NAY PYI TAW COUNCIL MYANMAR

နေပြည်တော်မွေးမြူရေးနှင့်ကုသရေးဦးစီးဌာန

၁။ ၁၈၇၄ခုနှစ်ခန့်က မြန်မာနိုင်ငံ၏ တိရစ္ဆာန်ဆေးကုသရေးလုပ်ငန်းကို အင်္ဂလိပ်စစ်တပ်မှ တာဝန်ယူခဲ့ပါသည်။ ၁၉၃၇ ခုနှစ်တွင် တိရစ္ဆာန်ဆေးကုဌာနခွဲအဖြစ် ဖွဲ့စည်းကာ ညွှန်ကြားရေးဝန် ခန့်ထားခဲ့ပါသည်။ (၁၅-၃-၁၉၇၂)ရက်တွင် တိရစ္ဆာန်ဆေးကုဌာနခွဲနှင့် မြေယာကျေးလက်ကြီးပွားတိုးတက်ရေးကော်ပိုရေးရှင်းမှ မွေးမြူရေးဌာနခွဲတို့ပူးပေါင်း၍ တိရစ္ဆာန်ဆေးကုသရေးနှင့် မွေးမြူရေးဦးစီးဌာနအဖြစ် ဖွဲ့စည်းဆောင်ရွက်ခဲ့သည်။

၂။ မွေးမြူရေးလုပ်ငန်းကို စီးပွားရေးဆန်ဆန်ဆောင်ရွက်နိုင်ရန်အတွက် ၁၉၇၆ခုနှစ်၊ ဧပြီလတွင် တိရစ္ဆာန်ဆေးကုသရေးနှင့် မွေးမြူရေးဦးစီးဌာနမှခွဲထွက်၍ မွေးမြူရေးလုပ်ငန်း ကော်ပိုရေးရှင်း (ယခုမွေးမြူရေး၊ အစားအစာနှင့် နို့ထွက်ပစ္စည်းလုပ်ငန်း) ကိုသီးခြားဖွဲ့စည်းခဲ့သည်။ (၁၅-၃-၁၉၈၃) ရက်တွင် လယ်ယာနှင့်သစ်တော ဝန်ကြီးဌာနမှခွဲထွက်၍ မွေးမြူရေးနှင့် ရေလုပ်ငန်းဝန်ကြီးဌာနအဖြစ် သီးခြားဖွဲ့စည်းခဲ့သည့်ရက်မှ စတင်ပြီး ဤဦးစီးဌာနကို မွေးမြူရေးနှင့်ကုသရေးဦးစီးဌာနဟု အမည်ပြင်ဆင်သတ်မှတ်ခဲ့ပါသည်။

၃။(၂၈-၆-၂၀၀၇)ရက်တွင် ကျင်းပသော နိုင်ငံတော်အေးချမ်းသာယာရေးနှင့်ဖွံ့ဖြိုးရေးကောင်စီ အစိုးရအဖွဲ့အစည်းအဝေးအမှတ်စဉ် (၁၉/၂၀၀၇)မှ မွေးမြူရေးနှင့်ကုသရေးဦးစီးဌာနလက်အောက်တွင် ပျားလုပ်ငန်းဌာနကို သွတ်သွင်းဖွဲ့စည်းရန် သဘောတူခွင့်ပြုချက်အရ ပျားလုပ်ငန်းဌာနမှ အရာထမ်း(၈၂)ဦး၊ အမှုထမ်း(၃၄၁)ဦး စုစုပေါင်း(၄၂၃)ဦးနေရာသွတ်သွင်း၍ ဦးစီးဌာနအား အရာထမ်း (၄၉၀)ဦး၊ အမှုထမ်း (၃၂၂၅)ဦး စုစုပေါင်း (၃၇၁၅)ဦးဖြင့် ပြင်ဆင်ဖွဲ့စည်းခဲ့ပါသည်။

၄။ မွေးမြူရေး၊ အစားအစာနှင့် နို့ထွက်ပစ္စည်းလုပ်ငန်း၏ ဖွဲ့စည်းပုံအား စာရင်းရှင်းလင်း ဖျက်သိမ်းပြီး မွေးမြူရေးဌာနခွဲအဖြစ် မွေးမြူရေးနှင့်ကုသရေးဦးစီးဌာနလက်အောက်သို့ (၃-၄-၂၀၁၄) ရက်တွင်ကျင်းပ ပြုလုပ်သော ပြည်ထောင်စုအစိုးရအဖွဲ့အစည်းအဝေးအမှတ်စဉ် (၇/၂၀၁၄)မှ သဘောတူခွင့်ပြုပြီး မွေးမြူရေး၊ အစားအစာနှင့်နို့ထွက်ပစ္စည်းလုပ်ငန်းမှ အရာထမ်း(၅၆)ဦး၊ အမှုထမ်း(၁၀၀)ဦး စုစုပေါင်း (၁၅၆)ဦး အားသွတ်သွင်း၍ ဦးစီးဌာနအား အရာထမ်း(၆၅၄)ဦး၊ အမှုထမ်း(၃၄၄၉)ဦး စုစုပေါင်း (၄၁၀၃)ဦးဖြင့် ဖွဲ့စည်းပုံတိုးမြှင့်ခဲ့ပါသည်။

၅။ (၉-၆-၂၀၁၆) ရက်တွင်ကျင်းပပြုလုပ်သော ပြည်ထောင်စုသမ္မတမြန်မာနိုင်ငံတော်၊ ပြည်ထောင်စုအစိုးရ အဖွဲ့အစည်းအဝေးအမှတ်စဉ် (၅/၂၀၁၆) သဘောတူခွင့်ပြုချက်အရ မွေးမြူရေးနှင့်ကုသရေးဦးစီးဌာနအား အရာထမ်း (၉၇၈)ဦး၊ အမှုထမ်း (၃၇၈၉)ဦး စုစုပေါင်း (၄၇၆၇)ဦးဖြင့် ပြင်ဆင်ဖွဲ့စည်းခဲ့ပါသည်။

1. ၁။ ပြည်တွင်းအသားစားသုံးမှုဖူလုံစေရန်နှင့် ပိုလျှံသည်များကိုပြည်ပသို့တင်ပို့ရန်၊
2. ၂။ လယ်ယာကဏ္ဍလိုအပ်ချက်နှင့်အညီ ခိုင်းကျွဲ/နွားကောင်းများထုတ်လုပ်မွေးမြူ ထိန်းသိမ်းရန်၊
3. ၃။ မွေးမြူထုတ်လုပ်မှုများကို အရည်အသွေးအရ အိမ်နီးချင်းနိုင်ငံများ၏ ထုတ်လုပ်မှုအဆင့်အတန်းနှင့်ညီညွတ်မှုရှိရန်၊
4. ၄။ အရင်းအနှီးတတ်နိုင်သူများအား စီးပွားဖြစ်မွေးမြူထုတ်လုပ်ရေး အားပေးကူညီရန်နှင့် ရင်းနှီးမြှုပ်နှံမှုအတွက် စည်းရုံးဖိတ်ခေါ်ခြင်းကို တိုးတက်ဆက်သွယ်ဆောင်ရွက်ရန်၊
5. ၅။ တိရစ္ဆာန်ရောဂါကြိုတင်ကာကွယ်ရေးနှင့်ကူးစက်ရောဂါထိန်းချုပ်ရေးကိုတိုးချဲ့ ဆောင်ရွက်ရန်နှင့် အပြည်ပြည်ဆိုင်ရာအဖွဲ့အစည်းများ၏ တိရစ္ဆာန်ကျန်းမာရေးဆိုင်ရာ သတ်မှတ်ချက်များနှင့်ညီညွတ်မှုရှိရန်၊
6. ၆။ မွေးမြူကုန်ထုတ်မှုဆိုင်ရာ လူမှုစီးပွားရေးလုပ်ငန်းများတိုးမြှင့်ဆောင်ရွက်ရန်နှင့် ပြည်ပဆက်သွယ်ရေးတိုးမြှင့်ရန်၊

1. ၁။ တစ်နိုင်ငံလုံး၏ အသားကဏ္ဍဖွံ့ဖြိုးတိုးတက်ရေးအတွက် တာဝန်ယူဆောင်ရွက်ခြင်း၊
2. ၂။ တိရစ္ဆာန်မွေးမြူထုတ်လုပ်မှုဆိုင်ရာ ကိန်းဂဏန်းများကောက်ယူပြုစုခြင်း၊
3. ၃။ တိရစ္ဆာန်ရောဂါကုသ/ကာကွယ်ဆေးများထုတ်လုပ်ခြင်းနှင့် ရောဂါကာကွယ်ကုသရေးလုပ်ငန်းများ ဆောင်ရွက်ခြင်း၊
4. ၄။ တိရစ္ဆာန်စားကျက်ဖွံ့ဖြိုးရေးလုပ်ငန်းများဆောင်ရွက်ခြင်း၊
5. ၅။ တိရစ္ဆာန်မျိုးကောင်းမျိုးသန့်တိုးပွားရေးအတွက် မေထုန်မဲ့သားစပ်လုပ်ငန်း ဆောင်ရွက်ခြင်း၊
6. ၆။ တိရစ္ဆာန်မွေးမြူရေးလုပ်ငန်းဖွံ့ဖြိုးတိုးတက်ရေးအတွက် လေ့ကျင့်ပညာပေးခြင်း၊ သုတေသနလုပ်ငန်းများနှင့် ဓာတ်ခွဲခန်းလုပ်ငန်းများဆောင်ရွက်ခြင်း၊
7. ၇။ ပုဂ္ဂလိကမွေးမြူရေးကဏ္ဍတိုးတက်ဖွံ့ဖြိုးရေးအတွက် မွေးမြူရေးဇုန်များဖွင့်လှစ် ဆောင်ရွက်ခြင်း၊
8. ၈။ ကျေးလက်ဒေသဖွံ့ဖြိုးရေးနှင့်ဆင်းရဲနွမ်းပါးမှု လျှော့ချရေးလုပ်ငန်းများတွင် မွေးမြူရေးနှင့်သားငါးကုန်ထုတ်လုပ်မှုကဏ္ဍဖွံ့ဖြိုးတိုးတက်ရေးဆောင်ရွက်ခြင်း၊
9. ၉။ တိရစ္ဆာန်နှင့်တိရစ္ဆာန်ထွက်ပစ္စည်းပို့ကုန်သွင်းကုန် စစ်ဆေးထောက်ခံခြင်း၊ တိရစ္ဆာန်ကျန်းမာရေး ထိန်းသိမ်းစစ်ဆေးရေးစခန်း (Animal Quarantine Station) လုပ်ငန်းဆောင်ရွက်ခြင်းနှင့် နယ်စပ်တိရစ္ဆာန်ဖြတ်သန်းသွားလာမှု စစ်ဆေးရေးစခန်း(Check Point) လုပ်ငန်းဆောင်ရွက်ခြင်း၊
10. ၁၀။ ပြည်နယ်/တိုင်းဒေသကြီးအသီးသီး၌ မွေးမြူရေးဘဏ်စနစ်အရ မွေးမြူရေးလုပ်ငန်းများတိုးချဲ့ဆောင်ရွက်ခြင်း၊
11. ၁၁။ နယ်စပ်ဒေသဖွံ့ဖြိုးရေးအတွက် ဘိန်းအစားထိုးမွေးမြူရေးလုပ်ငန်းများ ဆောင်ရွက်ခြင်း၊
12. ၁၂။ စံပြမွေးမြူရေးခြံများထူထောင်၍ သိပ္ပံနည်းကျမွေးမြူထုတ်လုပ်မှု ဆောင်ရွက်ခြင်း၊

နေပြည်တော်မွေးမြူရေးနှင့်ကုသရေးဦးစီးဌာန

ဥတ္တရခရိုင်မွေးမြူရေးနှင့်ကုသရေးဦးစီးဌာန

ဒက္ခိဏမွေးမြူရေးနှင့်ကုသရေးဦးစီးဌာန