန်ကန်စေရေး အတွက် တာဝန်ယူရန်
  • ပြည်ထောင်စုနယ်မြေ ၊ နေပြည်တော်အတွင်း အကောင်အထည်ဖော် ဆောင်ရွက် လျက် ရှိသည့် လုပ်ငန်းစီမံကိန်းများ အကောင်အထည်ဖော်နိုင်မှု အခြေအနေကို ကြီးကြပ်ရန်
  • ခရိုင်နှင့်မြို့နယ် စီမံကိန်းရေးဆွဲအကောင်အထည်ဖော်ရေး ကော်မတီများတွင် ခရိုင်/မြို့နယ် အုပ်ချုပ်ရေးမှူးကို ဥက္ကဌအဖြစ်လည်းကောင်း၊ ခရိုင်/မြို့နယ် စီမံကိန်းမှူးကို အတွင်းရေးမှူးအဖြစ်လည်းကောင်း ထားရှိ၍ သက်ဆိုင်ရာဌာန ဆိုင်ရာများ ၊ မြို့မိမြို့ဖများနှင့် အသင်းအဖွဲ့များမှ ကိုယ်စားလှယ်များ ပါဝင်လျက် လိုအပ်သလို ဖွဲ့စည်းဆောင်ရွက်သွားမည် ဖြစ်ပါသည်



နေပြည်တော်စီမံကိန်းဦးစီးရုံး

ပျဉ်းမနား-တောင်ညိုလမ်း၊ ဇမ္ဗူသီရိမြို့နယ်၊ နေပြည်တော်ကောင်စီဝန်းအတွင်း။

၀၆၇-၅၅၀၂၂၁/ ၀၆၇-၅၅၀၁၈၇




ဥတ္တရခရိုင်စီမံကိန်းဦးစီးရုံးနှင့် ပုဗ္ဗသီရိမြို့နယ်စီမံကိန်းဦးစီးရုံး

၁၂/ချင်းတွင်းအနောက်ရပ်၊မင်္ဂလာဒီပရပ်ကွက် ၊ပုဗ္ဗသီရိမြို့နယ်၊နေပြည်တော်။

၀၆၇-၅၁၀၁၉၈




ဇေယျာသီရိမြို့နယ်စီမံကိန်းဦးစီးရုံး

ရေတွင်းကုန်းကျေးရွာ၊ ရန်ကုန်-မန္တလေးလမ်းဟောင်း ဇေယျာသီရိမြို့နယ်။


ဌာနနှင့် ကွပ်ကဲမှုအောက်ရှိ ခရိုင်/မြို့နယ်ရုံးများ၏ လိပ်စာ ၊ ဆက်သွယ်ရန်ဖုန်းနံပါတ်များ
စဉ် ရုံးအမည် လိပ်စာ ဖုန်းနံပါတ်
၁။ တပ်ကုန်းမြို့နယ် မြဝတီရပ်ကွက်၊ မြို့နယ်အထွေထွေအုပ်ချုပ်ရေး ဉီးစီးဌာနရုံးဝန်းအတွင်း၊ တပ်ကုန်း မြို့နယ် ၀၆၇-၇၀၀၀၅
၂။ ဥတ္တရသီရိမြို့နယ် ကျိုင်းတုံလမ်း၊ ဥတ္တရသီရိ ရပ်ကွက်၊ ဥတ္တရသီရိမြို့နယ် -
၃။ ဒက္ခိဏခရိုင် ပျဉ်းမနား-တောင်ညိုလမ်း၊ ဇမ္ဗူသီရမြို့နယ်၊နေပြည်တော်ကောင်စီဝန်း အတွင်း။ ၀၆၇-၅၅၀၃၈၇
၄။ ပျဉ်းမနားမြို့နယ် ရန်အောင်(၁)ရပ်ကွက်၊ ဘီအိုစီ ရပ်၊ ရန်ကုန်-မန္တလေး လမ်း၊ ဆင်ရတနာအနီး၊ပျဉ်းမနားမြို့။ ၀၆၇-၂၂၀၅၃
၅။ လယ်ဝေးမြို့နယ် ၁၈၃၀/ကြပ်ပြင်ကြီး၊ အမှတ်(၇)ရပ်ကွက်၊ လယ်ဝေးမြို့နယ် ၀၆၇-၃၀၃၄၇
၆။ ဇမ္ဗူသီရိမြို့နယ် ပျဉ်းမနား-တောင်ညိုလမ်း၊ ဇမ္ဗူသီရိမြို့နယ်၊နေပြည်တော်ကောင်စီဝန်း အတွင်း။ ၀၆၇-၅၅၀၃၈၇
၇။ ဒက္ခိဏသီရိမြို့နယ် စုပေါင်းရုံးဝန်းအတွင်း၊ ဒက္ခိဏရပ်ကွက် ၊ ဒက္ခိဏသီရိ မြို့နယ် -

ရှေ့သို့