အထူးသတင်းကြေငြာချက်

လျှောက်ထားရန်

ဒေါ်လာရောင်း၊ဝယ် ဈေးနှုန်း

နိုင်ငံခြားငွေလဲလှယ်နှုန်း (၁၈.၁၀.၂၀၁၉)

အမေရိကန် တစ်ဒေါ်လာ ၁၅၃၃.၁
ဥရောပ တစ်ယူရို ၁၇၀၀.၃
တရုတ် တစ်ယွမ် ၂၁၆.၅၈
ထိုင်း တစ်ဘတ် ၅၀.၅၇၂
မလေးရှား တစ်ရင်းဂစ် ၃၆၆.၃၈
အိန္ဒိယ တစ်ရူပီ ၂၁.၅၂၀
ဂျပန် တစ်ရာယန်း ၁၄၀၈.၈
တောင်ကိုရီးယား တစ်ရာ၀မ် ၁၂၉.၉၇
သြစတြေးလျ တစ်ဒေါ်လာ ၁၀၄၃.၃
စင်ကာပူ တစ်ဒေါ်လာ ၁၁၂၁.၉
နေပြည်တော်ဘဏ်မှ ဝန်ဆောင်မှုပေးနေပါသည်။

နေပြည်တော်သမဝါယမဦးစီးဌာန

(က) ဦးစီးဌာနစတင်ပေါ်ပေါက်လာပုံနှင့် နောက်ခံသမိုင်း

နေပြည်တော်သမဝါယမဦးစီးဌာနကို ၂၀၁၂ခုနှစ်၊ စက်တင်ဘာလ(၆)ရက်နေ့တွင် ကျင်းပသော ပြည်ထောင်စုအစိုးရအဖွဲ့ အစည်းအဝေးအမှတ်စဉ် (၃၄/၂၀၁၂) မှ သဘောတူ ခွင့်ပြု ချက်အရ အရာထမ်းအင်အား(၅)ဦး၊ အမှုထမ်းအင်အား(၂၀)ဦးတို့ဖြင့် ဖွဲ့စည်းခွင့်ပြုခဲ့ပါသည်။ ရုံးစတင်ဖွဲ့စည်းခါစ အရာထမ်း(၃)ဦး၊ အမှုထမ်း(၆)ဦးဖြင့် ရုံး၏လုပ်ငန်းများကို စတင်ခဲ့ပြီး ရုံးတည်နေရာမှာ ပျဉ်းမနားမြို့နယ်သမဝါယမဦးစီးဌာန အဆောက်အဦကို ခွဲဝေအသုံးပြုခဲ့ရပါသည်။ ၂၀၁၃ ခုနှစ်တွင် ရုံးသစ်အတွက် မြေနေရာကို ပြည်ထောင်စုနယ်မြေ၊ နေပြည်တော်၊ ပုဗ္ဗသီရိမြို့နယ်၊ ညောင်ပင်ကြီးစုရပ်၊ ဦးပိုင်အမှတ်(ပခ-၂၆)တွင် အကျယ်အဝန်း ပေ(၂၀၀)ပတ်လည်ဖြင့် ရုံးအဆောက်အဦးနှင့် ဝန်ထမ်းအိမ်ရာ(၄)ခန်းတွဲ၊ (၃)ထပ် ဆောက်လုပ်ခြင်းကို (၂၀၁၃-၂၀၁၄)ခုနှစ်တွင် စတင်ခဲ့ရာ (၂၀၁၅)ခုနှစ်တွင် ပြီးစီးခဲ့ပြီး (၂၇-၄-၂၀၁၅)ရက်နေ့တွင် ရုံးပြောင်းရွှေ့ ဖွင့်လှစ်ခဲ့ပါသည်။

(ခ) ဦးစီးဌာန၏ တိုင်းဒေသကြီး/ ခရိုင်/ မြို့နယ်များ ဝန်ထမ်းဖွဲ့စည်းပုံ

နေပြည်တော်သမဝါယမဦးစီးဌာနနှင့် မြို့နယ်(၈)မြို့နယ် သမဝါယမဦးစီးဌာနများ၏ ဖွဲ့စည်းပုံအရ ဝန်ထမ်း အင်အားစာရင်းကို အောက်ပါဇယားအတိုင်း ဖော်ပြအပ်ပါသည် -

စဉ် ဌာနအမည် ဒုတိယ
ညွှန်မှူး
လ/ထ
ညွှန်မှူး
ဉီးစီး
အရာရှိ
ဉီးစီး
မှူး
ဌာနခွဲ
စာရေး
ကြီး
ရေး
ကြီး
စက်
ငယ်
ရေး
ငယ်
စက်
ယာဉ်
မောင်း

ကူ

စောင့်
စုစု
ပေါင်း
နေပြည်တော် ၂၅
ပျဉ်းမနား ၁၈ ၁၆ ၅၁
လယ်ဝေး ၁၈ ၁၆ ၅၁
တပ်ကုန်း ၁၈ ၁၆ ၅၁
ဒက္ခိဏသီရိ ၂၀
ဇမ္ဗူသီရိ ၂၀
ဥတ္တရသီရိ ၂၀
ပုဗ္ဗသီရိ ၂၀
ဇေယျာသီရိ ၂၀
စုစုပေါင်း ၁၁ ၂၈ ၂၆ ၉၈ ၁၂ ၇၁ ၁၂ ၂၇၈
(ဂ) ဦးစီးဌာန၏ ရည်မှန်းချက်နှင့် လုပ်ငန်းတာဝန်များ
(၁) သမဝါယမကဏ္ဍ ရည်မှန်းချက်များ
    1. (က) လုပ်ကွက်ငယ် တောင်သူလယ်သမားများ၊ တနိုင်တပိုင် မွေးမြူသူများနှင့် ရေလုပ်သားများကို အခြေခံ၍ အစုအဖွဲ့များ၊သမဝါယမအသင်းများဖွဲ့စည်းပြီး အတွေးသစ်၊ အမြင်သစ်များဖြင့် စိုက်ပျိုးမွေးမြူရေးလုပ်ငန်းများကို ခေတ်မီဖွံ့ဖြိုးတိုးတက်လာစေရန်၊
    2. (ခ) စိုက်ပျိုးမွေးမြူရေးလုပ်ငန်းများနှင့် သမဝါယမလုပ်ငန်းများ ပိုမိုဖွံ့ဖြိုးတိုးတက်လာစေရန် လိုအပ်သောနည်းပညာနှင့် ငွေကြေးအရင်းအနှီးများအတွက် ပြည်တွင်းပြည်ပမှ အကူအညီအထောက်ပံ့နှင့် ချေးငွေများရရှိရေးကူညီဆောင်ရွက်ပေးရန်၊
    3. (ဂ ) သမဝါယမလုပ်ငန်းများနှင့် သမဝါယမစနစ် ပိုမိုအောင်မြင်စေရေး ဆောင်ရွက် စေရန်၊
(၂) လုပ်ငန်းတာဝန်များ
    1. (က) မူလလုပ်ငန်းတာဝန်
    1. (၁) သမဝါယမအသင်း ဖွဲ့စည်းရေး လုပ်ငန်းများ ဆောင်ရွက်ခြင်း(Organizing)
    2. (၂) သမဝါယမပညာပေးရေးလုပ်ငန်းဆောင်ရွက်ခြင်း (Educating)
    3. (၃) သမဝါယမအသင်းများအား ထိန်းကျောင်းတည့်မတ်ခြင်း(Regulating)
    1. (ခ) လုပ်ငန်းစဉ်များ
    1. (၁) သမဝါယမလုပ်ငန်းများ ဖွံ့ဖြိုးတိုးတက်အောင်မြင်ရေးအတွက် သမဝါယမ သဘောတရား၊ ကျင့်ဝတ်၊အနှစ်သာရနှင့်သမဝါယမ အခြေခံမူများနှင့်အညီ ကူညီဆောင်ရွက်ပေးမည်။
    2. (၂) သမဝါယမအသင်းသစ်များအား သမဝါယမအသင်းဥပဒေ၊ နည်းဥပဒေများနှင့် အညီ၊ ဖွဲ့စည်းမှတ်ပုံတင်ပေးခြင်း၊ဖွဲ့စည်းထားရှိသည့် သမဝါယမအသင်းများအားလည်း ကျစ်လစ်ခိုင်မာစွာဖြင့် ဖွံ့ဖြိုးတိုးတက်လာစေရန် ဆောင်ရွက်ပေးမည်။
    3. (၃) ကျေးလက်နေပြည်သူများနှင့် မြို့ပြနေအခြေခံလူတန်းစားများ၏ ဝင်ငွေရ လုပ်ငန်းများ ဖွံ့ဖြိုးတိုးတက်စေရေးအတွက် အသေးစား အရင်းအနှီးချေးငွေ (Micro Capital Loan) အစီအစဉ် ဆောင်ရွက်ပေးမည်။
    4. (၄) တောင်သူလယ်သမားများသို့ လယ်ယာသုံး၊ ရေလုပ်ငန်းသုံး စသည့် စက်ကိရိယာများနှင့် သွင်းအားစုများအားအရစ်ကျစနစ်(Hire Purchase & Installment System)ဖြင့် ဝယ်ယူသုံးစွဲနိုင်အောင် ဆောင်ရွက်ပေးမည်။
    5. (၅) စက်မှုလယ်ယာစနစ်သို့ ကူးပြောင်းနိုင်ရေးအတွက် မြေယာပြုပြင်ခြင်းလုပ်ငန်းများအား သက်ဆိုင်ရာဌာနနှင့် ဆက်သွယ်ပူးပေါင်း ဆောင်ရွက်၍ လိုအပ်သည်များကူညီပေးခြင်း၊ ငွေကြေးပံ့ပိုးပေးခြင်းတို့ကို ဆောင်ရွက်ပေးမည်။
    6. (၆) သမဝါယမအသင်းများအား အဆင့်မြှင့်တင်ခြင်းဖြင့် ကုန်ထုတ်လုပ်မှု၊ ကုန်သွယ်မှု၊ ဝန်ဆောင်မှုတို့ကို ထိရောက်စွာဆောင်ရွက်ပေးမည်။
    7. (၇) သမဝါယမအသင်းများအား သမဝါယမအသင်းဥပဒေ၊ နည်းဥပဒေများဖြင့် ထိန်းကျောင်းတည့်မတ်ပေးခြင်း၊ သမဝါယမကျင့်ဝတ်၊ အနှစ်သာရနှင့် အခြေခံမူတို့ကို သိရှိနားလည်စေရန် ဦးစီးဌာနနှင့် သမဝါယမအသင်း အဆင့်ဆင့်ရှိ အမှုဆောင်များ၊ ဝန်ထမ်းများအတွက် လုပ်ငန်းစွမ်းဆောင်ရည် မြှင့်သင်တန်းများ ဖွင့်လှစ်ဆောင်ရွက်မည်။
    8. (၈) သမဝါယမလုပ်ငန်းများဖွံ့ဖြိုးတိုးတက်ရေးအတွက် လိုအပ်သော အရင်းအနှီး ငွေကြေးများအား နိုင်ငံတကာမှ အကူအညီ၊အထောက်အပံ့နှင့် ချေးငွေများ ရရှိအောင် ဆောင်ရွက်မည်။
    9. (၉) သမဝါယမအသင်းသားမိသားစုများ၏ စီးပွားရေး၊ ပညာရေး၊ ကျန်းမာရေးနှင့် လူနေမှုအဆင့်မြှင့်တင်ရေးအတွက် သက်ဆိုင်ရာအဖွဲ့ အစည်းများနှင့် ပူးပေါင်း ဆောင်ရွက်မည်။
    10. (၁၀) အသေးစားစက်မှုလက်မှုလုပ်ငန်းများ၊ ရက်ကန်းလုပ်ငန်းများနှင့် ပန်း(၁၀)မျိုး အပါအဝင် ရိုးရာလက်မှုလုပ်ငန်းများ ဖွံ့ဖြိုးတိုးတက်ရေးအတွက် ငွေကြေး၊ နည်းပညာနှင့် ဈေးကွက်ရရှိရေး ကူညီဆောင်ရွက်ပေးမည်။
(ဃ) ဦးစီဌာနမှ ကျင့်သုံးလျက်ရှိသော ဥပဒေ၊ နည်းဥပဒေ၊ လုပ်ထုံးလုပ်နည်းနှင့် ညွှန်ကြားချက်များ
    1. (၁) ၁၉၉၂ ခုနှစ် သမဝါယမအသင်းဥပဒေ
    2. (၂) ၂၀၁၃ ခုနှစ် သမဝါယမအသင်း နည်းဥပဒေများ
    3. (၃) သမဝါယမအသေးစား ငွေကြေးဝန်ဆောင်မှုချေးငွေလုပ်ငန်း(Co-operative Microfinance Loan) ဒေါ်လာသန်း(၄၀၀)နှင့်ညီမျှသော မြန်မာကျပ်ငွေ ထုတ်ချေးမည့် လုပ်ငန်း အစီအစဉ်ညွှန်ကြားလွှာ
    4. (၄) ဒေါ်လာသန်း(၁၀၀) တန်ဖိုးရှိ ကိုရီးယားသမ္မတနိုင်ငံ၊ Daedong Industrial Co;Ltd ထုတ် လယ်ယာသုံး စက်ကိရိယာများ ( Hire Purchase) စနစ်ဖြင့် ဆောင်ရွက်မည့် လုပ်ငန်းအစီအစဉ်ညွှန်ကြားလွှာ
    5. (၅) သမဝါယမလယ်ယာမြေများအဆင်မြှင့်တင်ပြုပြင်ခြင်းလုပ်ငန်း အကောင်အထည် ဖော်ရေးအဖွဲ့ ဖွဲ့စည်းတာဝန်ပေးအပ်မှုနှင့် လုပ်ငန်းစဉ်များ
    6. (၆)သမဝါယမအသင်းများ စာရင်းရှင်းလင်းဖျက်သိမ်းရာတွင် စာရင်းရှင်းတာဝန်ခံက လိုက်နာဆောင်ရွက်ရမည့်လုပ်ငန်းအစီအစဉ် ညွှန်ကြားလွှာ
(င) နေပြည်တော်သမဝါယမဦးစီးဌာနနှင့် မြို့နယ်(၈)မြို့နယ်သမဝါယမဦးစီးဌာနရုံးများ၏ ဓါတ်ပုံ၊ လိပ်စာ၊ ဆက်သွယ်ရန် ဖုန်းနံပါတ်များ
(၁) နေပြည်တော်သမဝါယမဦးစီးဌာန

အမှတ်(ပခ-၂၆)၊နေပြည်တော်ကောင်စီလမ်း၊ အောင်သုခ ကျေးရွာ၊ ပုဗ္ဗသီရိမြို့နယ်၊
ဖုန်း - ၀၆၇ ၅၅၀၃၁၄/ ၅၅၀၃၁၅/ ၅၅၀၃၁၆


(၂) ပျဉ်းမနားမြို့နယ်သမဝါယမဦးစီးဌာန

အမှတ်(၃၂)၊ ပေါင်းလောင်း(၂)ရပ်ကွက်၊ ယုဇနလမ်း၊ ပျဉ်မနားမြို့၊ ဖုန်း - ၀၆၇ ၂၁၀၉၀


(၃) လယ်ဝေးမြို့နယ်သမဝါယမဦးစီးဌာန

အမှတ်(၅/ ၃၄၁)၊ ရန်ကုန်-မန္တလေးကားလမ်းဘေး၊ အမှတ်(၅)ရပ်ကွက်၊ လယ်ဝေးမြို့
ဖုန်း - ၀၆၇ ၃၀၃၇၁


(၄) တပ်ကုန်းမြို့နယ်သမဝါယမဦးစီးဌာန

အ.ထ.က(၁)လမ်းနှင့် အနော်ရထားလမ်းထောင့်၊ အောင်ဇေယျရပ်ကွက်၊ တပ်ကုန်းမြို့
ဖုန်း - ၀၆၇ ၇၀၁၂၉


(၅) ဇမ္ဗူသီရိမြို့နယ်သမဝါယမဦးစီးဌာန


(T-22)၊ နေပြည်တော်ကောင်စီဝင်း၊ ဇမ္ဗူသီရိ မြို့နယ်၊ ဖုန်း - ၀၆၇ ၅၅၀၃၈၁


(၆) ဒက္ခိဏသီရိမြို့နယ်သမဝါယမဦးစီးဌာန

(ဒမ-၀၁၆)၊ ဒက္ခိဏသီရိရပ်ကွက်၊ ဒက္ခိဏသီရိမြို့၊ ဖုန်း - ၀၆၇၈၁၀၆၃၂၄


(၇) ဇေယျာသီရိမြို့နယ်သမဝါယမဦးစီးဌာန

အမှတ်(ZaD-23)၊ ကျန်းမာရေးနှင့်ရောဂါနှိမ်နှင်းရေးတပ်ရှေ့၊ စုပေါင်းရုံးနယ်မြေ၊ ဇေယျာသီရိမြို့၊
ဖုန်း၊ ၀၉၇၉၈၃၂၅၃၅၃


(၈) ပုဗ္ဗသီရိမြို့နယ်သမဝါယမဦးစီးဌာန

(ပမ-၀၂၈)၊ ချင်းတွင်းလမ်း၊ မင်္ဂလာဒီပရပ်ကွက်၊ ပုဗ္ဗသီရိမြို့၊ ဖုန်း - ၀၆၇ ၅၁၀၂၅၅


(၉) ဥတ္တရသီရိမြို့နယ်သမဝါယမဦးစီးဌာန

အမှတ်(ဥမ-၀၂၁)၊သော်ကလမ်းနှင့်ကျိုင်းထုံး လမ်းထောင့်၊ ချင်းရွာ၊ ဥတ္တရသီရိမြို့
ဖုန်း - ၀၆၇ ၄၁၇၈၀၆


ရှေ့သို့