NAY PYI TAW COUNCIL MYANMAR

မြန်မာ့မီးရထား(နေပြည်တော်)

မြန်မာနိုင်ငံ၏ မြန်မာ့မီးရထားကို ၁၈၇၇ခုနှစ် မေလ(၁)ရက်နေ့ တွင် ရန်ကုန်-ပြည် ရထား လမ်းနှင့်ဖွင့်ပွဲနှင့်အတူ ကိုလိုနီခေတ်တွင် စတင်ပြေးဆွဲခဲ့ပါသည်။ခေတ်အလိုက်ဖောက်လုပ်ခဲ့သည့် ရထားလမ်းအရှည်ကို တွက်ချက်ကြည့်လျှင်အောက်ပါအ တိုင်းတွေ့မြင်ရမည်ဖြစ်ပါသည်။

• ၁၈၇၇ခုနှစ်မှ ၁၉၄၈ ခုနှစ်အထိ ရထားလမ်းခရီးမိုင် ၂၀၅၉.၈၉ မိုင်ကို ဖောက်လုပ်ခဲ့ရာ တစ်နှစ်ပျမ်းမျှ (၂၉) မိုင်ရှိသည်ကိုလည်းကောင်း
• ၁၉၄၈ ခုနှစ်မှ ၁၉၈၈ ခုနှစ်အထိ ရထားလမ်းခရီးမိုင် ၅၁.၆၀ မိုင်ကို ဖောက်လုပ်ခဲ့ရာ တစ်နှစ်ပျမ်းမျှ (၁.၂၉) မိုင်ရှိသည်ကိုလည်းကောင်း
• ၁၉၈၈ ခုနှစ်မှ ၂၀၁၀ မတ်လအထိ ရထားလမ်းခရီးမိုင် ၁၆၉၅.၀၆ မိုင်ကို ဖောက်လုပ်သဖြင့် တစ်နှစ်ပျမ်းမျှ (၇၃.၇၀)မိုင် ဖောက်လုပ်နိုင်ခဲ့သည် ကိုလည်းကောင်းတွေ့မြင်ကြရမည်ဖြစ်ပါသည်။

တိုင်းဒေသကြီးနှင့် ပြည်နယ်အားလုံးသို့ ရထားလမ်း ရောက်ရှိစေရေးအတွက် လက်ရှိဖောက်လုပ်ဆဲ ရထားလမ်းစီမံကိန်း(၁၃)ခုတွင် ရထားလမ်းမိုင် (၂၂၅၅) မိုင်ရှိသည့်အ နက်မှ (၄၄၅) မိုင်ကို ဖောက်လုပ်ပြီးစီးခဲ့ပြီဖြစ်ရာ ကျန်ရှိသည်များကိုလည်း အမြန်ဆုံးပြီးစီးစေရန်ဆောင်ရွက် လျှက်ရှိသည်။ ထိုသို့ပေါ်ပေါက်လာမည့် အမျိုးသားရထားလမ်းကွန်ရက်သည် ‘From Transpottation Corridor to Economic Corridor’ ဆိုသော ဆောင် ပုဒ်အတိုင်း စီးပွားရေး ဖွံ့ဖြိုးတိုးတက်လာသည့် စင်္ကြံအဆင့်သို့ ဆက်လက်ရောက်ရှိလာမည် ဖြစ်ပါသည်။

မြန်မာ့မီးရထားအနေဖြင့် ရထားလမ်းအသစ်များဖောက်လုပ်နေသည့် တစ်ချိန်တည်း တွင် ယ္ခင်ရှိနေသည့် ရထားလမ်းဟောင်းများ အဆင့်မြှင့်တင်ခြင်း၊ စက်ခေါင်းနှင့်တွဲများကို ပြည်တွင်း၌ ထုတ်လုပ်ခြင်း၊ ခရီးသည်နှင့် ကုန်စည်ပို့ဆောင်မှု အရည်အသွေးမြှင့်တင်ခြင်းစသည်တို့ကိုဆက်လက် ဆောင်ရွက်လျှက် တိုင်းပြည်နှင့် မိဘပြည်သူများ၏ ကဏ္ဍစုံဘဝကို ပိုမိုအကျိုးပြုနိုင်ရေး ကြိုးပမ်းသွားမည်ဖြစ်ပါသည်။

မြန်မာ့မီးရထားဝန်ထမ်းများအနေဖြင့် လွတ်လပ်ရေးရပြီးနောက် ပြည်တွင်းစစ်ကာလ စစ်မီးလျှံကြားတွင် မိဘပြည်သူ၏ အကျိုးကိုဦးထိပ်ထားကာ အသက်သွေးစွန့်လွှတ်၍ သက်စွန့် ကြိုးပမ်း ထမ်းရွက်ခဲ့ကြသည့် အစဉ်အလာကောင်းများကို နှလုံးမူကြလျှက် မျက်မှောက်ကာလ တွင်လည်း ဝန်ထမ်းအပေါင်းတို့က မိဘပြည်သူများ၏ အကျိုးအတွက် အစွမ်းကုန် ကြိုးပမ်းထမ်းဆောင်ကာ မြန်မာ့မီးရထားဂုဏ်၊ တိုင်းပြည်ဂုဏ်ကို မြှင်တင်ကြမည်ဟု လေးနက်စွာ ယုံကြည်ပါကြောင်း နိဒါန်းပြုပါသည်။

မြန်မာနိုင်ငံ လွတ်လပ်ရရှိသည့်အချိန်တွင် သယ်ယူပို့ဆောင်ရေးနှင့် ဆက်သွယ်ရေး လုပ်ငန်းများကို ရေကြောင်းနှင့် မြို့ပြလေကြောင်း ဝန်ကြီးဌာနဟူ၍ ဝန်ကြီးဌာန နှစ်ဌာန ခွဲ၍ ဖွဲ့စည်းခဲ့ပါသည်။ မီးရထားအုပ်ချုပ်ရေးအဖွဲ့သည် သယ်ယူပို့ဆောင်ရေးစာတိုက်နှင့် ကြေးနန်း ဆက်သွယ်ရေးဝန်ကြီးဌာန လက်အောက်တွင် ဖွဲ့စည်းပါဝင်ခဲ့ပါသည်။

၁၉၆၁ ခုနှစ်တွင် အထက်ပါ ဝန်ကြီးဌာန နှစ်ခုကို သယ်ယူပို့ဆောင်ရေးနှင့် လမ်းပမ်းဆက်သွယ်ရေးဝန်ကြီးဌာနအဖြစ် ပြောင်းလဲဖွဲ့စည်းခဲ့ပြီး ၁၉၇၂ ခုနှစ် မတ်လတွင် ပို့ဆောင် ဆက်သွယ်ရေးဝန်ကြီးဌာနဟု အမည်ပြောင်းခဲ့ရာ ရထားပို့ဆောင်ရေးကော်ပိုရေးရှင်းသည် ပို့ဆောင်ဆက်သွယ်ရေးဝန်ကြီးဌာနလက်အောက်တွင် ပါဝင်ခဲ့ပါသည်။၁၉၈၉ ခုနှစ်ဧပြီလတွင် နိုင်ငံပိုင်စီးပွားရေး အဖွဲ့အစည်းများဖြစ်သော ကော်ပိုရေးရှင်းများ၏ အမည်များကို ပြောင်းလဲခဲ့ရာ ရထားပို့ဆောင်ရေးကော်ပိုရေးရှင်း၏ အမည်ကိုလည်း မြန်မာ့မီးရထားဟု ပြောင်းလဲခေါ်ဝေါ်ခဲ့ပါသည်။

၁၉၉၂ ခုနှစ် ဇန္နဝါရီလ ၂၉ ရက်နေ့တွင် နိုင်ငံတော်၏ လိုအပ်ချက်အရ ပို့ဆောင်ရေးလုပ် ငန်းနှင့်ဆက်သွယ်ရေးလုပ်ငန်းများကို တိုးချဲ့ဆောင်ရွက်နိုင်ရန်အတွက် ပို့ဆောင်ဆက်သွယ် ရေးဝန်ကြီးဌာန အား ပို့ဆောင်ရေးဝန်ကြီးဌာန ရထားပို့ဆောင်ရေးဝန်ကြီးဌာနနှင့် ဆက်သွယ် ရေးစာတိုက်နှင့် ကြေးနန်းဝန်ကြီးဌာနဟူ၍ ဝန်ကြီးဌာန (၃)ခုခွဲ၍ ပြင်ဆင်ဖွဲ့စည်း ခဲ့ပါသည်။ ၂၀၁၅-၁၆ တွင် ပို့ဆောင်ရေးနှင့်ဆက်သွယ်ရေးဝန်ကြီးဌာန၏ အုပ်ချုပ်မှုအောက်တွင် အောက်ပါဌာန (၅)ခုအ ပါအဝင် ဖွဲ့စည်းခဲ့ပါသည်။

• မြန်မာ့မီးရထား
• ကုန်းလမ်းပို့ဆောင်ရေး
• ကုန်းလမ်းပို့ဆောင်ရေးညွှန်ကြားမှုဦးစီးဌာန
• ပို့ဆောင်ရေးစီးမံကိန်းဦးစီးဌာန
• ဗဟိုပို့ဆောင်ဆက်သွယ်ရေးကျောင်း

• ခရီးသည်နှင့်ကုန်စည်ပို့ဆောင်သူများ စိတ်ချမ်းမြေ့အဆင်ပြေရေး
• မတော်တဆမှုများလျော့နည်းပပျောက်ရေး
• ရထားများ အချိန်မှန်ကန်ရေး
• ရထားလမ်းများပိုမိုတောင့်တင်းခိုင်မာရေး
• ဝင်ငွေတိုးရေးနှင့် သုံးငွေလျော့နည်းရေး
• လက်ဝယ်ရှိ လူ၊ ပစ္စည်း၊ စနစ်များကို အထိရောက်ဆုံးဖြစ်စေရန်ကြိုးပမ်းရေး
• စက်ရုံ၊ အလုပ်ရုံများ စွမ်းအားပြည့် လည်ပတ်ရေး
• စက်ခေါင်း၊ တွဲချွတ်ယွင်းမှု လျော့နည်းရေး
• စက်ကိရိယာနှင့် အရန်ပစ္စည်းများ တီထွင်ထုတ်လုပ်တိုးတက်အောင်ဆောင်ရွက်ရေး
• ဝန်ထမ်းအခွင့်အရေးနှင့် သက်သာချောင်ချိရေးကိစ္စများ မျက်ခြည်မပြတ်ရေး
• မသမာမှုများ ကင်းရှင်းပပျောက်ရေး

ခေတ်အလိုက် ဖွဲ့စည်းမှုအမျိုးမျိုးနှင့် ဝန်ထမ်းအင်အား(၁၁.၂.၂၀၁၆)ရက်နေ့တွင် ကျင်း ပပြုလုပ်သောပြည်ထောင်စုအစိုးရအဖွဲ့ အစည်းအဝေး(၆/၂၀၁၆)မှ သဘောတူခွင့်ပြုချက်ဖြင့် ခေတ်အလိုက်ဖွဲ့စည်းမှု အမျိုးမျိုးနှင့် ဝန်ထမ်းအင်အား အပြောင်း အလဲများ ရှိခဲ့ပါ သည်။လက်ရှိဖွဲ့စည်းပုံတွင်ဦးဆောင်ညွှန်ကြားရေးမှုးလက်အောက်တွင် အထွေထွေမန်နေဂျာ (၁၃)ဦးဖြင့် ဖွဲ့စည်းထားရှိပါသည်။ ခွင့်ပြုဝန်ထမ်းအင်အားတွင် အရာထမ်း(၄၅၇)ဦးနှင့် အခြားအဆင့် (၃၂၅၅၀)ဦး စုစုပေါင်း (၃၃၀၀၇)ဦး ရှိပြီး ၂၀၁၇ ခုနှစ် မတ်လ(၃၁)ရက်နေ့ရှိ လက်ရှိအင်အားမှာ အရာထမ်း(၂၉၈)ဦး အခြား အဆင့်ဝန်ထမ်း (၁၉၈၅၈) စုစုပေါင်း (၂၀၁၅၆)ဦး ရှိပါသည်။

မြန်မာ့မီးရထား တိုင်းတာဝန်ခံ တိုင်းအမှတ်(၅) ဝန်ထမ်းအင်အား အရာထမ်း(၉)ဦး၊ အခြားအဆင့်(၉၄၁)ဦး၊ စုစုပေါင်း (၉၅၀)ဦးရှိပါသည်။

မြန်မာ့မီးရထားသည် လုပ်ငန်းများကို ထိရောက်စွာ ဆောင်ရွက်နိုင်ရန်အတွက် တိုင်း(၁၁) တိုင်းအဖြစ် ဆောင်ရွက်လျှက်ရှိရာ တိုင်းအလိုက် ရုံးစိုက်ရာမြို့နှင့် အကျုံးဝင်သည့်ပြည်နယ် နှင့်တိုင်းများမှာ အောက်ပါအတိုင်းဖြစ်ပါသည်။

၁၉၄၄ခုနှစ်ဒီဇင်ဘာလ(၂၉)ရက်နေ့တွင်ကျင်း ပသောနိုင်ငံတော်ငြိမ်ဝပ်ပိပြားမှုတည်ဆောက် ရေးအဖွဲ့အစည်းအဝေး အမှတ်စဉ်(၄၉/၄၉) ၏ ခွင့်ပြုချက်အရ၊ (၂၉-၁၂- ၉၄)ရက်နေ့မှစ၍ မြန်မာ့မီး ရထား၏ ဖွဲ့စည်းပုံကို ဦးဆောင်ညွှန်ကြားရေးမှူး၏ လက် အောက်တွင် အထွေထွေမန်နေဂျာများ တစ်ဦးစီကွပ်ကဲသောအောက်ပါဌာနကြီး(၁၁)ခုနှင့်စက်ရုံကြီး(၃)ရုံတို့ဖြင့် ပြန်လည်ဖွဲ့စည်းထားပါသည်။

• စစ်ဆေးရေးဌာန
• အထက်မြန်မာပြည်အထွေထွေမန်နေဂျာရုံး
• အောက်မြန်မာပြည်အထွေထွေမန်နေဂျာရုံး
• စီမံကိန်းနှင့်အုပ်ချုပ်ရေးဌာန
• သွားလာပို့ဆောင်ရေးဌာန
• စီးပွားရေးဌာန
• စက်မှုနှင့်လျှပ်စစ်အင်ဂျင်နီယာရုံး
• မြို့ပြအင်ဂျင်နီယာဌာန
• ဘဏ္ဍာရေးဌာန
• ထောက်ပုံနှင့်ဆေးဌာန
• စက်ခေါင်းစက်ရုံ (အင်းစိန်)
• စက်ခေါင်းစက်ရုံ (ရွာထောင်)
• လူစီးတွဲနှင့်ကုန်တွဲစက်ရုံ(မြစ်ငယ်)
• ရထားရဲတပ်ဖွဲ့(တွဲဖက်)

ဦးဆောင်ညွှန်ကြားရေးမှူး၏တာဝန်ပေးအပ်ချက်အပေါ် မူတည် ၍ လုပ်ငန်းများ အကောင်အထည်ဖော်ရာတွင် နိုင်ငံတော်မူဝါဒ၊ ဝန်ကြီးဌာနမူဝါဒ ၊မြန်မာ့မီးရထားမူဝါဒနှင့်ကိုက်ညီမှုရှိ/မရှိ ငွေကြေးပစ္စည်း ဝယ်ယူသုံးစွဲထားသို ဖြန့်ဖြူးရာတွင် စနစ်တကျရှိ/မရှိ ဝန်ထမ်းများ၏ စိတ်ဓါတ်လေ့ကျင့်ရေးနှင့် စည်းကမ်းလိုက်နာမှု တိုးတက်ကောင်းမွန်ရေးကိစ္စရပ်များစစ်ဆေးခြင်း၊ ဌာနကြီးများအားညှိနှိုင်းပေါင်းစပ် ပေးခြင်းများကိုအဓိကထားတာဝန်ယူဆောင်ရွက်ရပါမည်။ရထားများ အန္တရာယ်ကင်းရှင်း စေရေးအတွက်စက်ခေါင်း၊တွဲ၊ သံလမ်း၊ အချက်ပြ ဆက်သွယ်ရေးဆိုင်ရာများအား လိုအပ်သလို စစ်ဆေး၍ ဦးဆောင်ညွှန် ကြားရေးမှူးထံတင်ပြခြင်း၊ မြန်မာ့မီးရထား စွမ်းအားစုများကိုထိရောက်စွာအသုံးချနိုင်ရေးဆိုင်ရာအတွက်အကြံပြုတင်ပြခြင်း၊ ရထား မတော်တဆ မှုကြီးများနှင့် ဦးဆောင်ညွှန်ကြားရေးမှူးကတာဝန်ပေးအပ်သည့် ကိစ္စရပ်များ အား စစ်ဆေးအကြံပြုခြင်းများကို တာဝန်ယူရပါသည်။

အထွေထွေမန်နေဂျာ(အထက်မြန်မာပြည်) တစ်ဦးထားရှိ၍ တိုင်းအမှတ်(၁) (၂) (၃) (၄) (၁၀) နှင့် (၁၁) တို့ကိုတာဝန်ယူ ကွပ်ကဲစေလျှက် မိမိကွပ်ကဲမှုအောက်ရှိ တိုင်းနှင့်စက်ရုံများ၏ မူလတာဝန်များ၊ လျာထားချက်များနှင် မူဝါဒဆိုင်ရာ လုပ်ငန်းတာဝန်များကို ပီပီပြင်ပြင် စနစ်တကျအကောင်အထည်ဖော်ရေး ကြီးကြပ်ကွပ်ကဲ ဆောင်ရွက် ရပါသည်။

အထွေထွေမန်နေဂျာ(အောက်မြန်မာပြည်) တစ်ဦးထားရှိ၍တိုင်းအမှတ်(၅)(၆) (၇) (၈) (၉) တို့ကို တာဝန်ယူ ကွပ်ကဲဆောင်ရွက်ရပါသည်။

မြန်မာ့မီးရထားအုပ်ချုပ်မှုနှင့် စီမံကိန်း လုပ်ငန်းများကို ဦးဆောင်ညွှန်ကြားရေးမှူး၏ လုပ်ငန်းလမ်းညွှန်ချက်နှင့် အညီ အကောင်ထည် ဖော်ဆောင်နိုင်ရန် အထွေထွေမန်နေဂျာ(၁) ဦး ဒုတိယအထွေထွေ မန်နေဂျာ(၂)ဦး တို့ဖြင့် ဖွဲ့စည်းထားပါသည်။ အုပ်ချုပ်မှုဌာနခွဲသည် မြန်မာ့မီးရထား၏ အုပ်ချုပ်ရေးဆိုင်ရာ ကိစ္စရပ်များ၊ လုပ်ငန်းစီမံကိန်း ကန်ထရိုက် စာချုပ်ကိစ္စရပ်များ ၊ အပြည်ပြည်ဆိုင်ရာ ဆက်သွယ်ဆိုင်ရာကိစ္စရပ်များ ၊လူထုဆက်သွယ် ပြန်ကြားရေးနှင့် ဝန်ထမ်းများ၏ သက်သာချောင်ချိရေးဆိုင်ရာ ကိစ္စရပ်များကိုဆောင်ရွက်ရပါသည်။ စီမံကိန်းဌာနခွဲသည် မြန်မာ့မီးရထား၏ နှစ်တို နှစ်ရှည် စီမံကိန်းများ ရေးဆွဲခြင်း ၊ ရင်းနှီးမြှုပ်နှံမှု၊ စီမံကိန်းများရေးဆွဲခြင်း၊Co-Operate Plan များရေး ဆွဲခြင်း ၊ စသည့် စီမံကိန်းရေးဆွဲခြင်းတာဝန်များကို ဆောင်ရွက်ရပါသည်။

ခရီးသည်နှင့် ကုန်စည်ပို့ဆောင်ရေး လိုအပ်ချက် ကိုမိမိလက်ဝယ်ရှိ စွမ်းအားစုများအား ထိရောက်ဆုံး အသုံးချ၍ စီမံပို့ဆောင်ပေးရန် တာဝန်ယူရသည့်ဌာန ဖြစ်ပါသည်။ ၎င်းဌာနလက်အောက်တွင်စက်ခေါင်၊တွဲစီစဉ်ရန်နှင့် စက်ခေါင်းမောင်း၊ တွဲစစ်များစီစဉ်ရန်၊ စက်မှုသွားလာရေးဌာနခွဲ ၊အချက်ပြနှင့် ဆက်သွယ် ရေးဌာနခွဲ၊ရထားကြီးကြပ်ရေးအုပ်များ၊ ဘူတာဝန်ထမ်းများပါဝင်သောပို့ဆောင်ရေးဆိုင်ရာဌာန ခွဲတို့ပါဝင်ပြီး၊ရထားများဖွဲ့စည်းခြင်း၊ပြေးဆွဲခြင်းတို့ကိုအနီးကပ်ကြီးကြပ်ရသည့် ဌာန ဖြစ်ပါ သည်။

စျေးကွက်စီးပွားရေးစနစ်နှင့်အညီ ခရီးသည်နှင့်ကုန်စည်များကို ထိရောက်ထက်မြက်စွာဆွဲဆောင်သယ်ယူပို့ဆောင်နိုင်ရေးအတွက်နည်း လမ်းကြံဆလျှက် လက်တွေ့အကောင်အထည်ဖော်ခြင်း၊ ကား၊ သင်္ဘောတို့နှင့် ဆက်စပ်သယ်ဆောင်နိုင်ရန်စီမံခြင်း စသည့်လုပ်ငန်းအရပ်ရပ်တို့ကိုတာဝန်ယူရပါသည်။ ထို့အပြင်စီးပွားရေးဌာနသည်ဝင်ငွေတိုး တက်ရရှိရေးအတွက် အဓိကဆောင်ရွက်ရသည့် ဌာနတစ်ခုဖြစ်၍ လက်ဝယ်ရှိ မြေ၊ အဆောက်အအုံနှင့် သယ်ယူပို့ဆောင်ရေးယာဉ်များကို အသုံးချလျှက် အခြားအဖွဲ့အစည်:၊ ပုဂ္ဂလိကကုမ္ပဏီတို့နှင့်အကျိုးတူပူးပေါင်းကာဟိုတယ်လုပ်ငန်း၊လူစီးရထားနှင့် ကုန်အမြန် ရထား များပြေးဆွဲခြင်းလုပ်ငန်း၊ အမြန်ပါ ဆယ် ပို့လုပ်ငန်း၊ ကမ္ဘာလှည့်ခရီးသွားလုပ်ငန်းနှင့် ကြော်ငြာလုပ်ငန်းစသည့် ဝင်ငွေရှာဖွေခြင်း၊ လုပ်ငန်းရပ်များနှင့် စီးပွားရေးဆိုင်ရာအထွေထွေ လုပ်ငန်းရပ်များကိုတာဝန်ယူဆောင်ရွက်ရပါသည်။

စက်ခေါင်းတွဲများ ပြုပြင်မွမ်းမံထိန်း သိမ်းခြင်းနှင့် တည်ဆောက်ခြင်းလုပ်ငန်းများကို တာဝန်ယူဆောင်ရွက်ရပါသည်။ စက်ခေါင်းများကို အကြီးတန်းနှင့်အလတ်တန်းပြင်ဆင်ခြင်းလုပ်ငန်းများဆောင်ရွက်နိုင်ရန် စက်ခေါင်းပြင်စက်ရုံအင်းစိန် နှင့် ဒီဇယ်စက်ခေါင်းပြင်စက်ရုံရွာထောင်တို့ရှိပြီး၊ လူစီးတွဲ၊ ကုန်တွဲများ ပြင်ဆင်ခြင်း၊ တည်ဆောက်ခြင်းလုပ်ငန်း များအတွက် တွဲပြင်စက်ရုံ မြစ်ငယ်ရှိပါသည်။ ထို့အပြင် လျှပ်စစ်ဆိုင်ရာ ကိစ္စရပ်များ ဆောင်ရွက်နိုင်ရန်အတွက် လျှပ်စစ်ဌာနခွဲ တစ်ခုကိုလည်း ဖွဲ့စည်းထားရာ ၎င်းဌာနခွဲက စက်ရုံ ၊ အလုပ်ရုံ၊ ရုံးနှင့် ဝန်ထမ်းနေအိမ်များ လျှပ်စစ်မီးရရှိရေးနှင့် စက်ခေါင်းနှင့်တွဲများအတွက် လျှပ်စစ် ဆိုင်ရာ ကိစ္စရပ်များကိုဆောင်ရွက်ရပါသည်။

ရထားလမ်း၊ တံတားနှင့် အဆောက်အအုံများ ထိန်းသိမ်းပြုပြင်ခြင်းနှင့်အသစ်ဆောက်လုပ်ခြင်းတို့အတွက် အဓိကတာဝန် ယူရသည့် ဌာနဖြစ်ပါသည်။ဤဌာနလက်အောက်တွင်ကွန်ကရိဇလီဖားနှင့်တံတားဘောင်များထုတ်လုပ် သည့်တံတားဘောင် အလုပ်ရုံတို့ရှိပါသည်။ မြန်မာ့မီးရထားသည် မိမိဖောက်လုပ်ရမည့် ရထားလမ်းပိုင်းများအတွက် လိုအပ်သည့် ရထားလမ်းကြောင်းရှာဖွေခြင်း၊ ဖောက်လုပ်ခြင်း၊ လိုအပ်သည့်တံတားများ၊ ဘူတာများအတွက်ပုံစံထုတ်လုပ်ခြင်း၊ တည်ဆောက်ခြင်း လုပ်ငန်းများကို ကိုယ်တိုင်ဆောင်ရွက်ရ သည်ဖြစ်ရာ အဆိုပါလုပ်ငန်းများကို မြို့ပြ အင်ဂျင်နီယာဌာနက တာဝန်ယူဆောင်ရွက်ရပါသည်။

ဘဏ္ဍာရေးကိစ္စများကို ဦးဆောင်ညွှန်ကြားရေးမှူး၏ လုပ်ငန်းလမ်းညွှန်ချက်၊ဘဏ္ဍာရေးလုပ်ထုံး လုပ်နည်းများနှင့်အညီစီမံရန် တာဝန်ယူရသောဌာန ဖြစ်ပါသည်။ ဝင်ငွေများကိုလက်ခံခြင်း၊ အသုံးစရိတ်များကိုစီစစ် ထုတ်ပေးခြင်း၊ နှစ်စဉ် အရှုံးအမြတ်စာရင်းပြုစုခြင်း၊လက်ကျန်ရှင်းတမ်းရေးဆွဲခြင်း၊ဘဏ္ဍာရေးဆိုင်ရာအကြံပြုချက် များတင်ပြခြင်း၊ မြန်မာ့မီးရထား၏ ဘတ်ဂျက်စာရင်းရေးဆွဲခြင်း၊ဝန်ထမ်းလစာနှင့်စရိတ်များ၊ အငြိမ်းစားများ အတွက်ပင်စင်လစာများထုတ်ပေးခြင်း၊တင်ဒါများစီစစ်ရာတွင် ဘဏ္ဍာရေး ဆိုင်ရာကိစ္စများတွက်ချက်တင်ပြခြင်းလုပ်ငန်းများကိုဆောင်ရွက်ရပါသည်။ စာရင်းစစ်ဆေး မှုအပိုင်းတွင်ဌာနတွင်းစာရင်းစစ်ဆေးခြင်း၊လုပ်ငန်းစီမံကိန်းများတွင် အသုံးပြုသည့်ပစ္စည်း နှင့်စာရင်းများစစ်ဆေးခြင်း၊စက်ရုံအလုပ်ရုံများနှင့်လုပ်ငန်းနယ် မြေအသီးသီးတို့တွင်ရှိသော ပစ္စည်းစာရင်းများကို ပစ္စည်းစာရင်း စစ်များနှင့်စစ် ဆေးခြင်းများပြုလုပ်ရပါသည်။

မြန်မာ့မီးရထား၏ ထောက်ပံ့ဌာနခွဲနှင့် ဆေးဌာန တို့ကိုစုဖွဲ့ထားခြင်းဖြစ်ပါသည်။ထောက်ပံ့ဌာနခွဲသည်ဌာနအသီးသီးတွင် အသုံးပြုရန်လို အပ်သောပစ္စည်း များကို ပြည်တွင်းပြည်ပမှ ဝယ်ယူခြင်း၊ သိုလှောင်ထိန်းသိမ်းခြင်းနှင့် ဖြန့်ဖြူးရသည့် လုပ်ငန်းများကိုဆောင်ရွက်ရပါသည်။ ထို့အပြင် ဌာန အသီးသီးမှအသုံးမလို တော့သည့်ပစ္စည်းအဟောင်းများကိုစုစည်း၍ လေလံတင်ထုခွဲရောင်းချခြင်း လုပ်ငန်းများ ကိုလည်းဆောင်ရွက်ရပါသည်။ ရထားပြေးဆွဲခြင်းလုပ်ငန်းတွင်ပါဝင်သောဘူတာရုံပိုင်နှင့် အခြားဘူတာရုံဝန်ထမ်းများကွန်ထရိုးများ၊ လက်မှတ်စစ်၊လက်မှတ်စစ်အုပ်၊ စက်ခေါင်းမောင်း၊ ရထားထိန်းများစသည့်ရထားလိုက်ဝန်ထမ်းများတို့၏လုပ်ငန်းများသည်(၂၄)နာရီပတ်လုံးအဆိုင်းလိုက်တာဝန်ထမ်းဆောင်ရပြီး၊ဘေးအန္တရာယ်ကင်းရှင်းရေးနှင့် ပတ်သက်လျှက်ရှိသည့် အတွက် ထိုဝန်ထမ်းများ၏ ကာယ ၊ဉာဏ စွမ်းအားများ အပြည့်အဝရရှိရေးနှင့် သံလမ်းလုပ်ငန်း၊ စက်ရုံလုပ်ငန်း၊ တံတားလုပ်ငန်းစသည့် လုပ်ငန်းများသည် စက်ကိရိယာများ နှင့်ဆောင်ရွက်ရသော လုပ်ငန်းများ ပါဝင်သဖြင့် အန္တရာယ်ရှိသည် ဖြစ်ရာ ဆေးအကာအကွယ်ရရှိရေးလိုအပ်သဖြင့် မြန်မာ့မီးရထားတွင် ဆေးဌာနကို ဖွဲ့စည်းထားရှိပါသည်။

ရထားလမ်းများ ပိုမိုတောင့်တင်းခိုင်မာစေရေးနှင့် ရထားဘေးအန္တရာယ်ကင်းရှင်းစွာ သွားလာ နိုင်ရေးအတွက် သစ်သားဇလီဖားတုံးများအစား ကွန်ကရစ်ဇလီဖားတုံးများကို အစားထိုးလဲလှယ်အ သုံးပြုလျှက်ရှိပြီး ကွန်ကရစ်ဇလီဖားကတော့ ပျမ်းမျှ နှစ်(၆၀) အနည်းဆုံးခံနိုင်ရည်ရှိပါသည်။ သစ်သား ဇလီဖားတုံးများဟာ ရထားဖြတ်သန်းချိန်တွင် 800lbs / square / inch ခံနိုင်ရည်ရှိပြီး ကွန် ကရစ်ဇလီဖားတုံးများမှာ 7000lbs /spuare/inch ခံနိုင်ရည်ရှိပါသည်။ ကွန်ကရစ်ဇလီဖားတုံးဟာ သစ်သားဇလီဖားတုံးထက် နှစ်သက်တမ်းအားဖြင့် (၁၂) ဆ ခံနိုင်ရည်အားဖြင့် (၉)ဆ ခန့်ရှိ၍ သစ်သား ဇလီဖားတုံးများအစား ကွန်ကရစ်ဇလီဖားတုံးများအား အစားထိုး သုံးစွဲနိုင်ရေးအတွက် အောက်ဖော်ပြ ပါကွန်ကရစ်ဇလီဖားစက်ရုံများကို တည်ဆောက်ဖွင့်လှစ်လျှက်ရှိပါသည်။

မြန်မာ့မီးရထားတိုင်းရုံးများ

တိုင်းအမှတ်(၅) တောင်ငူ