အထူးသတင်းကြေငြာချက်

လျှောက်ထားရန်

ဒေါ်လာရောင်း၊ဝယ် ဈေးနှုန်း

နိုင်ငံခြားငွေလဲလှယ်နှုန်း (၁၈.၁၀.၂၀၁၉)

အမေရိကန် တစ်ဒေါ်လာ ၁၅၃၃.၁
ဥရောပ တစ်ယူရို ၁၇၀၀.၃
တရုတ် တစ်ယွမ် ၂၁၆.၅၈
ထိုင်း တစ်ဘတ် ၅၀.၅၇၂
မလေးရှား တစ်ရင်းဂစ် ၃၆၆.၃၈
အိန္ဒိယ တစ်ရူပီ ၂၁.၅၂၀
ဂျပန် တစ်ရာယန်း ၁၄၀၈.၈
တောင်ကိုရီးယား တစ်ရာ၀မ် ၁၂၉.၉၇
သြစတြေးလျ တစ်ဒေါ်လာ ၁၀၄၃.၃
စင်ကာပူ တစ်ဒေါ်လာ ၁၁၂၁.၉
နေပြည်တော်ဘဏ်မှ ဝန်ဆောင်မှုပေးနေပါသည်။

လုပ်ငန်းလိုင်စင်နှင့်သယ်ယူပို့ဆောင်ရေးကြီးကြပ်ညှိနှိုင်းမှုဌာန

ဦးစီးဌာန စတင်ပေါ်ပေါက်လာပုံနှင့် နောက်ခံသမိုင်း

နိုင်ငံတော်တစ်ခု၏ စီးပွားရေး၊ အုပ်ချုပ်ရေး၊ ကာကွယ်ရေး၊ လူမှုရေး စသည့် ကဏ္ဍများ ထက်မြက်ထိရောက်ရေးနှင့် ဖွံ့ဖြိုးတိုးတက်ရေးအတွက် လမ်းပန်းဆက်သွယ်ရေးနှင့်ပို့ဆောင်ရေးသည် အဓိက အခန်းကဏ္ဍမှ ပါဝင်လျှက်ရှိပါသည်။ အထူးသဖြင့် တိုင်းရင်းသားလူမျိုးပေါင်းစုံ နေထိုင်သော မြန်မာနိုင်ငံတွင် တိုင်းရင်းသားညီအစ်ကိုများနေထိုင်ရာ ဒေသများဘက်စုံဖွံ့ဖြိုး တိုးတက်ရေးနှင့် တိုင်းရင်းသားစည်းလုံးညီညွတ်ရေး ကျစ်လစ်ခိုင်မာမှုအတွက် လမ်းပန်း ဆက်သွယ်မှုကောင်းမွန်ရေးသည် အထူးအရေးပါပေသည်။ ၎င်းအပြင် နိုင်ငံတော်၏ ပြုပြင် ပြောင်းလဲလာသော စီးပွားရေးမူဝါဒအရ ဦးစားပေး၍ ကူညီပံ့ပိုးလျက်ရှိရာ သယ်ယူပို့ဆောင်ရေး ကဏ္ဍသည်လည်း ဖွံ့ဖြိုးတိုးတက်လာမည် ဖြစ်ပါသည်။

မိမိတို့ဌာနသည် ယခင်ပို့ဆောင်ရေးစီမံကိန်းဦးစီးဌာနတစ်ခုအနေဖြင့် ၁၉၆၃ခုနှစ် ကုန်းလမ်းနှင့်ပြည်တွင်းရေကြောင်းသယ်ယူပို့ဆောင်ရေး လုပ်ငန်းများဆိုင်ရာ ဥပဒေ၊ နည်းဥပဒေ၊ စည်းကမ်းဥပဒေများနှင့် ၁၉၈၀ပြည့်နှစ် ပို့ဆောင်ရေးညှိနှိုင်းမှုကော်မတီ အဆင့်ဆင့် လုပ်ထုံးလုပ်နည်းများနှင့်အညီ တိုင်းဒေသကြီးနှင့်ပြည်နယ်အလိုက် သယ်ယူပို့ဆောင်ရေး လုပ်ငန်းများအား ဆက်လက်အကောင်အထည်ဖော်ဆောင်ရွက်လျက်ရှိပါသည်။ ပို့ဆောင်ရေးစီမံကိန်း ဦးစီးဌာန၏ ဖွဲ့စည်းခြင်းနောက်ခံသမိုင်းကြောင်းအရ “၁၉၇၂၊ မတ်လ ၁၆ ရက်နေ့တွင် ပို့ဆောင်ရေးဝန်ကြီးဌာန လက်အောက်၌ ဗဟိုပို့ဆောင်ဆက်သွယ်ရေးကော်ပိုရေးရှင်းအား ဖွဲ့စည်းကာ ကုန်စည်ပို့ဆောင်ရေးလုပ်ငန်းများကို ညှိနှိုင်းကြီးကြပ်ကွပ်ကဲစေခဲ့ပါသည်။ ၁၉၇၄ ခုနှစ် သြဂုတ်လ ၁ ရက်နေ့တွင် ‘ပို့ဆောင်ဆက်သွယ်ရေးဝန်ကြီးဌာန’ လက်အောက်ရှိ ဗဟို ပို့ဆောင်ရေးကော်ပိုရေးရှင်း၊ စစ်ဆေးရေးညွှန်ကြားမှုဦးစီးဌာန၊ လေ့ကျင့်ရေးနှင့် သုတေသန ညွှန်ကြားမှုဦးစီးဌာန၊ မှတ်တမ်းနှင့် စာရင်းအင်းညွှန်ကြားမှုဦးစီးဌာနများကို ပူးပေါင်း၍ ‘ပို့ဆောင်ဆက်သွယ်ရေးစီမံကိန်းနှင့် လုပ်ငန်းဆောင်ရွက်ရေးဦးစီးဌာန’ အမည်ဖြင့် ဖွဲ့စည်းခဲ့ ပါသည်။ ၁၉၉၂ ခုနှစ် ဇန်နဝါရီလ ၂၉ ရက်တွင် ပို့ဆောင်ဆက်သွယ်ရေးဝန်ကြီးဌာနအား ‘ပို့ဆောင်ရေးဝန်ကြီးဌာန၊ ရထားပို့ဆောင်ရေးဝန်ကြီးဌာနနှင့် ဆက်သွယ်ရေး စာတိုက်နှင့် ကြေးနန်းဝန်ကြီးဌာန’ ဟူ၍ ပြင်ဆင်ဖွဲ့စည်းခဲ့ပါသည်။ ၁၉၉၂ ခုနှစ် စက်တင်ဘာလ ၁ ရက်နေ့တွင် ပို့ဆောင်ဆက်သွယ်ရေးစီမံကိန်းနှင့် လုပ်ငန်းဆောင်ရွက်ရေးဦးစီးဌာနအား ဦးစီး ဌာန(၂)ခုအဖြစ် ပြင်ဆင်ဖွဲ့စည်းခဲ့ပြီး အစိုးရအဖွဲ့ရုံး၏ ၁၉၉၂ ခုနှစ်၊ အောက်တိုဘာလ ၁၀ ရက်နေ့စွဲပါ စာအမှတ်၊ ၃၅/ ၄၂ အဖရ ၉၂(၂၁) န.ဝ.တ အရ ‘ ပို့ဆောင်ရေးစီမံကိန်းဦးစီးဌာန’ အမည်သစ်ဖြင့် ရထားပို့ဆောင်ရေးဝန်ကြီးဌာန အုပ်ချုပ်မှုအောက်သို့ ရောက်ရှိခဲ့ပါသည်။

ယခုအခါ ပို့ဆောင်ရေးစီမံကိန်းဦးစီးဌာနအား ဖျက်သိမ်း၍ ကုန်းလမ်းပို့ဆောင်ရေး ညွှန်ကြားမှုဦးစီးဌာန လက်အောက်သို့ လုပ်ငန်းလိုင်စင်နှင့်သယ်ယူပို့ဆောင်ရေးကြီးကြပ်ညှိနှိုင်းမှု ဌာနအမည်ဖြင့် (၁.၄.၂၀၁၅)ရက်နေ့မှ စတင်ရောက်ရှိကာ ကုန်းလမ်းသယ်ယူပို့ဆောင်ရေး လုပ်ငန်းဥပဒေပြဌာန်းခြင်း၊ နည်းဥပဒေများအား ဆက်လက်အကောင်အထည်ဖော် ဆောင်ရွက် လျက်ရှိခြင်းနှင့် ဥပဒေနှင့်အညီ လုပ်ငန်းလိုင်စင်များထုတ်ပေးခြင်း၊ နယ်စပ်ဖြတ်ကျော်လုပ်ငန်း များအတွက် International Operator License ထုတ်ပေးနိုင်ရေး စိစစ်ကြပ်မတ်ခြင်းနှင့် ယာဉ်အန္တရာယ်၊ လမ်းအန္တရာယ် ကင်းရှင်းရေးဆိုင်ရာ လုပ်ငန်းများအား ပူးပေါင်းပါဝင် ဆောင်ရွက်ခြင်းစသည့် လုပ်ငန်းများအား ဆက်လက်အကောင်အထည်ဖော် ဆောင်ရွက်လျက် ရှိပါ သည်။

လုပ်ငန်းလိုင်စင်နှင့်သယ်ယူပို့ဆောင်ရေးကြီးကြပ်ညှိနှိုင်းမှုဌာနသည် ယခင်ပို့ဆောင်ရေး စီမံကိန်းဦးစီးဌာန၏ တည်ဆဲဥပဒေ၊ လုပ်ထုံးလုပ်နည်းများနှင့်အညီ လုပ်ငန်းတာဝန်များအား ဆက်လက်အကောင်အထည်ဖော် ဆောင်ရွက်လျက်ရှိခြင်း၊ ကုန်းလမ်းသယ်ယူပို့ဆောင်ရေး လုပ်ငန်းများဥပဒေနှင့်အညီ အကောင်အထည်ဖော်ဆောင်ရွက်လျက်ရှိခြင်းနှင့် နည်းဥပဒေများအား ဆက်လက်ရေးဆွဲလျက်ရှိခြင်း စသည်ဖြင့် ဌာန၏လုပ်ငန်းဆောင်ရွက်မှုကို သိရှိနိုင်ရေးပြုစု တင်ပြရခြင်းဖြစ်ပါသည်။

ရည်ရွယ်ချက်

ကုန်းလမ်းပို့ဆောင်ရေး ညွှန်ကြားမှုဦးစီးဌာန၊ လုပ်ငန်းလိုင်စင်နှင့် သယ်ယူပို့ဆောင်ရေး ကြီးကြပ်ညှိနှိုင်းမှုဌာန၏ ဆောင်ရွက်နေသော လုပ်ငန်းတာဝန်များအား သိရှိနိုင်စေရန် ဖြစ်ပါသည်။

ကုန်းလမ်းသယ်ယူပို့ဆောင်ရေးလုပ်ငန်းဥပဒေ၏ ရည်ရွယ်ချက်များ
  • နိုင်ငံတော်အတွင်း ကုန်းလမ်းသယ်ယူပို့ဆောင်ရေးလုပ်ငန်းများအား ဖွံ့ဖြိုး တိုးတက်စေရေးအတွက် စနစ်တကျ ကြီးကြပ်ကွပ်ကဲ အကောင်အထည်ဖော် ဆောင်ရွက်နိုင်ရန်
  • နိုင်ငံတော်၏ စီးပွားရေး၊ လူမှုရေး၊ စီမံခန့်ခွဲရေးနှင့် လမ်းပန်းဆက်သွယ်မှု တိုးတက်စေရန်အတွက် ပုဂ္ဂလိကခရီးသည်နှင့် ကုန်စည်ပို့ဆောင်ရေး လိုအပ် ချက်များအား ညှိနှိုင်းဖြည့်ဆည်းဆောင်ရွက်ပေးရန်
  • ကုန်းလမ်းသယ်ယူပို့ဆောင်ရေးလုပ်ငန်းများ စနစ်တကျရှိရေးနှင့် ဖွံ့ဖြိုး တိုးတက်ရေးအတွက် ဥပဒေနှင့်အညီ လိုအပ်သော နည်းဥပဒေများ၊ စည်းမျဉ်း စည်းကမ်းများ ထုတ်ပြန်၍ ပြဋ္ဌာန်း ဆောင်ရွက်နိုင်ရန်
  • ကုန်းလမ်းသယ်ယူပို့ဆောင်ရေးကဏ္ဍမှ ပတ်၀န်းကျင် ထိန်းသိမ်းမှုကို ထိခိုက် စေနိုင်သည့် အကြောင်းများ လျော့ပါးစေရေးအတွက် သက်ဆိုင်ရာ ဌာန၊ အဖွဲ့အစည်းများနှင့် ညှိနှိုင်း ပေါင်းစပ် ဆောင်ရွက်နိုင်ရန်
  • မော်တော်ယာဉ် အန္တရာယ်၊ လမ်းအန္တရာယ် ကင်းရှင်းစေရေးအတွက် သက်ဆိုင်ရာ ဌာန၊ အဖွဲ့ အစည်းများနှင့် ပူးပေါင်း အကောင်အထည်ဖော် ဆောင်ရွက်နိုင်ရန်
  • နယ်စပ်ဖြတ်ကျော်၍ ကုန်းလမ်းသယ်ယူပို့ဆောင်ရေးလုပ်ငန်းများ ဆောင်ရွက် ရာတွင် ဒေသဆိုင်ရာ သဘောတူ စာချုပ်ပါ စည်းမျဉ်း စည်းကမ်းများနှင့်အညီ စနစ်တကျ ချောမွေ့စွာ ဆောင်ရွက်နိုင်ရန်
  • ဥပဒေပါ အမျိုးသားကော်မတီ၏ လုပ်ငန်းတာဝန်များ
  • ပြည်တွင်းနှင့် နယ်စပ်ဖြတ်ကျော် ကုန်းလမ်းသယ်ယူပို့ဆောင်ရေးလုပ်ငန်းများနှင့် စပ်လျဉ်း၍ ဘေးအန္တရာယ် ကင်းရှင်းရေး၊ လုံခြုံရေးနှင့် လွယ်ကူချောမွေ့ အဆင်ပြေရေး တို့အတွက် မူဝါဒများ ချမှတ်ခြင်း၊ လမ်းညွှန်ခြင်းနှင့် ကြီးကြပ် ကွပ်ကဲခြင်း
  • ကုန်းလမ်းသယ်ယူ ပို့ဆောင်ရေး လုပ်ငန်းများ လွယ်ကူချောမွေ့ အဆင်ပြေရေး စနစ်တကျ အကောင်အထည်ဖော် ဆောင်ရွက်နိုင်ရေးအတွက် စီမံချက်များ ချမှတ်ပြီး ဒေသဆိုင်ရာ ကြီးကြပ် ကွပ်ကဲရေးအဖွဲ့များ ဖွဲ့စည်းပေးခြင်းနှင့် လိုအပ်သော လုပ်ငန်းတာဝန်များ သတ်မှတ် ပေးခြင်း
  • အမျိုးသားကော်မတီ၏ တာ၀န်နှင့်လုပ်ပိုင်ခွင့်များ အောင်မြင်စွာ ဆောင်ရွက်ရန် အလို့ငှာ ကုန်းလမ်းသယ်ယူပို့ဆောင်ရေးလုပ်ငန်းများ ကြီးကြပ်ကွပ်ကဲရေး လုပ်ငန်းကော်မတီ၊ နယ်စပ်ဖြတ်ကျော် ကုန်းလမ်းသယ်ယူပို့ဆောင်ရေး လုပ်ငန်းများ ကြီးကြပ်ကွပ်ကဲရေးလုပ်ငန်းကော်မတီနှင့် ဒေသဆိုင်ရာကြီးကြပ် ကွပ်ကဲရေး အဖွဲ့များအား တစ်ဖွဲ့နှင့်တစ်ဖွဲ့ ပေါင်းစပ် ညှိနှိုင်းပေးခြင်းနှင့် လိုအပ်ချက်များအား ဖြည့်ဆည်း ဆောင်ရွက်ပေးခြင်း
  • သယ်ယူပို့ဆောင်ရေးလုပ်ငန်း ဆောင်ရွက်ရာတွင် မော်တော်ယာဉ် အန္တရာယ်၊ လမ်းအန္တရာယ် ကင်းရှင်းရေးနှင့် သယ်ယူပို့ဆောင်ရေး မော်တော်ယာဉ်များ ကြောင့် ပတ်ဝန်းကျင် ထိခိုက်မှု မရှိစေရေးတို့အတွက် စည်းကမ်းချက်များ သတ်မှတ်ခြင်းနှင့်် ကြီးကြပ်ကွပ်ကဲခြင်း
  • ကုန်စည်နှင့်ခရီးသည်များအား လိုအပ်သော နေရာဒေသသို့ လိုအပ်သော အချိန်ကာလအတွင်း လိုအပ်သော အရေအတွက် ရောက်ရှိစေရေး၊ သွားလာ လွယ်ကူမှု အဆင်ပြေစေရေးအတွက် သက်ဆိုင်ရာဌာန၊ အဖွဲ့အစည်းများနှင့် ညှိနှိုင်းဆောင်ရွက်ခြင်း
  • သဘာဝဘေးအန္တရာယ် အပါအဝင် အများပြည်သူ အကျိုးငှာ အခြားအရေးပေါ် ကိစ္စများတွင် အသုံးပြုရန် နိုင်ငံတော်အဆင့် အဖွဲ့အစည်းများက တာဝန်ပေး အပ်လာသည့်အခါ သယ်ယူပို့ဆောင်ရေး မော်တော်ယာဉ်များကို တာဝန်ပေး အပ်ရေးအတွက် သတ်မှတ်ချက်များနှင့်အညီ ညှိနှိုင်းစီစဉ် ဆောင်ရွက်ပေးခြင်း
  • ကုန်းလမ်းသယ်ယူပို့ဆောင်ရေးလုပ်ငန်းတွင် စည်းကမ်းချက်များ၊ ကန့်သတ် ချက်များ ညှိနှိုင်းသတ်မှတ်ခြင်း၊ အထူးသဖြင့် မော်တော်ယာဉ် လိုင်းများ၊ မော်တော်ယာဉ် ဂိတ်များ၊ မော်တော်ယာဉ် အသင်းများ၊ ခရီးစဉ်များ၊ သွားလာ မည့် ခရီးစဉ် အရေအတွက် ကုန်စည်ဂိတ်များ၊ ကုန်တင်ကုန်ချ ပြုလုပ်ရန် နေရာများနှင့် ဒေသများ၊ ခရီးသည်နှင့်ကုန်စည် သယ်ဆောင်ခနှုန်းထားများ သတ်မှတ်ရေးအတွက် သက်ဆိုင်ရာ ဌာန၊ အဖွဲ့အစည်းများနှင့် ညှိနှိုင်းပေးခြင်း
  • ကုန်းလမ်းသယ်ယူပို့ဆောင်ရေးလုပ်ငန်းများ လွယ်ကူချောမွေ့ အဆင်ပြေစေရေး နှင့် မော်တော်ယာဉ် အန္တရာယ် ၊ လမ်းအန္တရာယ် ကင်းရှင်းရေးတို့အတွက် ကြီးကြပ် ဆောင်ရွက်နိုင်ရန် လိုအပ်သည့် အဖွဲ့အစည်းများကို ဖွဲ့စည်းပြီး လုပ်ငန်းတာဝန်များ သတ်မှတ်ပေးခြင်း၊ ယင်းအဖွဲ့များ၏ ဆောင်ရွက်မှုကို ကြီးကြပ်ကွပ်ကဲခြင်း
  • နယ်စပ်ဖြတ်ကျော် ကုန်းလမ်းသယ်ယူပို့ဆောင်ရေးလုပ်ငန်းများ နှင့်စပ်လျဉ်း၍ လွယ်ကူချောမွေ့ အဆင်ပြေစွာ ဆောင်ရွက်နိုင်စေရန် ဒေသဆိုင်ရာ သဘောတူ စာချုပ်များနှင့်အညီ ဒေသအတွင်းရှိ အခြားစာချုပ်ဝင် နိုင်ငံများနှင့် ဆက်သွယ်ညှိနှိုင်း၍ ပူပေါင်းဆောင်ရွက်ခြင်းနှင့် နယ်စပ်ဖြတ်ကျော် ကုန်းလမ်း သယ်ယူပို့ဆောင်ရေးလုပ်ငန်းများ ကြီးကြပ်ကွပ်ကဲရေး လုပ်ငန်း ကော်မတီကို လမ်းညွှန်မှုပေးခြင်း
  • ကုန်းလမ်းသယ်ယူပို့ဆောင်ရေးလုပ်ငန်းနှင့် စပ်လျဉ်း၍ ပြည်ထောင်စုအစိုးရ အဖွဲ့က အခါအားလျော်စွာ ပေးအပ်သော လုပ်ငန်းတာဝန်များ ဆောင်ရွက် ပေးခြင်း
  • ဝန်ထမ်းအင်အားနှင့်ဖွဲ့စည်းပုံ

    ကုန်းလမ်းပို့ဆောင်ရေးညွှန်ကြားမှုဦးစီးဌာန၊ လုပ်ငန်းလိုင်စင်နှင့်သယ်ယူပို့ဆောင်ရေး ကြီးကြပ်ညှိနှိုင်းမှုဌာန၏ ကြီးကြပ်မှုအောက်ရှိ ရုံးချုပ်အပါအဝင် စုစုပေါင်း (၅၂)ရုံး၏ ၂၀၁၇ ခုနှစ် မတ်လ(၃၁)ရက်နေ့ရှိ ဖွဲ့စည်းပုံ၊ ခန့်ပြီး၊ လစ်လပ် ဝန်ထမ်းအင်အား အခြေအနေမှာ အောက်ပါအတိုင်းဖြစ်ပြီး အသေးစိတ်စာရင်းကို နောက်ဆက်တွဲ “က”ဖြင့် တင်ပြအပ်ပါသည်-

    အရာထမ်း အမှုထမ်း စုစုပေါင်း
    ဖွဲ့စည်းပုံ ၈၃ ၉၀၅ ၉၈၈
    ခန့်ပြီး ၇၅ ၅၅၉ ၆၃၄
    လစ်လပ် ၃၄၆ ၃၅၄

    လုပ်ငန်းလိုင်စင်နှင့် သယ်ယူပို့ဆောင်ရေး ကြီးကြပ်ညှိနှိုင်းမှုဌာနတွင် ရုံးချုပ်နှင့် နေပြည်တော်ကောင်စီရုံး၊ တိုင်းဒေသကြီး/ ပြည်နယ်အဆင့်(၁၄)ရုံး၊ တွဲဖက်ပြည်နယ်ရုံး(၂)ရုံး၊ ခရိုင်အဆင့်တွင် ခန္တီးခရိုင်ရုံး အပါအဝင်(၃၁)ရုံး၊ မြို့နယ်အဆင့် (၃)ရုံး၊ စုစုပေါင်း (၅၂)ရုံးဖြင့် ဖွဲ့စည်းဆောင်ရွက်လျှက် ရှိပါသည်။

    ဝင်ငွေကောက်ခံရရှိမှု

    လုပ်ငန်းလိုင်စင်နှင့် သယ်ယူပို့ဆောင်ရေး ကြီးကြပ် ညှိနှိုင်းမှုဌာန၏ ၂၀၁၆-၂၀၁၇ ဘဏ္ဍာရေးနှစ်၊ တိုင်းဒေသကြီး/ပြည်နယ်၊ ခရိုင်၊ မြို့နယ်ရုံးများ၏အခွန်/သာမန် ကောက်ခံ ရရှိမှုအား အောက်ပါအတိုင်းတင်ပြအပ်ပါသည် -

    အကြောင်းအရာ ရငွေ (ကျပ်သန်း) ရငွေစုစုပေါင်း (ကျပ်သန်း)
    လျာထားချက် ၃၇၃၈.၇၃၆ ၃၇၃၈.၇၃၆
    ကောက်ခံရရှိမှု ၅၂၇၃.၄၉၆ ၅၂၇၃.၄၉၆
    ရာခိုင်နှုန်း ၁၃၅.၅၄ ၁၃၅.၅၄
    ဥပဒေ၊နည်းဥပဒေများနှင့် လုပ်ထုံးလုပ်နည်းများ

    ကျင့်သုံးလျှက်ရှိသော ဥပဒေ၊နည်းဥပဒေများနှင့် လုပ်ထုံးလုပ်နည်းများ

    • ၁၉၆၃ ခုနှစ်၊ ကုန်းလမ်းနှင့်ပြည်တွင်းရေကြောင်းသယ်ယူပို့ဆောင်ရေးလုပ်ငန်း များဥပဒေ
    • ၁၉၆၄ ခုနှစ်၊ ကုန်းလမ်းနှင့်ပြည်တွင်းရေကြောင်းသယ်ယူပို့ဆောင်ရေးလုပ်ငန်း များဆိုင်ရာနည်းဥပဒေ
    • ၁၉၆၅ခုနှစ်၊ ကုန်းလမ်းနှင့်ပြည်တွင်းရေကြောင်းသယ်ယူပို့ဆောင်ရေးလုပ်ငန်း များဆိုင်ရာ စည်းကမ်းဥပဒေများ
    • ၁၉၈၀ပြည့်နှစ်၊ ပို့ဆောင်ရေးညှိနှိုင်းမှုကော်မတီ လုပ်ထုံးလုပ်နည်းများ
    • ၂၀၁၆ခုနှစ်၊ ကုန်းလမ်းသယ်ယူပို့ဆောင်ရေးလုပ်ငန်းများဥပဒေ
    ဆောင်ရွက်ဆဲနည်းဥပဒေ

    ၂၀၁၆ခုနှစ်၊ ကုန်းလမ်းသယ်ယူပို့ဆောင်ရေးလုပ်ငန်းများနည်းဥပဒေ(မူကြမ်း)အား အောက်ပါအတိုင်းဆောင်ရွက်လျှက်ရှိပါသည် -

  • ကုန်းလမ်းသယ်ယူပို့ဆောင်ရေးလုပ်ငန်းများဥပဒေ မထုတ်ပြန်မီ ၁၉၆၄ခုနှစ်၊ ကုန်းလမ်းနှင့်ပြည်တွင်းရေကြောင်းသယ်ယူပို့ဆောင်ရေးလုပ်ငန်း များဆိုင်ရာ နည်းဥပဒေကို ပြင်ဆင်သည့် နည်းဥပဒေ(မူကြမ်း)ရေးသားပြုစုရန် ဥပဒေ ပညာရှင်နှင့် ညှိနှိုင်းဆောင်ရွက်ခြင်း
  • ဥပဒေပညာရှင်မှ နည်းဥပဒေ၌ ထည့်သွင်းရေးဆွဲရာတွင် အထောက်အကူ ဖြစ်စေရန် အချက်(၃၀)ပါသော မေးခွန်းများအား ဖြေကြားရန် ၁၅.၁.၂၀၁၆ ရက်နေ့တွင် ပေးပို့ခြင်း
  • ကုန်းလမ်း သယ်ယူပို့ဆောင်ရေး လုပ်ငန်းများ ဥပဒေ ထုတ်ပြန်ပြီးနောက် နည်းဥပဒေတွင်ထည့်သွင်းရန် အချက်များကို သက်ဆိုင်ရာ တိုင်းဒေသကြီး /ပြည်နယ်၊ ခရိုင်၊မြို့နယ်ရုံးများသို့ သဘောထား မှတ်ချက်တောင်းခံခြင်း
  • သဘောထားမှတ်ချက်ပြန်ကြားလာမှုအပေါ် ဌာနတွင်းညှိနှိုင်း၍ ပြင်ဆင် ဖြည့်စွက်ဆောင်ရွက်ခြင်း
  • ဥပဒေပညာရှင်မှ မေးမြန်းလာသည့် အချက်(၃၀)ပါမေးခွန်းများအား ဖြေကြား၍ ၂၉.၁.၂၀၁၆ရက်နေ့တွင် ဥပဒေပညာရှင်ထံပြန်လည်ပေးပို့ခဲ့ခြင်း
  • ယခုအခါ ကုန်းလမ်းသယ်ယူပို့ဆောင်ရေးလုပ်ငန်းများနည်းဥပဒေ(မူကြမ်း)အား အကြမ်းဖျင်း ပြုစုပြီး ဒုတိယညွှန်ကြားရေးမှူးချုပ်(ကလ) ရုံးခန်းတွင် Power Point ဖြင့် တင်ပြဆွေးနွေးလျှက်ရှိပါသည်။ ဥပဒေပညာရှင်မှ ပေးပို့လာမည့် နည်းဥပဒေ(မူကြမ်း)နှင့် ပေါင်းစပ်ဆောင်ရွက်ပြီးပါက ကုန်းလမ်းပို့ဆောင်ရေး ညွှန်ကြားမှုဦးစီးဌာန အစည်းအဝေးခန်းမတွင် ညွှန်ကြားရေးမှူးချုပ်၊ ဒုတိယ ညွှန်ကြားရေးမှူးချုပ်များနှင့် ဌာနမှူးများထံ တင်ပြကာ ပြင်ဆင်၊ဖြည့်စွက် အတည်ပြုပြီး အောက်ပါအတိုင်း ဆက်လက်ဆောင်ရွက်သွားမည်ဖြစ်ပါသည်-
  • နည်းဥပဒေ(မူကြမ်း)ကို ပို့ဆောင်ရေးနှင့်ဆက်သွယ်ရေးဝန်ကြီးဌာနသို့ တင်ပြရန်
  • ပို့ဆောင်ရေးနှင့်ဆက်သွယ်ရေးဝန်ကြီးဌာနမှ ပြည်ထောင်စုရှေ့နေချုပ်ရုံးသို့ သဘောထားမှတ်ချက်တောင်းခံရန်
  • ပြည်ထောင်စုရှေ့နေချုပ်ရုံးမှ အတည်ပြုပြန်ကြားလာသည့် နည်းဥပဒေ (မူကြမ်း)အား နိုင်ငံတော်သမ္မတရုံးနှင့် ပြည်ထောင်စုအစိုးရအဖွဲ့ရုံးသို့ တင်ပြရန်
  • လုပ်ငန်းလိုင်စင်ဆိုင်ရာကိစ္စရပ်များ

    သယ်ယူပို့ဆောင်ရေးကဏ္ဍဖွံ့ဖြိုးတိုးတက်လာသည်နှင့်အမျှ ပြည်သူများ၏ လူနေမှုဘဝ အဆင့်အတန်းမြင့်မားလာစေပြီး စီးပွားရေး၊ လူမှုရေး၊ ဆက်သွယ်ဆက်ဆံရေးများပိုမိုတိုးတက် ဖြစ်ထွန်းစေပြီးကုန်စည်စီးဆင်းမှု၊ကူးသန်းသွားလာမှုများ သွက်လက်လျင်မြန်လာမည်ဖြစ်ပါသည်။ ထိုသို့ သယ်ယူပို့ဆောင်ရေးကဏ္ဍ ဖွံ့ဖြိုးတိုးတက်လာသည်နှင့်အမျှ သယ်ယူပို့ဆောင်ရေး စက်တပ်ယာဉ်များသည်လည်း တိုးတက်များပြားလာသည်နှင့်အညီ စက်တပ်ယာဉ်များဖြင့် စီးပွားရေးလုပ်ငန်းများအား ကြီးကြပ်ထိန်းသိမ်းရန်အတွက် ၁၉၆၃ ခုနှစ်၊ ကုန်းလမ်းနှင့် ပြည်တွင်းရေကြောင်းသယ်ယူပို့ဆောင်ရေး လုပ်ငန်းများဆိုင်ရာ ဥပဒေအရ လုပ်ငန်းလိုင်စင်များ ခွင့်ပြုထုတ်ပေးခဲ့ရခြင်း ဖြစ်ပါသည်။ ခွင့်ပြုလုပ်ငန်းလိုင်စင်အမျိုးအစားမှာ အောက်ပါအတိုင်း ခွဲခြားသတ်မှတ်ထားပါသည် -

    စဉ် လုပ်ငန်းအမျိုးအစား လိုင်စင်
    (က) ခရီးစဉ်ဒေသ ကုန်စည်ပို့ဆောင်ခွင့် “ က ”
    ( ခ) ခရီးစဉ် ခရီးသည်ပို့ဆောင်ခွင့် “ ခ ”
    ( ဂ ) စင်းလုံးငှား ခရီးသည်ပို့ဆောင်ခွင့် “ ဂ ”
    (ဃ) ပဋိညာဉ်အရ ပို့ဆောင်ခွင့် “ ဃ ”
    ( င ) ကိုယ်ပိုင်စီးပွားရေးအတွက်ကုန်စည်ပို့ဆောင်ခွင့် “ င ”

    ၁၉၆၃ ခုနှစ်၊ ကုန်းလမ်းနှင့် ပြည်တွင်းရေကြောင်းသယ်ယူပို့ဆောင်ရေးလုပ်ငန်းများ ဥပဒေအရ ပို့ဆောင်ရေးလုပ်ငန်းကို စီးပွားရေးလုပ်ငန်းအဖြစ် ဆောင်ရွက်သော မော်တော်ယာဉ်များ အားလုံးသည် အောက်ဖော်ပြပါအတိုင်း လုပ်ငန်းလိုင်စင်များ ရယူဆောင်ရွက်ရပါသည် -

    • 'က' လုပ်ငန်းလိုင်စင် - ကုန်စည်ပို့ဆောင်ခွင့် လိုင်စင်ဖြစ်ပါသည်။ ကုန်တင်ယာဉ်များအတွက် ဖြစ်ပါသည်။ ကုန်စည်ပို့ဆောင်ရေးယာဉ်များ၊ ချိတ်ဆွဲ ယာဉ်များ ( Tractor Head / Prime Mover )၊ နောက်တွဲယာဉ် (Trailer )ယာဉ် အမျိုးအစားများပါဝင်ပါသည်။ ကုန်သေတ္တာနှင့်သစ်လုံးများတင်ဆောင်သည့် ယာဉ်များသည်အထူး“က”လုပ်ငန်း လိုင်စင် ရယူရမည်။
    • 'ခ' လုပ်ငန်းလိုင်စင် - ခရီးသည် ပို့ဆောင်ခွင့်လိုင်စင် ဖြစ်ပါသည်။ ခရီးသည်တင်ယာဉ်များ၊ ဘတ်(စ်)ကားများအတွက်ဖြစ်ပါသည်။
    • 'ဂ' လုပ်ငန်းလိုင်စင်- စင်းလုံးငှားခရီးသည် ပို့ဆောင်ခွင့်လိုင်စင်ဖြစ်ပါသည်။ တက္ကစီ ယာဉ်များလည်းပါဝင်ပါသည်။
    • 'ဃ' လုပ်ငန်းလိုင်စင်- ပဋိညာဉ်အရသယ်ယူပို့ဆောင်ရေး လုပ်ငန်းလိုင်စင် ဖြစ်ပါသည်။ငှားရမ်းသူတစ်ဦးဦး(သို့)အဖွဲ့အစည်းတစ်ခုခုအတွက် အဆက်မပြတ် အချိန်ကာလ အပိုင်းအခြား အတွက် ငှားရမ်းသည့်စနစ်ဖြစ်ပါသည်။ (ရုံး၊ ကျောင်း၊ ကုမ္ပဏီ၊ စက်ရုံ၊ အဖွဲ့အစည်းတစ်ခုခု အတွက်၊ ဝန်ထမ်း၊ ကျောင်းသား၊ အလုပ်သမားကြို/ပို့ရေးအတွက် စာချုပ်ချုပ်ဆို ငှားရမ်းခြင်း ဖြစ်သည်)။ နိုင်ငံခြားသားများ ကြို/ပို့ဆောင်ရွက်ခြင်းလုပ်ငန်း အတွက် “ဃ-အခြား” လုပ်ငန်းလိုင်စင်ကို ခွင့်ပြုထုတ်ပေးပါသည်။
    • 'င'လုပ်ငန်းလိုင်စင် - ကိုယ်ပိုင်စီးပွားရေးအတွက် ကုန်စည်သယ်ယူပို့ဆောင်ရေး လုပ်ငန်းလိုင်စင်ဖြစ်ပါသည်။ ယာဉ်ပိုင်ရှင်သည် မိမိစီးပွားရေးတစ်ခုခုနှင့် ဆက်စပ်၍ ကုန်စည်ကို ပို့ရန်အတွက် မိမိကုန်ပစ္စည်းများကို မိမိပိုင်ယာဉ်ဖြင့် သယ်ယူပို့ဆောင်ရန်ဖြစ်ပါသည်။
    လုပ်ငန်းလိုင်စင်ထုတ်ပေးခြင်းဆိုင်ရာ လုပ်ထုံးလုပ်နည်းများ

    လုပ်ငန်းလိုင်စင်ထုတ်ပေးခြင်းဆိုင်ရာလုပ်ထုံးလုပ်နည်းများအားပို့ဆောင်ရေးစီမံကိန်း ဦးစီးဌာန၏ ၇.၆.၂၀၁၂ ရက်စွဲပါ စာအမှတ်၊ ၁၂၉/ကရဖ(ဗဟို) (၉)ပစဦး/၂၀၁၂ ညွှန်ကြားချက် အမှတ် (၁/၂၀၁၂) အရ အောက်ဖော်ပြပါအတိုင်း လိုက်နာဆောင်ရွက်ရမည် ဖြစ်ပါသည်-

    • အသစ်လျှောက်ထားခြင်း
    • အသစ်လဲလှယ် (သက်တမ်းတိုး) ရန်လျှောက်ထားခြင်း
    • မိတ္တူထုတ်ရန်လျှောက်ထားခြင်း
    • ပြောင်းလဲခြင်းများလျှောက်ထားခြင်း
    • ခရီးစဉ်သတ်မှတ်ခွင့်ပြုခြင်း
    • ဖျက်သိမ်းရန်လျှောက်ထားခြင်း
    အသစ်လျှောက်ထားခြင်း

    ကိုယ်ပိုင်ယာဉ်မှ အငှားယာဉ်ပြောင်းလဲ အသစ်လျှောက်ထားခြင်းနှင့် အငှားယာဉ် ဖြစ်သော်လည်း လုပ်ငန်းလိုင်စင်မရှိသေးသဖြင့် လျှောက်ထားခြင်းများကို အောက်ပါအတိုင်း ဆောင်ရွက်ရန်ဖြစ်ပါသည်-

    ကိုယ်ပိုင်ယာဉ်မှ အငှားယာဉ်ပြောင်းလဲလျှောက်ထားခြင်း

    အောက်ပါတို့ကို စိစစ် ဆောင်ရွက်ရပါမည်-

    • လျှောက်လွှာ
    • သက်တမ်းရှိ(ကမ-၃)မူရင်း/ မိတ္တူ
    • ယာဉ်ဓါတ်ပုံ (၃)ပုံ (ရှေ့၊ နောက်၊ ညာဘေး)
    • လုပ်ငန်း လာရောက်ဆောင်ရွက်သူ၏ ဓါတ်ပုံပါရှိသော စိစစ်ရေးကဒ် တစ်ခုခု၏ မူရင်း/ မိတ္တူ
    • ယာဉ်စစ်စေလွှတ်ခြင်းမပြုရန်၊ လုပ်ငန်းလိုင်စင် ( အသစ်/ လုပ်ငန်း ပြောင်းလဲခြင်း )များအား လုပ်ငန်းဆောင်ရွက်သူသို့ထုတ်ပေးပြီး၊ လုပ်ငန်း လိုင်စင် ထုတ်ပေးပြီးကြောင်း ကုန်းလမ်းပို့ဆောင်ရေးညွှန်ကြားမှုဦးစီး ဌာနသို့ ရုံးစာနှင့်အတူ ကမ-၃ လွှဲပြောင်းပေးပို့ခြင်း။ (ရုံးချုပ်၏ ၁၀.၆.၂၀၁၃ရက်စွဲပါ၁၃၃/ကသဖ(ဗဟို)(၉)ပစဦး/၂၀၁၃အရ)
    • “ခ” လိုင်စင်အတွက် သက်ဆိုင်ရာ ကုန်းလမ်းနှင့်ပြည်တွင်းရေကြောင်း သယ်ယူပို့ဆောင်ရေးအဖွဲ့မှ ယာဉ်လိုင်းပြေးဆွဲရန် တရားဝင်ခွင့်ပြု ထားသည့် သက်ဆိုင်ရာ ယာဉ်လိုင်း/ အသင်း၏ ထောက်ခံချက်
    • “ဃ”လိုင်စင်နှင့်“င”လိုင်စင်အတွက်ဖြစ်ပါက လုပ်ငန်းဆောင်ရွက်ကြောင်း လာရောက် ဆောင်ရွက်သူ၏ ခံဝန်ချက်
    အငှားယာဉ်ဖြစ်သော်လည်း လုပ်ငန်းလိုင်စင်မရှိသေးသဖြင့် လျှောက်ထားခြင်း
    • လျှောက်လွှာ
    • သက်တမ်းရှိ(ကမ-၃)မူရင်း/ မိတ္တူ
    • ယာဉ်ဓါတ်ပုံ (၃)ပုံ (ရှေ့၊ နောက်၊ ညာဘေး)
    • လုပ်ငန်းလာရောက်ဆောင်ရွက်သူ၏ ဓါတ်ပုံပါရှိသော စိစစ်ရေးကဒ် တခုခု၏ မူရင်း/မိတ္တူ
    • လုပ်ငန်းလိုင်စင်ထုတ်ပေးပြီးကြောင်း သက်ဆိုင်ရာ ကုန်းလမ်းပို့ဆောင်ရေး ညွှန်ကြားမှုဦးစီးဌာနသို့ အကြောင်းကြားစာပေးပို့ရန်
    • “ခ” လိုင်စင်အတွက် သက်ဆိုင်ရာ ကုန်းလမ်းနှင့်ပြည်တွင်းရေကြောင်း သယ်ယူပို့ဆောင်ရေးအဖွဲ့မှယာဉ်လိုင်းပြေးဆွဲရန် တရားဝင်ခွင့်ပြုထားသည့် သက်ဆိုင်ရာ ယာဉ်လိုင်း/ အသင်း၏ ထောက်ခံချက်
    • “ဃ”လိုင်စင်နှင့်“င”လိုင်စင်အတွက်ဖြစ်ပါက လုပ်ငန်းဆောင်ရွက်ကြောင်း လာရောက်ဆောင်ရွက်သူ၏ ခံဝန်ချက်
    အသစ်လဲလှယ်(သက်တမ်းတိုး)ရန်လျှောက်ထားခြင်း

    လုပ်ငန်းလိုင်စင် အသစ်လဲလှယ်(သက်တမ်းတိုး)ရန်လျှောက်ထားခြင်းများအတွက် အောက်ပါ တို့ကို စိစစ်ဆောင်ရွက်ရပါသည်-

    • လျှောက်လွှာ
    • အပိုင်း ၁၊ ၂၊ တြိဂံ
    • သက်တမ်းရှိ(ကမ - ၃) မူရင်း/မိတ္တူ
    • လာရောက်ဆောင်ရွက်သူ၏ ဓါတ်ပုံပါရှိသောစိစစ်ရေးကဒ် တစ်ခုခု၏ မူရင်း/မိတ္တူ
    မိတ္တူထုတ်ရန်လျှောက်ထားခြင်း

    လုပ်ငန်းလိုင်စင်ပျက်စီးခြင်းနှင့် ပျောက်ဆုံးခြင်းများအတွက် အောက်ပါတို့ကို စိစစ်ဆောင်ရွက်ရပါသည်-

    ပျက်စီးခြင်း
    • လျှောက်လွှာ
    • အပိုင်း ၁၊ ၂၊ တြိဂံ(လိုင်စင်အဟောင်း)
    • လုပ်ငန်းလာရောက်ဆောင်ရွက်သူ၏ ဓါတ်ပုံပါရှိသော စိစစ်ရေးကဒ် တစ်ခုခု၏ မူရင်း/မိတ္တူ
    ပျောက်ဆုံးခြင်း
    • လျှောက်လွှာ
    • (ကမ-၃) မူရင်း/ မိတ္တူ
    • ရဲစခန်းထောက်ခံချက်
    • လုပ်ငန်းလာရောက်ဆောင်ရွက်သူ၏ ဓါတ်ပုံပါရှိသော စိစစ်ရေးကဒ် တစ်ခုခု၏ မူရင်း / မိတ္တူ
    ပြောင်းလဲခြင်းများလျှောက်ထားခြင်း

    ပိုင်ရှင်အမည်ပြောင်း လျှောက်ထားခြင်းနှင့် နေရပ်လိပ်စာပြောင်း လျှောက်ထားခြင်း များအတွက် အောက်ပါအတိုင်းဆောင်ရွက်လျှက်ရှိပါသည်-

    ပိုင်ရှင်အမည်ပြောင်းလျှောက်ထားခြင်း

    အောက်ပါတို့ကို စိစစ်ဆောင်ရွက်ရ ပါသည်-

    • လျှောက်လွှာ
    • အပိုင်း ၁၊ ၂၊ တြိဂံ
    • (ကမ -၃) မူရင်း/ မိတ္တူ
    • (ကမ -၃) တွင်အမည်ပေါက်ပြီးသောပိုင်ရှင်အမည်သို့ပြောင်းပေးရန်
    • လုပ်ငန်းလာရောက်ဆောင်ရွက်သူ၏ ဓါတ်ပုံပါရှိသော စိစစ်ရေးကဒ် တစ်ခုခု၏ မူရင်း/မိတ္တူ
    နေရပ်လိပ်စာပြောင်းလျှောက်ထားခြင်း

    အောက်ပါတို့ကို စိစစ်ဆောင်ရွက်ရ ပါသည်-

    • လျှောက်လွှာ
    • အပိုင်း ၁၊ ၂၊ တြိဂံ
    • မိမိဌာနတွင် ဦးစွာလာရောက်ဆောင်ရွက်လျှင် လျှောက်ထားသူ၏ အိမ်ထောင်စု စာရင်း (သို့မဟုတ်) ရပ်ကွက်အုပ်ချုပ်ရေးမှူးထောက်ခံချက်
    • ဆောင်ရွက်ပြီးပါက ကုန်းလမ်းပို့ဆောင်ရေးညွှန်ကြားမှု ဦးစီးဌာနသို့ နေရပ်လိပ်စာ ပြောင်းကြောင်း အကြောင်းကြားစာပေးပို့ခြင်း
    • ကုန်းလမ်းပို့ဆောင်ရေးညွှန်ကြားမှု ဦးစီးဌာနတွင် ဆောင်ရွက်ပြီးမှ လာရောက် ဆောင်ရွက်ပါက (ကမ-၃) ပါလိပ်စာသို့ပြောင်းလဲပေးခြင်း
    • လုပ်ငန်းလာရောက်ဆောင်ရွက်သူ၏ ဓါတ်ပုံပါရှိသော စိစစ်ရေးကဒ် တစ်ခုခု၏ မူရင်း/ မိတ္တူ
    နယ်ဝင်နယ်ထွက်လျှောက်ထားခြင်း

    အောက်ပါတို့ကိုစိစစ်ဆောင်ရွက်ရပါသည်-

    နယ်ထွက်လျှောက်ထားခြင်း
    • လျှောက်လွှာ
    • အပိုင်း ၁၊ ၂၊ တြိဂံ
    • လုပ်ငန်းလာရောက်ဆောင်ရွက်သူ၏ဓါတ်ပုံပါရှိသောစိစစ်ရေးကဒ် တစ်ခုခု၏ မူရင်း/မိတ္တူ
    • မိမိရုံးစာရင်းမှပယ်ဖျက်၍လုပ်ငန်းလိုင်စင်ဖျက်သိမ်းပြီး သက်ဆိုင်ရာ ရုံးသို့ လုပ်ငန်းဖျက်သိမ်း အကြောင်းကြားစာပေးပို့ခြင်း
    နယ်ဝင်လျှောက်ထားခြင်း
    • လျှောက်လွှာ
    • (ကမ-၃) (သို့မဟုတ်) ကညနတွင် နယ်ဝင်ပြီးကြောင်း အထောက်အထား
    • ယာဉ်လက်ဝယ်ရှိသူ၏ မှတ်ပုံတင်၊ အိမ်ထောင်စုစာရင်း မူရင်း/မိတ္တူ
    • သက်ဆိုင်ရာပစနရုံးမှ လုပ်ငန်းဖျက်သိမ်းအကြောင်းကြားစာ မပါရှိပါက သတ်မှတ်ဒဏ်ကြေး ကောက်ခံဆောင်ရွက်ပေးခြင်း
    • လုပ်ငန်းလာရောက်ဆောင်ရွက်သူ၏ ဓါတ်ပုံပါရှိသော စိစစ်ရေး ကဒ် တစ်ခုခု၏ မူရင်း/ မိတ္တူ
    ကညနမရှိသောရုံးများတွင် နယ်ဝင်ဆောင်ရွက်ခြင်း
    • ကညနနယ်ထွက်စာ
    • (ကမ-၃) မူရင်း/မိတ္တူ
    • ယာဉ်လက်ဝယ်ရှိသူ၏ မှတ်ပုံတင်၊ အိမ်ထောင်စုစာရင်း မူရင်း/မိတ္တူ
    • သက်ဆိုင်ရာပစနရုံး၏ ဖျက်သိမ်းစာ
    • သက်ဆိုင်ရာ တိုင်းဒေသကြီး/ ပြည်နယ် ကရဖ၏ လုပ်ငန်း ဆောင်ရွက်ရန် ခွင့်ပြုချက်
    • “စ”ယာယီလက်မှတ်အားလုပ်ထုံးလုပ်နည်းနှင့်အညီထုတ်ပေးခြင်း
    • ကညနတွင် နယ်ဝင်ဆောင်ရွက်ပြီးပါက သက်ဆိုင်ရာလုပ်ငန်း လိုင်စင်ကို ထုတ်ပေးခြင်း
    လုပ်ငန်းအမျိုးအစားပြောင်းလဲလျှောက်ထားခြင်း

    အောက်ပါတို့ကို စိစစ် ဆောင်ရွက်ရပါမည်-

    • လျှောက်လွှာ
    • အပိုင်း ၁၊ ၂၊ တြိဂံ
    • ပြောင်းလဲလျှောက်ထားသည့် လုပ်ငန်းကို ဆောင်ရွက်ရန် သင့်လျော်ခြင်း ရှိ/မရှိ သက်ဆိုင်ရာ ကညန၏ ထောက်ခံချက်

    မှတ်ချက်

    • “ခ” လိုင်စင်၊ “ဂ” လိုင်စင်၊ “ဃ”လိုင်စင်စသည့် ခရီးသည်တင် လုပ်ငန်း လိုင်စင်အမျိုးအစားများ အပြန်အလှန်ပြောင်းလဲခြင်း အတွက် ယာဉ်စစ် စေလွှတ်ခြင်း မပြုဘဲ ဆောင်ရွက်ခြင်း
    • လုပ်ငန်းဆောင်ရွက်ပြီးကြောင်း သက်ဆိုင်ရာ ကညန သို့ အကြောင်းကြားစာ ပေးပို့ခြင်း
    • “ခ”လိုင်စင်မှပြောင်းလဲခြင်းဖြစ်ပါက သက်ဆိုင်ရာယာဉ်လိုင်း/ အသင်း၏ နှုတ်ထွက်စာ
    • လုပ်ငန်းလာရောက် ဆောင်ရွက်သူ၏ ဓါတ်ပုံပါရှိသော စိစစ်ရေးကဒ် တစ်ခုခု၏ မူရင်း/မိတ္တူ
    ခရီးစဉ်သတ်မှတ်ခွင့်ပြုခြင်း
  • ခရီးစဉ်သတ်မှတ်ခွင့်ပြုခြင်းကို အောက်ပါအတိုင်းဆောင်ရွက်ရန်ဖြစ်ပါသည်-
  • ကုန်စည်ပို့ဆောင်ခွင့် ယာဉ်များအတွက် တိုင်းဒေသကြီး/ ပြည်နယ်အားလုံး (သို့မဟုတ်) ပိုင်ရှင်ဆန္ဒဖြင့်လျှောက်ထားသော ခရီးစဉ်
  • ခရီးသည်ပို့ဆောင်ခွင့်ယာဉ်များအတွက် သက်ဆိုင်ရာတိုင်းဒေသကြီး/ ပြည်နယ် ကုန်းလမ်းနှင့်ပြည်တွင်းရေကြောင်း သယ်ယူပို့ဆောင်ရေးအဖွဲ့မှ တရားဝင် ခွင့်ပြုထားသည့် ခရီးစဉ်
  • စင်းလုံးငှားပို့ဆောင်ခွင့် ယာဉ်များအတွက် သာမန်အားဖြင့် တိုင်းဒေသကြီး / ပြည်နယ် အတွင်း (သို့မဟုတ်) ပိုင်ရှင်ဆန္ဒဖြင့် လျှောက်ထားသောခရီးစဉ်
  • ပဋိဉာဉ်အရ ပို့ဆောင်ခွင့်ယာဉ်များအတွက် လုပ်ငန်းနှင့် အကျုံးဝင်သည့် ခရီးစဉ်
  • ကိုယ်ပိုင်စီးပွားရေးပို့ဆောင်ခွင့်ယာဉ်များအတွက်သာမန်အားဖြင့်တိုင်းဒေသကြီး/ ပြည်နယ် အတွင်း(သို့မဟုတ်) ပိုင်ရှင်ဆန္ဒဖြင့် လျှောက်ထားသောခရီးစဉ်
  • ကညန နယ်ဝင်မဆောင်ရွက်ရသေးသော “စ”ယာယီ ထုတ်ပေးထားသည့် ယာဉ်များအား တိုင်းဒေသကြီး/ ပြည်နယ်အတွင်း ခရီးစဉ်
  • လုပ်ငန်းလိုင်စင်ဖျက်သိမ်းရန်လျှောက်ထားခြင်း

    လုပ်ငန်းလိုင်စင်ဖျက်သိမ်းရန် လျှောက်ထားခြင်းအတွက် အောက်ပါတို့ကို စိစစ်ဆောင်ရွက် ရပါသည်-

    • လျှောက်လွှာ
    • အပိုင်း ၁၊၂၊ တြိဂံ
    • ပိုင်ရှင် (သို့မဟုတ်) ယာဉ်လက်ဝယ်ရှိသူ၏ မှတ်ပုံတင်မူရင်း/ မိတ္တူနှင့် ကိုယ်တိုင်လာရောက် ဆောင်ရွက်စေခြင်း
    • ပျောက်ဆုံးပါက ရဲစခန်းထောက်ခံချက် (ပျောက်ဆုံး/ ပျက်စီး၍ မိတ္တူထုတ်ခြင်း လုပ်ထုံး လုပ်နည်းနှင့်အညီ ဆောင်ရွက်ခြင်း)
    • ‘ခ’ လိုင်စင်အတွက် သက်ဆိုင်ရာ ကုန်းလမ်းနှင့်ပြည်တွင်းရေကြောင်းသယ်ယူ ပို့ဆောင်ရေးအဖွဲ့မှ တရားဝင်ခွင့်ပြုထားသည့် သက်ဆိုင်ရာယာဉ်လိုင်း/ အသင်း၏ နှုတ်ထွက်စာ
    လုပ်ငန်းလိုင်စင်ခများကောက်ခံခြင်း

    မော်တော်ယာဉ်၊ ထရော်လာဂျီ၊ သုံးဘီးဆိုင်ကယ်များ၏ လုပ်ငန်းလိုင်စင်နှုန်းထား အခွန်အခများကို ၁၉၆၅ ခုနှစ်၊ ကုန်းလမ်းနှင့်ပြည်တွင်းရေကြောင်းသယ်ယူပို့ဆောင်ရေးဆိုင်ရာ စည်းကမ်းဥပဒေအပိုင်း(၉) ပုဒ်မ (၃၄) (၂)၏ ဆောင်ရွက်ပိုင်ခွင့်အရ ရုံးချုပ်၏ ၁၀.၁၀.၂၀၁၃ ရက်စွဲပါ စာအမှတ်၊ ၂၅၅/ ကသဖ (ဗဟို) (၁) / ၂၀၁၃ ၊ ညွှန်ကြားချက်အမှတ်၊ ၁/၂၀၁၃ဖြင့် အောက်ပါအတိုင်း ကောက်ခံခြင်းဖြစ်ပါသည် -

    စဉ် ဦးရေ/တန်ချိန် နှစ်စဉ်ကြေး(ကျပ်)
    (က) ၁၀ဦးအထိ(သို့မဟုတ်)၃:၄ တန်အထိ ၂၀၀၀
    ( ခ ) ၁၁ဦးမှ၁၇ဦးအထိ(သို့မဟုတ်)၃:၄တန်အထက်မှ၁ ၃:၄တန်အထိ ၃၀၀၀
    ( ဂ ) ၁၈ဦးမှ၂၄ဦးအထိ(သို့မဟုတ်)၂တန်မှ၃တန်အထိ ၄၀၀၀
    (ဃ) ၂၅ဦးမှ၂၉ဦးအထိ(သို့မဟုတ်)၃တန်အထက်မှ၅တန်အထိ ၅၀၀၀
    ( င ) ၃၀ဦးမှ၃၅ဦးအထိ(သို့မဟုတ်)၅တန်အထက်မှ၇တန်အထိ ၆၀၀၀
    ( စ ) ၃၆ဦးမှ၄၀ဦးအထိ(သို့မဟုတ်)၇တန်အထက်မှ၉တန်အထိ ၇၀၀၀
    (ဆ) ၄၁ဦးနှင့်အထက် (သို့မဟုတ်)၉တန်အထက် ၈၀၀၀
    ( ဇ ) “စ”ယာယီမော်တော်ယာဉ်(တစ်လ) ၃၀၀
    မှတ်ချက် (၁)။ အငှားယာဉ်ဖြစ်သည့်နေ့မှစ၍ တစ်လကျော်လျှင် ဒဏ်ကြေး တစ်လလျှင်နှစ်စဉ်ကြေး၏၁၀ကောက်ခံရန်ဖြစ်ပါသည်။ (၂)။ အခွန်ရငွေတွင်နှစ်စဉ်ကြေး၊မှတ်ပုံတင်ကြေးပါရှိပြီး၊သာမန်ရငွေတွင်ပုံစံဖိုး၊အပိုင်း(၁)၊အပိုင်း(၂)၊တြိဂံ၊ဆောင်ရွက်ခများပါရှိပါသည်။ (၃)။ ကောက်ခံနှုန်းထားသတ်မှတ်ချက်တွင် “အသစ်ထုတ်ပေးခြင်း၊သက်တမ်းတိုး (အသစ်လဲလှယ်ခြင်း)၊ပြောင်းလဲခြင်း”ဟူ၍(၃)ခုသတ်မှတ်ထားရှိပါသည်။

    ချိတ်ဆွဲယာဉ်(Tractor Head/Prime Mover)နှင့်နောက်တွဲယာဉ် (Trailers)များအားရထားပို့ဆောင်ရေးဝန်ကြီးဌာန၊စီမံခန့်ခွဲရေးကော်မတီအစည်းအဝေးအမှတ်စဉ်( ၃/၂၀၁၃ )၏သဘောတူခွင့်ပြုချက်အရလုပ်ငန်းလိုင်စင်အခွန်အခများကိုတင်အားသတ်မှတ်ချက်အပေါ်မူတည်၍အောက်ပါအတိုင်းကောက်ခံဆောင်ရွက်ပါသည် -

    စဉ် ယာဉ်အမျိုးအစား နောက်တွဲအရှည် တင်အား ကောက်ခံသည့်နှုန်းထား(ကျပ်)
    (က) Tractor Head - - ၈၀၀၀ိ/-
    ( ခ ) 2 Axel Semitrailor ၂၀ ပေ ၂၄ တန် ၄၀၀၀ိ/-
    ( ဂ ) 2 Axel Semitrailor ၄၀ ပေ ၃၀ တန် ၆၀၀၀ိ/-
    (ဃ) 3 Axel Semitrailor ၄၀ ပေနှင့်အထက် ၃၈ တန် ၈၀၀၀ိ/-
    တိုင်းဒေသကြီး/ပြည်နယ်အလိုက် လုပ်ငန်းလိုင်စင်ရ ယာဉ်စီးရေစာရင်း

    ၂၀၁၆ ခုနှစ်၊ မတ်လကုန်ရှိ ယာဉ်အမျိုးအစားအလိုက် လုပ်ငန်းလိုင်စင်ရယူထားသည့် ယာဉ်စီးရေစာရင်း၏ တိုင်းဒေသကြီး/ပြည်နယ်၊ခရိုင်၊မြို့နယ်ရုံးများ၏ အသေးစိတ်စာရင်းအား နောက်ဆက်တွဲ “ ခ ” ဖြင့်တင်ပြအပ်ပါသည် ။

    အထူးစစ်ဆေးဆောင်ရွက်ခြင်း

    ခရီးသည်၊ ကုန်စည်သယ်ယူပို့ဆောင်ရေးကို စီးပွားရေးလုပ်ငန်းအဖြစ်လုပ်ကိုင် နေသော စက်တပ်ယာဉ်များသည် ဥပဒေနှင့်အညီ လုပ်ငန်းလိုင်စင်ရယူခြင်း ရှိ/မရှိ လုပ်ငန်း လိုင်စင် ရယူပြီးသည့်ယာဉ်များသည်လည်း လိုင်စင်ပါစည်းကမ်းများကို လိုက်နာခြင်း ရှိ/မရှိ ကြီးကြပ်စစ်ဆေးရပါသည်။ထိုသို့ဆောင်ရွက်ခြင်းဖြင့် နိုင်ငံတော်အတွက် ရသင့်ရထိုက် သော အခွန်ငွေများရရှိမည်ဖြစ်ပါသည်။ ကုန်းလမ်းနှင့်ပြည်တွင်းရေကြောင်းသယ်ယူပို့ဆောင်ရေးအဖွဲ့ (ဗဟို)၏ ၂၀.၁၁.၂၀၀၈ရက်စွဲပါ စာအမှတ်၊၆၇/ကရဖ(ဗဟို)(၄)/၂၀၀၈အရ ပြစ်ဒဏ်အမျိုးအစား များအား အောက်ပါအတိုင်း သတ်မှတ်ထားရှိပါသည် -

    စဉ် ပြစ်မှုများ မော်တော်ယာဉ် ထရော်လာဂျီ/ သုံးဘီးဆိုင်ကယ်
    လုပ်ငန်းလိုင်စင်လုံးဝမရှိ ၃၀၀၀၀ ၅၀၀၀
    သက်တမ်းလွန် ၅၀၀၀ ၂၀၀၀
    စည်းကမ်းပျက်ယာဉ် ၅၀၀၀ ၂၀၀၀
    စစ်ဆေးစဉ် လုပ်ငန်းလိုင်စင် အထောက်အထားမပြည့်စုံခြင်း ၅၀၀၀ ၂၀၀၀

    မှတ်ချက်

    စည်းကမ်းပျက်ယာဉ်အဖြစ် သတ်မှတ်ချက်များ

    • လိုင်စင်ပါခရီးစဉ်အတိုင်း ပြေးဆွဲမှုမရှိခြင်း
    • တိုင်းဒေသကြီး/ ပြည်နယ် ကျော်ခွင့်ပြုချက်မရှိခြင်း
    • သတ်မှတ်ခရီးသည်/ ကုန်တန်ချိန်ထက်ပိုမိုတင်ဆောင်ခြင်း
    • ခွင့်ပြုထားသော လုပ်ငန်းအမျိုးအစားမဟုတ်ခြင်း
    • လုပ်ငန်းလိုင်စင်တွင်ဖော်ပြပါရှိသောအချက်အလက်များနှင့် မကိုက်ညီခြင်း
    ကွင်းဆင်းဆောင်ရွက်ခြင်း

    လုပ်ငန်းလိုင်စင် သက်တမ်းစေ့ရောက်/ကုန်ဆုံးသော်လည်း လိုင်စင်သက်တမ်း အသစ်လဲလှယ်ရန် လိုအပ်သော စက်တပ်ယာဉ်များအား သက်တမ်းလွန်/သက်တမ်းပြတ် လျော့နည်းစေရန် ရည်ရွယ်၍ ကုန်းလမ်းနှင့်ပြည်တွင်းရေကြောင်းသယ်ယူပို့ဆောင်ရေးအဖွဲ့ (ဗဟို)၏ ၁.၆.၁၉၉၃ ရက်စွဲပါ စာအမှတ်၊ ၄၇/ ကရဖ (ဗဟို) (၉)/ ၁၉၉၃ ညွှန်ကြားချက်အမှတ်၊ (၂/၉၃)ဖြင့် ကွင်းဆင်းဆောင်ရွက်ခြင်းလုပ်ငန်းကို အောက်ပါအတိုင်းဆောင်ရွက်၍ ကွင်းဆင်း ဆောင်ရွက်ခတစ်စီးလျှင် ၅၀၀ိ/- နှုန်းဖြင့် ကောက်ခံဆောင်ရွက်လျှက်ရှိပါသည်။

    • ကုန်းလမ်းပို့ဆောင်ရေးညွှန်ကြားမှုဦးစီးဌာနနှင့်ပူးပေါင်း၍ မော်တော်ယာဉ်၊ ထရော်လာဂျီ၊ သုံးဘီးဆိုင်ကယ်ယာဉ်များကို ကျေးရွာ၊ရပ်ကွက်များသို့ လုပ်ငန်း လိုင်စင်ကိစ္စရပ်များ ကွင်းဆင်းဆောင်ရွက်ပေးရခြင်း
    • သက်တမ်းလွန်/သက်တမ်းပြတ်ယာဉ်များ လုပ်ငန်းလိုင်စင်ဆောင်ရွက်နိုင်ရေး နှိုးဆော်အကြောင်းကြားခြင်း၊ အိမ်တိုင်ရာရောက်ကွင်းဆင်းဆောင်ရွက်ရခြင်း
    • ကွင်းဆင်းဆောင်ရွက်ရမည့်နည်းလမ်းများ။ အိမ်တိုင်ရာရောက် ကွင်းဆင်း စစ်ဆေး ဆောင်ရွက်ခြင်းမှာ သက်တမ်းလွန်/ သက်တမ်းပြတ်ယာဉ်များ လျော့နည်းပပျောက်စေရေးအတွက် အိမ်တိုင်ရာရောက် ကွင်းဆင်း ဆောင်ရွက်ရာ တွင် လိုက်နာဆောင်ရွက်ရမည့် အချက်များကို အောက်ဖော်ပြပါ အတိုင်း သတ်မှတ်ထားပါသည်-

    (၁)သက်ဆိုင်ရာ အာဏာပိုင်အဖွဲ့အစည်းများထံ ကွင်းဆင်းဆောင်ရွက်မည့် စီမံချက် အားပေးပို့၍ လိုအပ်သော အကူအညီတောင်းခံရန်

    (၂)မိမိရုံးစိုက်ရာမြို့နယ်တွင် သက်တမ်းလွန်/ သက်တမ်းပြတ် လုံးဝ ပပျောက် ရေးကို ဦးတည်ဆောင်ရွက်ရန်

    (၃)သက်တမ်းလွန်/သက်တမ်းပြတ်ယာဉ်စီးရေများပြားသောမြို့နယ်ဒေသအား ဦးစားပေးကွင်းဆင်းဆောင်ရွက်ရန်

    သက်တမ်းလွန်/ သက်တမ်းပြတ်ယာဉ်များဆောင်ရွက်ရာတွင် သက်တမ်း တိုးခြင်း နှင့် ဖျက်သိမ်းခြင်းတို့ကို အဓိကထားဆောင်ရွက်ရန်

    ဂိတ်ကြီးကြပ်ခကောက်ခံခြင်း

    ဂိတ်ကြီးကြပ်ခများကောက်ခံရာတွင် ရုံးချုပ်၏ (၁၅.၆.၂၀၁၂) ရက်စွဲပါ စာအမှတ်၊ ၁၃၄/ ကရဖ (ဗဟို) (၁၁)/ ၂၀၁၂ ဖြင့် ညွန်ကြားသည့် အောက်ပါအတိုင်း လိုက်နာဆောင်ရွက်လျှက် ရှိပါသည် -

    • ဂိတ်ကြီးကြပ်ခကို ၂၀၀ိ/- (ကျပ် နှစ်ရာတိတိ) သာကောက်ခံပါသည်။
    • ဂိတ်ကြီးကြပ်ခများကို အောက်ပါ မော်တော်ယာဉ်များသာ ကောက်ခံပါသည်-
    • ခရီးသည်တင်ယာဉ်ရပ်နားစခန်းများမှ ထွက်ခွာလျှက်ရှိသော ခရီးသည်တင် မော်တော်ယာဉ်များ

      ယာဉ်ရပ်နားစခန်းမှ ထွက်ခွာခြင်းမရှိသော်လည်း ယာဉ်ရပ်နားစခန်းပြင်ပ တွင် ဂိတ်ထိုးပြီး ထွက်ခွာလျှက်ရှိသော ခရိုင်အတွင်း၊ တိုင်းဒေသကြီး/ ပြည်နယ်အတွင်း တိုင်းဒေသကြီး/ ပြည်နယ်ကျော် ခရီးစဉ်များ ပြေးဆွဲ လျှက်ရှိသော ခရီးသည်တင် မော်တော်ယာဉ်များ (မြို့တွင်းပြေးဆွဲလျှက် ရှိသော ယာဉ်လိုင်းများအတွက် မိမိဒေသ အစီအစဉ်ဖြင့်သာ ဆောင်ရွက်ရန်-

      -ဒေသအသီးသီးသို့ ကုန်စည်ပို့ဆောင်လျှက်ရှိသော ကုန်တင်မော်တော်ယာဉ် များ (မိမိဒေသအစီအစဉ်ဖြင့်သာ ညှိနှိုင်းဆောင်ရွက်ရန်)

    • ဂိတ်ကြီးကြပ်ခများကောက်ခံရာတွင် အောက်ပါနေရာများတွင် ဆောင်ရွက်ပါသည်-

    • (၁)ခရီးသည်တင်ယာဉ်ရပ်နားစခန်းများ

      (၂)ကုန်တင်မော်တော်ယာဉ်ရပ်နားစခန်းများ

      (၃)ဒေသအာဏာပိုင်မှ ခွင့်ပြုသတ်မှတ်ပေးသည့် နေရာများ

      (၄)ဒေသအတွင်းမှ ယာဉ်နှင့်ပတ်သက်သည့် အဖွဲ့အစည်းများနှင့်ပူးပေါင်း ဆောင်ရွက် နိုင်သည့်နေရာများ

    • ဂိတ်ကြီးကြပ်ခအားပေးဆောင်ရန် သတင်းပို့သည့်အခါ မော်တော်ယာဉ်အား အောက်ပါ အချက်များ ကြီးကြပ်စစ်ဆေးဆောင်ရွက်လျှက်ရှိပါသည်-

    • (၁)လုပ်ငန်းလိုင်စင်ပါ ခရီးစဉ်အတိုင်းပြေးဆွဲခြင်း ရှိ/မရှိ

      (၂)တိုင်းဒေသကြီး/ ပြည်နယ်ကျော် ခွင့်ပြုချက်ရှိ/မရှိ

      (၃)သတ်မှတ်ခရီးသည်၊ ကုန်တန်ချိန်ထက် ပိုမိုတင်ဆောင်ခြင်းရှိ/မရှိ

      (၄)ခွင့်ပြုထားသောလုပ်ငန်းလိုင်စင်အမျိုးအစား ဟုတ်/မဟုတ်

      (၅)လိုင်စင်တွင် ဖော်ပြထားသည့်အချက်အလက်များနှင့် ကိုက်ညီခြင်း ရှိ/မရှိ

      (၆)လုပ်ငန်းလိုင်စင် သက်တမ်း

      (၇)လုပ်ငန်းလိုင်စင် အထောက်အထားပြည့်စုံခြင်း ရှိ/ မရှိ

      (၈)ယာဉ်မီးလောင်မှု ကြိုတင်ကာကွယ်မှုအတွက် မီးသတ်ဆေးဗူးတပ်ဆင် ထားခြင်း ရှိ/ မရှိ

    • ဂိတ်ကြီးကြပ်ခများစနစ်တကျ ကောက်ခံပေးသွင်းနိုင်ရေးအတွက် အောက်ပါ နည်းလမ်း များကျင့်သုံးဆောင်ရွက်လျှက်ရှိပါသည်-

    • (၁) ယာဉ်နှင့်ယာဉ်အသင်းများမှ စနစ်တကျ နေ့စဉ်မှန်ကန်စွာ ပေးသွင်းစေရေး အတွက် ပေါင်းစပ်ညှိနှိုင်း စည်းရုံးရေးနည်းလမ်းများဖြင့်သာ ဆောင်ရွက်ခြင်း

      (၂)နေ့စဉ် ယာဉ်စီးရေ ထွက်ခွာမှုအလိုက် ပြည့်ပြည့်ဝဝ ကောက်ခံရရှိရေး ဆောင်ရွက်ခြင်း

      (၃)စာရင်းဇယားများ စနစ်တကျ ထိန်းသိမ်းထားရှိရေး သက်ဆိုင်ရာရုံးမှ တာဝန်ရှိ အရာထမ်းမှ ကြပ်မတ်စစ်ဆေးဆောင်ရွက်ခြင်း

      (၄) ဂိတ်ကြီးကြပ်ခများအား သတ်မှတ်ထားသော ပုံစံများဖြင့် ပြုစုထိန်းသိမ်း ထားရှိပြီး ဘဏ်သို့ (နေ့စဉ်) စနစ်တကျ ပေးသွင်းခြင်း

      ဌာနမှ တာဝန်ယူဆောင်ရွက်လျှက်ရှိသည့် GMS – CBTA ဆိုင်ရာကိစ္စများ

      မဟာမဲခေါင်ဒေသခွဲအတွင်း လူနှင့် ကုန်စည်များ နယ်စပ်ဖြတ်ကျော် ပို့ဆောင်မှုလွယ်ကူ ချောမွေ့စေရေး မူဘောင် သဘောတူစာချုပ်( Framework Agreement on the Facilitation of Cross Border Transport of Goods and People in the GMS - CBTA )၏ နောက်ဆက်တွဲနှင့် အခြေပြစာချုပ်ငယ်များ(၂၀)ခုအနက် ကုန်းလမ်းပို့ဆောင်ရေးညွှန်ကြားမှု ဦးစီးဌာန၊ လုပ်ငန်းလိုင်စင်နှင့်သယ်ယူပို့ဆောင်ရေး ကြီးကြပ်ညှိနှိုင်းမှုဌာနမှ တာဝန်ယူဆောင်ရွက် သည့် “နောက်ဆက်တွဲစာချုပ်ငယ်(၉) - နယ်စပ် ဖြတ်ကျော်သယ်ယူပို့ဆောင်ရေး လုပ်ငန်း ဆောင်ရွက်သူများအတွက် လိုင်စင်ထုတ်ပေးရန် စံနှုန်းသတ်မှတ်ချက်များ(Annex 9:Criteria for Licensing of Transport Operators for Cross-Border Transport Operations)”နှင့် “နောက်ဆက်တွဲ စာချုပ်ငယ်(၁၀)ပို့ဆောင်ရေးဆိုင်ရာသတ်မှတ်ချက်များ(Annex 10: Conditions of Transport)”ကို(၃၁.၁.၂၀၁၂)ရက်နေ့တွင်စာချုပ်ဝင် နိုင်ငံများမှ လက်ခံ အတည်ပြု ခဲ့ပြီးဖြစ်ပါသည်။

      Internatoinal Operator License ထုတ်ပေးခြင်းဆိုင်ရာကိစ္စရပ်များ

      စိစစ်ရမည့်အရည်အချင်းသတ်မှတ်ချက်များထုတ်ပြန်ခြင်း

      ဦးစီးဌာန(ရုံးချုပ်)၊ တိုင်းဒေသကြီး/ ပြည်နယ်၊ ခရိုင်နှင့် မြို့နယ် ကုန်းလမ်းပို့ဆောင်ရေး ညွှန်ကြားမှုဦးစီးဌာန (လုပ်ငန်းလိုင်စင်နှင့် သယ်ယူပို့ဆောင်ရေးကြီးကြပ်ညှိနှိုင်းမှုဌာန) ရုံးများသည် လိုင်စင်ရယူ လျှောက်ထားသူများအား International Operator License ထုတ်ပေးခြင်း နှင့်စပ်လျဉ်း၍ လည်းကောင်း၊ နယ်စပ်ဖြတ်ကျော်လူနှင့်ကုန်စည်များသယ်ယူပို့ဆောင်ရေး လုပ်ငန်းများနှင့်စပ်လျဉ်း၍ လည်းကောင်း ဆောင်ရွက်ရန်စိစစ်ရာတွင် GMS-CBTA၊ Annex9 - နယ်စပ်ဖြတ်ကျော် သယ်ယူပို့ဆောင်ရေး လုပ်ငန်းဆောင်ရွက်သူများအတွက် စံနှုန်းသတ်မှတ်ချက်များအရ အောက် ဖော်ပြပါ အရည်အချင်းသတ်မှတ်ချက်များနှင့် ကိုက်ညီမှု ရှိ/မရှိ စိစစ် ဆောင်ရွက်သွားရန် ဤဦးစီးဌာန(ရုံးချုပ်)၏ (၂၇.၁၀.၂၀၁၅)ရက်စွဲပါ စာအမှတ်၊ ကလ(နပတ)၈၆၀/၂၀၁၅/၃၆၇၊ ရုံးအမိန့်အမှတ်၊ ၃၇/၂၀၁၅ ဖြင့် သတ်မှတ်ထုတ်ပြန်ခဲ့ပါသည်-

      • အခြေခံအရည်အချင်းသတ်မှတ်ချက်
      • နိုင်ငံသားများ၏ ခိုင်မာသောပိုင်ဆိုင်မှု
      • လုံခြုံစိတ်ချရမှု
      • လုပ်ငန်းကျွမ်းကျင်မှုဆိုင်ရာအရည်အချင်းပြည့်ဝမှု
      • ဘဏ္ဍာရေးခိုင်မာမှု
      လိုင်စင်ထုတ်ပေးခြင်းဆိုင်ရာလုပ်ငန်းစဉ်အဆင့်ဆင့်အားသတ်မှတ်ခြင်း

      ရထား ပို့ဆောင်ရေး ဝန်ကြီးဌာန၊ ကုန်းလမ်းပို့ဆောင်ရေးညွှန်ကြားမှုဦးစီးဌာနသည် နိုင်ငံအချင်းချင်း နှင့် နိုင်ငံဖြတ်သန်း လူနှင့်ကုန်စည်များ သယ်ယူပို့ဆောင်ရေးလုပ်ငန်းများ ဆောင်ရွက်မည် ဖြစ်ရာ စာချုပ်ဝင်နိုင်ငံများနှင့်သဘောတူညီချက်အတိုင်းဖြစ်စေရေး၊ တိုင်းဒေသကြီး/ ပြည်နယ်/ ခရိုင်/ မြို့နယ်ရုံးများအားလုံး Operator License ထုတ်ပေးခြင်းနှင့်ပတ်သက်၍ အကျွမ်းတဝင် ဖြစ်စေရေး၊ လုပ်ငန်းဆောင်ရွက်မှု တပြေးညီဖြစ်စေရေးတို့အတွက် အောက်ဖော်ပြပါလုပ်ငန်းစဉ် အဆင့်ဆင့်ကို ဤဦးစီးဌာန(ရုံးချုပ်)၏ (၂၉.၁၀.၂၀၁၅)ရက်စွဲပါ စာအမှတ်၊ ကလ(နပတ)၈၆၀/ ၂၀၁၅/၃၇၁၊ ရုံးအမိန့်အမှတ်၊ ၃၈/၂၀၁၅ဖြင့် သတ်မှတ်ထုတ်ပြန်ခဲ့ပါသည်-

      • လျှောက်ထားခြင်း
      • လျှောက်လွှာများစိစစ်ခြင်း
      • ရွေးချယ်ခြင်း
      • ယာဉ်စစ်ဆေးခြင်း
      • Chip ပါသော ယာဉ်မောင်းလိုင်စင်နှင့် ယာဉ်အကူလက်မှတ်များထုတ်ပေးခြင်း
      • လိုင်စင်ထုတ်ပေးခြင်း
      • လိုင်စင်ပါအချက်များပြင်ဆင်ခြင်း
      • Road Transport Permit ရယူနိုင်ရေးကိစ္စ
      International Operator License ထုတ်ပေးရာတွင် ကောက်ခံရမည့်နှုန်းထားများ

      လိုင်စင်ထုတ်ပေးရေးလုပ်ငန်းဆောင်ရွက်ရာတွင်နှစ်စဉ်ကြေး၊မှတ်ပုံတင်ကြေးနှင့်အခြားကောက်ခံ ရမည့်နှုန်းထားများအား ဝန်ကြီးဌာန၏ ခွင့်ပြုချက်အရ အောက်ပါအတိုင်း ကောက်ခံရန် ဤဦးစီးဌာန(ရုံးချုပ်) ၏ (၁၁.၃.၂၀၁၆)ရက်စွဲပါ စာအမှတ်၊ ကလ(နပတ)၈၆၀/၂၀၁၆/၁၀၆၊ ရုံးအမိန့်အမှတ်၊ ၇/၂၀၁၆ဖြင့်သတ်မှတ်ထုတ်ပြန်ခဲ့ပါသည်-

      နှစ်စဉ်ကြေး
      စဉ် ယာဉ်စီးရေ (၁)နှစ်အတွက်ကောက်ခံမည့်နှုန်းထား(ကျပ်)
      (၁) (၁၀)စီးအထိ ၁၀၀၀၀၀
      (၂) (၁၁)စီးမှ (၂၀)စီးအထိ ၂၀၀၀၀၀
      (၃) (၂၁)စီးနှင့်အထက် ၃၀၀၀၀၀
      အခြားကောက်ခံမည့်နှုန်းထားများ
      စဉ် အကြောင်းအရာ ခွင့်ပြုနှုန်းထား(ကျပ်)
      (၁) မှတ်ပုံတင်ကြေး ၁၀၀၀
      (၂) ပုံစံနှင့်စာရွက်စာတမ်းကြေး ၂၀၀
      (၃) အပိုင်း(၁) ၂၀၀၀
      (၄) အပိုင်း(၂) (တစ်စီးလျှင်) ၁၀၀၀
      (၅) လုပ်ငန်းဆောင်ရွက်မှုယာဉ်အမှတ်ပါ စာရွက်စာတမ်း(စတေကာ)(တစ်စီးလျှင်) ၂၀၀၀
      (၆) နိုင်ငံခွဲခြားအမှတ်အသား ဖော်ပြထားသည့်စတေကာ(တစ်စီးလျှင်) ၁၅၀၀
      (၇) လိုင်စင်ပါအချက်အလက်များ ပြင်ဆင်ခြင်း၊ ပြောင်းလဲခြင်း (တစ်မျိုးလျှင်) ၅၀၀၀၀
      International Operator License ထုတ်ပေးဆောင်ရွက်နိုင်မှုအခြေအနေ

      Inter- national Operator License လျှောက်ထားသူ လုပ်ငန်းရှင်(၅၅)ဦးရှိသည့်အနက် စိစစ်ချက် အရ ပြည့်စုံသူ လုပ်ငန်းရှင်(၃၄)ဦးရှိပြီး (၃၁.၃.၂၀၁၇)ရက်နေ့ထိ အောက်ဖော်ပြပါ လုပ်ငန်းရှင် (၈)ဦးအား လိုင်စင်ထုတ်ပေးခဲ့ပြီးဖြစ်ပါသည်-

      စဉ် လုပ်ငန်းရှင်အမည် ကုမ္ပဏီ/အသင်းအဖွဲ့ လုပ်ငန်းအမျိုးအစား
      (က) ဦးကျော်ဟိန်း ဟိန်းကမ္ဘာရောင်းဝယ်ရေးကုမ္ပဏီ ကုန်စည်
      (ခ) ဦးချစ်ဝိုင်း ရွှေမြန်မာအသင်း ခရီးသည်(ခရီးစဉ်ရှိ)
      (ဂ) ဦးထွန်းမင်းအောင် Hercules Logistics Co.,Ltd ကုန်စည်
      (ဃ) ဦးမြင့်လွင် Free Trade Integrated Logistics Co.,Ltd ကုန်စည်
      (င) ဦးမောင်ကျေး Resources Group Logistics Co.,Ltd ကုန်စည်
      (စ) ဦးကိုကိုအောင် အောင်တံခွန်တက္ကစီယာဉ်အသင်း ခရီးသည်(ခရီးစဉ်ရှိ)
      (ဆ) ဦးမြင့်ကြည် Yangon MK Group Transportation Co.,Ltd ကုန်စည်
      (ဇ) ဦးဝင်းထွန်း အောင်ကမ္ဘာမော်တော်ယာဉ်အသင်း ခရီးသည်(ခရီးစဉ်ရှိ)
      ယာဉ်လိုင်းများပြေးဆွဲခွင့်ပြုရာတွင် သတ်မှတ်ပြဌာန်းထားသည့် လုပ်ထုံးလုပ်နည်းများ

      ပြည်နယ်/တိုင်းဒေသကြီး၊ ခရိုင်၊ မြို့နယ်ရုံးများတွင် ခရီးသွားပြည်သူများ သွားလာမှု လွယ်ကူအဆင်ပြေ ချောမွေ့စေရေးအတွက် ယာဉ်အသင်းအဖွဲ့များမှ ခရီးသည်ပို့ဆောင်ရေး ယာဉ် လိုင်းများပြေးဆွဲခွင့်ပြုရန် လျှောက်ထားခြင်းအပေါ် တပြေးညီဖြစ်စေရေးအတွက်ယာဉ်လိုင်းများ ပြေးဆွဲခွင့်ပြုရာတွင် လုပ်ငန်းများအဆင်ပြေစွာ ဆောင်ရွက်နိုင်ရေးအတွက် ယခင်ပို့ဆောင်ရေး စီမံကိန်းဦးစီးဌာန၏ (၃၀.၄.၂၀၁၀)ရက်နေ့စွဲပါ စာအမှတ် ၇၄/ကရဖ(ဗဟို)(၂၂)/၂၀၁၀ ဖြင့် အောက်ဖော်ပြပါ လုပ်ထုံးလုပ်နည်းများအား ညွှန်ကြားချက်ထုတ်ပြန်ခဲ့ပါသည်-

      • ခရီးသည်ပို့ဆောင်ရေးယာဉ်လိုင်းအသစ်ပြေးဆွဲခွင့် လျှောက်ထားခြင်း
      • ခရီးသည်ပို့ဆောင်ရေးယာဉ်လိုင်း ခရီးစဥ်တိုးချဲ့လျှောက်ထားခြင်း
      • ခရီးသည်ပို့ဆောင်ရေးယာဉ်လိုင်း၊ယာဉ်အမျိုးအစားပြောင်းလဲလျှောက်ထားခြင်း
      ပြည်နယ်/ တိုင်းအတွင်းခရီးစဉ် ယာဉ်လိုင်းအသစ်ပြေးဆွဲခွင့်လျှောက်ထားခြင်း

      ခရီးသည်သယ်ယူပို့ဆောင်ရေးလုပ်ငန်း ဆောင်ရွက်ရန် လျှောက်ထားလာသည့် ယာဉ်အသင်း အဖွဲ့များသည် အောက်ပါစာရွက်စာတမ်းများနှင့်အတူ တင်ပြလျှောက်ထားရမည်-

      (က) ခရီးသည်ပို့ဆောင်ရေးလုပ်ငန်း လုပ်ကိုင်ဆောင်ရွက်ခွင့်ပြုရန် လျှောက်ထားချက်

      (ခ)ယာဉ်အသင်း/အဖွဲ့၏သယ်ယူပို့ဆောင်ရေးလုပ်ငန်းဆောင်ရွက်မည့်လုပ်ငန်းစီမံချက်

      • ယာဉ်အသင်း/ အဖွဲ့အမည်
      • အသင်းအုပ်ချုပ်မှုအဖွဲ့/ ဖွဲ့စည်းပုံ
      • ပြေးဆွဲမည့်ခရီးစဉ်ဒေသ
      • ပြေးဆွဲမည့်ယာဉ်အမျိုးအစားနှင့် အရေအတွက်
      • နေ့စဉ်ပြေးဆွဲမည့်ယာဉ်စီးရေ (ယာဉ်ထွက်ခွါချိန် အချိန်ဇယားဖော်ပြရန်)
      • ပြေးဆွဲမည့်ယာဉ်များ၏ ယာဉ်အမှတ်/ယာဉ်အမျိုးအမည်/ ယာဉ်အမျိုးအစား
      • မော်တော်ယာဉ်များအတွက် သက်ဆိုင်ရာအဝေးပြေး ယာဉ်ရပ်နားစခန်းတွင် ဂိတ်ခန်းဖွင့်လှစ်ဆောင်ရွက်မှု အခြေအနေ
      • ရေယာဉ်များအတွက် ခရီးစဉ်အတွင်းရှိ ဆိပ်ကမ်းများတွင် ဆိုက်ကပ်မည့် အစီအစဉ်
      • တောင်းခံမည့်ယာဉ်စီးခနှုန်းထားများ၊ အခမဲ့ခွင့်ပြုမည့်ပစ္စည်း တင်ဆောင်မှု တန်ဆာခများ
      • စက်သုံးဆီအစီအစဉ်
      လျှောက်ထားသူ၏ မှတ်ပုံတင်နှင့် သန်းခေါင်စာရင်း ( မူရင်း/ မိတ္တူ)

      ပြည်နယ်/ တိုင်း ကုန်းလမ်းနှင့်ပြည်တွင်းရေကြောင်း သယ်ယူပို့ဆောင်ရေး အဖွဲ့နှင့် ပြည်နယ်/ တိုင်း၊ ခရိုင်၊ မြို့နယ် ပို့ဆောင်ရေးစီမံကိန်းဦးစီးဌာနများသည် ပြည်နယ်/ တိုင်းတွင်း ခရီးစဉ်များအတွက် ယာဉ်လိုင်းပြေးဆွဲခွင့်ပြုရန် လျှောက်ထားလာခြင်းများအပေါ် အောက်ပါ အတိုင်း ဆောင်ရွက်ရမည်ဖြစ်ပါသည်-

      • ပြည်နယ်/ တိုင်းတွင်းရှိ ခရိုင်/မြို့နယ်များမှ ခရီးသည်ပို့ဆောင်ရေး ယာဉ်လိုင်းများ လျှောက်ထားခြင်းကို သက်ဆိုင်ရာ ခရိုင်/ မြို့နယ် ပို့ဆောင်ရေးစီမံကိန်းဦးစီး ဌာနသို့ စာရွက်စာတမ်း များနှင့်အတူ လျှောက်ထား ဆောင်ရွက်ရန်။
      • ခရိုင်/ မြို့နယ် ပို့ဆောင်ရေးစီမံကိန်းဦးစီးဌာနများသည် ယာဉ်လိုင်းပြေးဆွဲခွင့် လျှောက်ထားလာခြင်းများကို ဒေသအာဏာပိုင်သို့ တင်ပြခွင့်ပြုချက်ရယူပြီး ဥပဒေလုပ်ထုံးလုပ်နည်းများနှင့်အညီမိမိပြည်နယ်/တိုင်းကုန်းလမ်းနှင့်ပြည်တွင်း ရေကြောင်းသယ်ယူပို့ဆောင်ရေးအဖွဲ့သို့ တင်ပြဆောင်ရွက်ရန်။
      • မိမိပြည်နယ်/ တိုင်း ကုန်းလမ်းနှင့် ပြည်တွင်းရေကြောင်း သယ်ယူပို့ဆောင်ရေး အဖွဲ့၏ ယာဉ်လိုင်းပြေးဆွဲခွင့်ပြုချက် ရရှိမှသာလျှင် ခရိုင်/မြို့နယ်ရုံးများသည် ယာဉ်လိုင်းပြေးဆွဲခွင့်ပြုခြင်းကိုဥပဒေလုပ်ထုံးလုပ်နည်းများနှင့်အညီဆက်လက် ဆောင်ရွက်ရန်။
      • ပို့ဆောင်ရေးစီမံကိန်းဦးစီးဌာန၊ ပြည်နယ်/ တိုင်းရုံးများ၏ တိုက်ရိုက်အုပ်ချုပ် ဆောင်ရွက်လျှက်ရှိသောနယ်မြေဒေသရှိခရိုင်/မြို့နယ်များမှ ခရီးသည် ပို့ဆောင်ရေး ယာဉ်လိုင်းလျှောက်ထားလာခြင်းများကို ပြည်နယ်/တိုင်း ကုန်းလမ်းနှင့် ပြည်တွင်း ရေကြောင်း သယ်ယူပို့ဆောင်ရေးအဖွဲ့သို့ တင်ပြ လျှောက်ထားရန်။
      • ပြည်နယ်/ တိုင်း ကုန်းလမ်းနှင့် ပြည်တွင်းရေကြောင်းသယ်ယူပို့ဆောင်ရေး အဖွဲ့ အနေဖြင့် ပြည်နယ်/ တိုင်းတွင်းခရီးစဉ်များအတွက် သဘောထား မှတ်ချက် တောင်းခံရာတွင် မိမိလက်အောက်ရှိ ခရိုင်/ မြို့နယ်ပို့ဆောင်ရေး စီမံကိန်းဦးစီး ဌာနများသို့သာ လိပ်မူပေးပို့တောင်းခံရန်။
      • ခရိုင်/ မြို့နယ် ပို့ဆောင်ရေးစီမံကိန်းဦးစီးဌာနများသည် မိမိပြည်နယ်/ တိုင်း ကုန်းလမ်း နှင့် ပြည်တွင်းရေကြောင်းသယ်ယူပို့ဆောင်ရေးအဖွဲ့မှ တောင်းခံလာသည့် သဘောထား မှတ်ချက်ကို ဒေသအာဏာပိုင်သို့ တင်ပြဆောင်ရွက်ရန်။
      • သက်ဆိုင်ရာဒေသအာဏာပိုင်၏ သဘောထားမှတ်ချက် ရရှိပြီးမှသာ မိမိ ပြည်နယ်/တိုင်း ကုန်းလမ်းနှင့်ပြည်တွင်းရေကြောင်း သယ်ယူပို့ဆောင်ရေးအဖွဲ့သို့ သဘောထား ပြန်ကြားဆောင်ရွက်ရန်။

      ပြည်နယ်/တိုင်းကုန်းလမ်းနှင့်ပြည်တွင်းရေကြောင်းသယ်ယူပို့ဆောင်ရေးအဖွဲ့ အတွင်းရေးမှူးသည် လျှောက်ထားတင်ပြလာသည့် စာရွက်စာတမ်းများ ဆောင်ရွက်မည့်လုပ်ငန်း သဘောထား ထောက်ခံချက်များကို ဥပဒေ၊ စည်းကမ်းများနှင့်အညီ စိစစ်ပြီး ပြည့်စုံပါက ယာဉ်အသင်း၏ လုပ်ငန်းစီမံချက်နှင့်အတူ ဥက္ကဌ ပြည်နယ်/တိုင်း ကုန်းလမ်းနှင့်ပြည်တွင်းရေကြောင်းသယ်ယူ ပို့ဆောင်ရေးအဖွဲ့ထံ တင်ပြ၍ ခွင့်ပြုချက်ရယူဆောင်ရွက်ရပါမည်။

      ပြည်နယ်/ တိုင်း ကုန်းလမ်းနှင့် ပြည်တွင်းရေကြောင်း သယ်ယူပို့ဆောင်ရေး အဖွဲ့၏ ခွင့်ပြုချက်ရရှိပါက ယာဉ်လိုင်းပြေးဆွဲရန် လျှောက်ထားခြင်းအား တင်ပြသည့် ခရိုင်/ မြို့နယ် ပို့ဆောင်ရေးစီမံကိန်း ဦးစီးဌာနများသို့ ခွင့်ပြုကြောင်း အကြောင်းပြန်ကြားရမည်။

      ပြည်နယ်/ တိုင်း ကုန်းလမ်းနှင့် ပြည်တွင်းရေကြောင်း သယ်ယူပို့ဆောင်ရေး အဖွဲ့များ၏ အတွင်းရေးမှူးနှင့် ခရိုင်/ မြို့နယ် ပို့ဆောင်ရေးစီမံကိန်းဦးစီးဌာနများသည် ယာဉ်လိုင်း ပြေးဆွဲခွင့်ပြုရန် အသစ်လျှောက်ထားခြင်းများအပေါ် သက်ဆိုင်ရာ ဥက္ကဌ ပြည်နယ်/ တိုင်း ကုန်းလမ်းနှင့်ပြည်တွင်း ရေကြောင်းသယ်ယူပို့ဆောင်ရေးအဖွဲ့မှ လုပ်ငန်းလုပ်ကိုင် ဆောင်ရွက် ခွင့်ပြုချက်ရရှိပါက သက်ဆိုင်ရာ ဌာန/ အဖွဲ့အစည်းနှင့် ယာဉ်အသင်းအဖွဲ့များသို့ အောက်ပါ အတိုင်း အကြောင်းကြားဆောင်ရွက်ရမည်-

      • ပြည်နယ်/ တိုင်း ကုန်းလမ်းနှင့် ပြည်တွင်းရေကြောင်း သယ်ယူပို့ဆောင်ရေးအဖွဲ့ အတွင်းရေးမှူးသည် မိမိလက်အောက်ခံ ခရိုင်/ မြို့နယ် ယာဉ်အသင်းများမှ ယာဉ်လိုင်း လျှောက်ထားခြင်းနှင့် ပတ်သက်၍ လက်အောက်ခံ ခရိုင်/ မြို့နယ် ပို့ဆောင်ရေးစီမံကိန်းဦးစီးဌာနများသို့သာ ခွင့်ပြုကြောင်း အကြောင်းကြား ဆောင်ရွက်ရမည်။
      • ခရိုင်/မြို့နယ် ပို့ဆောင်ရေးစီမံကိန်းဦးစီးဌာနများသည် ပြည်နယ်/တိုင်း ကုန်းလမ်း နှင့်ပြည်တွင်းရေကြောင်း သယ်ယူပို့ဆောင်ရေးအဖွဲ့၏ ခွင့်ပြုသည့် အကြောင်း ကြားစာ ရရှိပြီးမှသာ ယာဉ်အသင်းများသို့ လုပ်ငန်းလုပ်ကိုင်ဆောင်ရွက် ခွင့်ပြု သည့် ခွင့်ပြုမိန့်ကို ထုတ်ပေးရမည်။
      • ပြည်နယ်/ တိုင်း ပို့ဆောင်ရေးစီမံကိန်းဦးစီးဌာနရုံးများအနေဖြင့် မိမိတိုက်ရိုက် တာဝန်ယူအုပ်ချုပ်ဆောင်ရွက်ရသော ခရိုင်/မြို့နယ်များမှ ယာဉ်လိုင်းလျှောက်ထား လာခြင်းနှင့် ပတ်သက်၍ ခွင့်ပြုမိန့်ထုတ်ပေးရာတွင် ယာဉ်အသင်းများသို့ တိုက်ရိုက် လိပ်မူ၍ ပေးပို့ရမည်။
      • ယာဉ်အသင်းအဖွဲ့၏ လုပ်ငန်းစီမံချက်ပါအတိုင်း သယ်ယူပို့ဆောင်ရေးလုပ်ငန်း လုပ်ကိုင်ဆောင်ရွက်သည့် ယာဉ်များကို ဥပဒေ၊ နည်းဥပဒေ၊ စည်းကမ်းများနှင့် အညီ လုပ်ငန်း လိုင်စင်များ လျှောက်ထားရယူပြီးမှ ပြေးဆွဲခွင့်ပြုမည်ဖြစ်ကြောင်း ယာဉ်အသင်းအဖွဲ့သို့ အကြောင်းကြားရမည်။
      • ပြေးဆွဲမည့်ယာဉ်များ၏ လုပ်ငန်းလိုင်စင်ကိစ္စရပ်များကို ဆောင်ရွက်ပေးရာတွင် ဥပဒေ၊နည်းဥပဒေ၊စည်းကမ်း၊ လုပ်ထုံးလုပ်နည်းများနှင့်အညီစိစစ်ပြီး ဆောင်ရွက် ပေးရမည်။
      • ပြေးဆွဲမည့်ခရီးစဉ်အတွက် ခရီးစဉ်အစရှိ နယ်မြေဒေသနှင့် ခရီးစဉ်အဆုံးရှိ နယ်မြေ ဒေသများမှ ယာဉ်များကိုသာ လုပ်ထုံးလုပ်နည်းနှင့်အညီ လုပ်ငန်းလိုင်စင် ထုတ်ပေးရမည်။
      • ခရီးစဉ်အတွင်း ပြေးဆွဲမည့်ယာဉ်များသည် အခြားအသင်းအဖွဲ့ ယာဉ်လိုင်းမှ ဖြစ်ပါက နှုတ်ထွက်ခွင့်ရရှိပြီးကြောင်း သက်ဆိုင်ရာအသင်းအဖွဲ့ ထောက်ခံချက်နှင့် လက်ရှိ ပြေးဆွဲမည့်အသင်းအဖွဲ့၏ အသင်းဝင်ဖြစ်ကြောင်း ထောက်ခံချက်များကို ပူးတွဲတင်ပြ မှသာလျှင် ပြေးဆွဲမည့် ခရီးစဉ်အတွက် လုပ်ထုံးလုပ်နည်းနှင့်အညီ လုပ်ငန်းလိုင်စင် ကိစ္စ ဆောင်ရွက်ပေးရမည်။
      ပြည်နယ်/ တိုင်းကျော်ခရီးစဉ်ယာဉ်လိုင်းအသစ်ပြေးဆွဲခွင့်ပြုခြင်း

      ပြည်နယ်/တိုင်း ကုန်းလမ်းနှင့်ပြည်တွင်းရေကြောင်း သယ်ယူပို့ဆောင်ရေးအဖွဲ့အနေဖြင့် ပြည်နယ်/ တိုင်းကျော်ခရီးစဉ်များအတွက် စာရွက်စာတမ်း များနှင့် ယာဉ်လိုင်းသစ် ပြေးဆွဲခွင့် လျှောက်ထားလာခြင်းများကို လုပ်ထုံးလုပ်နည်းများနှင့်အညီ ဥက္ကဌ၊ ပြည်နယ်/တိုင်း ကုန်းလမ်းနှင့် ပြည်တွင်း ရေကြောင်းသယ်ယူပို့ဆောင်ရေးအဖွဲ့သို့တင်ပြ၍ခွင့်ပြုချက်ရယူပြီးအောက်ပါအတိုင်း ဆောင်ရွက် ရပါသည် -

      • ပြည်နယ်/ တိုင်းကျော်ခရီးစဉ် လျှောက်ထားခြင်းများအတွက် သက်ဆိုင်ရာ ပြည်နယ်/ တိုင်း ကုန်းလမ်းနှင့် ပြည်တွင်းရေကြောင်း သယ်ယူပို့ဆောင်ရေးအဖွဲ့သို့ သဘောထားတောင်းခံရပါမည်။(သဘောထားတောင်းခံစာနှင့်အတူယာဉ်အသင်း၏ လုပ်ငန်းစီမံ ချက်ပူးတွဲပေးပို့ရမည်။)
      • အခြား ပြည်နယ်/ တိုင်းများသို့ သဘောထား တောင်းခံရာတွင် ခရီးဆုံးဒေသရှိ ခရိုင်/ မြို့နယ်၊ ဒေသအာဏာပိုင်နှင့် ပို့ဆောင်ရေးစီမံကိန်း ဦးစီးဌာနများသို့ တိုက်ရိုက် သဘောထားတောင်းခံခြင်းမပြုရ။ သက်ဆိုင်ရာပြည်နယ်/ တိုင်း ကုန်းလမ်းနှင့်ပြည်တွင်း ရေကြောင်းသယ်ယူပို့ဆောင်ရေး အဖွဲ့သို့သာ ဆက်သွယ် တောင်းခံရမည်။
      • အခြား ပြည်နယ်/ တိုင်း ကုန်းလမ်းနှင့် ပြည်တွင်းရေကြောင်း သယ်ယူ ပို့ဆောင်ရေး အဖွဲ့၏ ကန့်ကွက်ရန်မရှိကြောင်း သဘောထားပြန်ကြားစာရရှိပါက မိမိပြည်နယ်/ တိုင်း ကရဖ အဖွဲ့သို့ တင်ပြဆောင်ရွက်ရမည်။
      • မိမိပြည်နယ်/တိုင်း ကရဖ၏ ခွင်ပြုချက်ရရှိပါက လုပ်ထုံးလုပ်နည်းများနှင့်အညီ ယာဉ်လိုင်းများသို့ ထပ်ဆင့်အကြောင်းကြား ဆောင်ရွက်ရမည်။
      မြို့တွင်း/ မြို့နယ်အတွင်း ယာဉ်လိုင်းအသစ်ပြေးဆွဲခွင့်လျှောက်ထားခြင်း

      မြို့တွင်း/မြို့နယ်အတွင်း ခရီးသည် သယ်ယူပို့ဆောင်ရေးလုပ်ငန်း ဆောင်ရွက်လိုသည့် မော်တော်ယာဉ်အသင်း/ အဖွဲ့များသည် အောက်ပါ စာရွက်စာတမ်းများနှင့်အတူ သက်ဆိုင်ရာ ပြည်နယ်/ တိုင်း၊ ခရိုင်၊မြို့နယ် ပို့ဆောင်ရေးစီမံကိန်းဦးစီးဌာနများသို့ တင်ပြလျှောက်ထားရမည်-

      (က) သယ်ယူပို့ဆောင်ရေးလုပ်ငန်း ဆောင်ရွက်ခွင့်လျှောက်ထားချက်

      (ခ) သယ်ယူပို့ဆောင်ရေးလုပ်ငန်း ဆောင်ရွက်မည့်လုပ်ငန်းစီမံချက်

      • ယာဉ်အသင်း/ အဖွဲ့အမည်
      • အသင်း၏ အုပ်ချုပ်မှုအဖွဲ့၊ ဖွဲ့စည်းပုံ
      • ပြေးဆွဲမည့်ခရီးစဉ်နှင့် လမ်းကြောင်းပြမြေပုံ
      • ပြေးဆွဲမည့် ယာဉ်အမျိုးအစားနှင့် အရေအတွက်
      • နေ့စဉ်ပြေးဆွဲစီးရေနှင့် ယာဉ်ထွက်ခွာပြေးဆွဲမည့်အချိန်ဇယား
      • တောင်းခံမည့် ယာဉ်စီးခနှုန်းထား
      • ကြီးကြပ်ထိန်းသိမ်းဆောင်ရွက်မည့် စည်းကမ်းချက်များ

      မြို့တွင်း/ မြို့နယ်အတွင်း ခရီးသည်ပို့ဆောင်ရေးလုပ်ငန်း လျှောက်ထားလာခြင်းနှင့်ပတ်သက်၍ ခရိုင်/ မြို့နယ် ပို့ဆောင်ရေးစီမံကိန်းဦးစီးဌာနရုံးများသည် ဥပဒေ၊ နည်းဥပဒေ၊ စည်းကမ်းများ၊ လုပ်ထုံးလုပ်နည်းနှင့်အညီစိစစ်ပြီး အောက်ပါအတိုင်းဆောင်ရွက် ရမည် ဖြစ်ပါသည်-

      • ဒေသအာဏာပိုင်သို့ယာဉ်လိုင်းပြေးဆွဲခြင်းနှင့် ပတ်သက်၍ သဘောထားတောင်းခံ ဆောင်ရွက်ရမည်။
      • ဒေသအာဏာပိုင်၏ သဘောတူခွင့်ပြုချက် ရရှိလာပါက ပြည်နယ်/ တိုင်း ကုန်းလမ်း နှင့်ပြည်တွင်းရေကြောင်း သယ်ယူပို့ဆောင်ရေးအဖွဲ့ထံ တင်ပြ၍ ခွင့်ပြုချက်ရယူ ရပါမည်။
      • မိမိပြည်နယ်/ တိုင်း ကုန်းလမ်းနှင့် ပြည်တွင်းရေကြောင်း သယ်ယူပို့ဆောင်ရေး အဖွဲ့၏ ခွင့်ပြုချက်ရရှိပါက လုပ်ထုံးလုပ်နည်းများနှင့်အညီ သက်ဆိုင်ရာ ယာဉ်အသင်းအဖွဲ့များသို့ ဆက်သွယ် ဆောင်ရွက်ရမည်။
      အခြားပြည်နယ်/ တိုင်းများသို့ သဘောထားပြန်ကြားခြင်း

      အခြားပြည်နယ်/ တိုင်း ကုန်းလမ်းနှင့်ပြည်တွင်းရေကြောင်းသယ်ယူပို့ဆောင်ရေး အဖွဲ့များမှ သဘောထား တောင်းခံလာခြင်းနှင့် ပတ်သက်၍ သဘောထားပြန်ကြားရာတွင် ပြည်နယ်/ တိုင်း၊ ခရိုင်၊ မြို့နယ် ပို့ဆောင်ရေးစီမံကိန်းဦးစီးဌာနရုံးများသည် အောက်ပါအတိုင်း ဆောင်ရွက်ရမည် ဖြစ်ပါသည်-

      • အခြားပြည်နယ်/ တိုင်း ကုန်းလမ်းနှင့် ပြည်တွင်းရေကြောင်း သယ်ယူပို့ဆောင်ရေး အဖွဲ့မှ ကန့်ကွက်ရန်ရှိ/ မရှိ သဘောထားတောင်းခံစာ (လုပ်ငန်းစီမံချက်ပူးတွဲ)
      • မိမိပြည်နယ်/ တိုင်း ကုန်းလမ်းနှင့်ပြည်တွင်းရေကြောင်း သယ်ယူပို့ဆောင်ရေး အဖွဲ့သို့ သဘောထားမှတ်ချက် တောင်းခံလာခြင်းနှင့် ပတ်သက်၍ သဘောထား ပြန်ကြားဆောင်ရွက်နိုင်ရေးအတွက် လက်အောက်ခံ ခရိုင်/မြို့နယ်များသို့ သဘောထား မေးမြန်းရန်ရှိပါက လက်အောက်ခံ ခရိုင်/ မြို့နယ်ပို့ဆောင်ရေး စီမံကိန်းဦးစီး ဌာနရုံးများသို့သာ လိပ်မူတောင်းခံရန်။
      • ခရိုင်/ မြို့နယ် ပို့ဆောင်ရေးစီမံကိန်းဦးစီးဌာနရုံးများသည် မိမိ ပြည်နယ်/ တိုင်း ကုန်းလမ်း နှင့်ပြည်တွင်းရေကြောင်း သယ်ယူပို့ဆောင်ရေးအဖွဲ့မှ တောင်းခံလာသည့် သဘောထား မှတ်ချက်ကို ဒေသအာဏာပိုင်သို့ တင်ပြဆောင်ရွက်ရန်။
      • သက်ဆိုင်ရာ ဒေသအာဏာပိုင်၏ သဘောထားမှတ်ချက် ရရှိပြီးမှသာ မိမိပြည်နယ်/ တိုင်း ကုန်းလမ်းနှင့် ပြည်တွင်းရေကြောင်း သယ်ယူပို့ဆောင်ရေး အဖွဲ့သို့ သဘောထား ပြန်ကြား ဆောင်ရွက်ရန်။
      • ဥက္ကဋ္ဌ ပြည်နယ်/ တိုင်း ကုန်းလမ်းနှင့် ပြည်တွင်းရေကြောင်းသယ်ယူပို့ဆောင်ရေး အဖွဲ့သို့ စာရွက်စာတမ်းများ မိတ္တူ ပူးတွဲ၍ တင်ပြဆောင်ရွက်ရမည်။
      • မိမိပြည်နယ်/ တိုင်း ကုန်းလမ်းနှင့် ပြည်တွင်းရေကြောင်း သယ်ယူပို့ဆောင်ရေး အဖွဲ့၏ သဘောထားမှတ်ချက် ရယူပြီးမှသာ သက်ဆိုင်ရာ ပြည်နယ်/ တိုင်း ကုန်းလမ်းနှင့် ပြည်တွင်းရေကြောင်းသယ်ယူပို့ဆောင်ရေးအဖွဲ့သို့ သဘောထား ပြန်ကြား ဆောင်ရွက်ရမည်။
      • မိမိလက်အောက်ခံရုံးများသို့ သဘောထားမေးမြန်းရန် မလိုအပ်သော ကိစ္စများကို ဥက္ကဋ္ဌ ပြည်နယ်/ တိုင်း ကုန်းလမ်းနှင့် ပြည်တွင်းရေကြောင်းသယ်ယူပို့ဆောင်ရေး အဖွဲ့ထံ တင်ပြ၍ ခွင့်ပြုချက်ရယူပြီး သဘောထားပြန်ကြားဆောင်ရွက်ရမည်။
      • ပြည်နယ်/ တိုင်းအတွင်းနှင့် ပြည်နယ်/ တိုင်းကျော် ခရီးစဉ် တိုးချဲ့/ ပြောင်းလဲ ပြေးဆွဲခွင့်ပြုခြင်း

        ခရီးသည်ပို့ဆောင်ရေးလုပ်ငန်း ခွင့်ပြုချက်ရရှိပြီးဖြစ်သော မော်တော်ယာဉ်/ ရေယာဉ်၊ အသင်း/ အဖွဲ့များသည် မူလခွင့်ပြုခရီးစဉ်ဒေသမှ ထပ်မံ၍ ခရီးစဉ်တိုးချဲ့ပြေးဆွဲခြင်း၊ ခရီးစဉ် ပြောင်းလဲပြေးဆွဲခြင်းများအတွက် အောက်ပါစာရွက်စာတမ်းများနှင့်အတူ တင်ပြလျှောက်ထား ရပါမည်-

        (က) မူလခရီးစဉ်မှ တိုးချဲ့ပြောင်းလဲပြေးဆွဲမည့် ခရီးစဉ်အတွက် လျှောက်ထားချက်

        (ခ)တိုးချဲ့ပြောင်းလဲပြေးဆွဲမည့် သယ်ယူပို့ဆောင်ရေးလုပ်ငန်းစီမံချက်

        • တိုးချဲ့ပြေးဆွဲမည့်ခရီးစဉ်/ ပြောင်းလဲပြေးဆွဲမည့်ခရီးစဉ်ဒေသ
        • ပြေးဆွဲမည့် ယာဉ်အမျိုးအစားနှင့် အရေအတွက်
        • နေ့စဉ်ပြေးဆွဲစီးရေ (ယာဉ်ထွက်ခွါချိန် အချိန်ဇယားဖော်ပြရန်)
        • ပြေးဆွဲမည့်ယာဉ်အမျိုးအစားများ၏ ယာဉ်အမှတ်/ အမည်
        • တိုးချဲ့ပြောင်းလဲပြေးဆွဲမည့် ခရီးစဉ်အတွက် ဂိတ်ခန်းဆောင်ရွက်ထားရှိမှု အစီအစဉ်
        • ရေယာဉ်အတွက် ဆိုက်ကပ်မည့် ဆိပ်ကမ်းများအစီအစဉ်
        • တောင်းခံမည့် ယာဉ်စီးခ နှုန်းထားများ၊ အခမဲ့ တန်ဆာများ၊ တန်ဆာခ နှုန်းထားများ
        • စက်သုံးဆီအစီအစဉ်

        ပြည်နယ်/တိုင်း ကုန်းလမ်းနှင့် ပြည်တွင်းရေကြောင်း သယ်ယူပို့ဆောင်ရေးအဖွဲ့ အတွင်းရေးမှူးသည် တိုးချဲ့ပြောင်းလဲပြေးဆွဲခွင့်ပြုရန် လျှောက်ထားတင်ပြလာသည့် စာရွက် စာတမ်းများ၊ လုပ်ငန်းအခြေအနေများကို ဥပဒေ၊ နည်းဥပဒေ၊ စည်းကမ်းများနှင့်အညီစိစစ်ပြီး ပြည့်စုံပါက အောက်ပါအတိုင်း ဆောင်ရွက်ရပါမည်-

        • ပြည်နယ်/ တိုင်းတွင်း ခရီးစဉ်များအတွက် ခရီးစဉ်အစ (သို့မဟုတ်) အဆုံးဒေသရှိ ခရိုင်/ မြို့နယ် ပို့ဆောင်ရေးစီမံကိန်းဦးစီးဌာနသို့ လိပ်မူပေးပို့၍ သဘောထား တောင်းခံရ မည်။
        • ပြည်နယ်/ တိုင်းကျော်ခရီးစဉ်များအတွက် အခြားပြည်နယ်/ တိုင်း ကုန်းလမ်းနှင့် ပြည်တွင်းရေကြောင်းသယ်ယူပို့ဆောင်ရေးအဖွဲ့သို့ သဘောထား တောင်းခံရမည်။ (သဘောထား တောင်းခံစာနှင့်အတူ ယာဉ်အသင်း၏ လုပ်ငန်းစီမံချက် ပူးတွဲ ပေးပို့ရမည်)
        • သဘောထားထောက်ခံချက်နှင့်အတူ ဥက္ကဋ္ဌ ပြည်နယ်/ တိုင်း ကုန်းလမ်းနှင့် ပြည်တွင်းရေကြောင်း သယ်ယူပို့ဆောင်ရေးအဖွဲ့ထံ တင်ပြ၍ ခွင့်ပြုချက်ရယူရမည်။ (သဘောထား ထောက်ခံချက် မိတ္တူ၊ လုပ်ငန်းစီမံချက်မိတ္တူများ ပူးတွဲ တင်ပြ ရမည်)
        • မိမိပြည်နယ်/ တိုင်း ကုန်းလမ်းနှင့်ပြည်တွင်းရေကြောင်း သယ်ယူပို့ဆောင်ရေး အဖွဲ့၏ခွင့်ပြုချက်ရရှိပါက လုပ်ထုံးလုပ်နည်း များနှင့်အညီ သက်ဆိုင်ရာ ယာဉ်အသင်းအဖွဲ့များသို့ ဆက်သွယ်ဆောင်ရွက်ရမည်။
        မြို့တွင်း/ မြို့နယ်အတွင်းခရီးစဉ်တိုးချဲ့ပြောင်းလဲပြေးဆွဲခွင့်ပြုခြင်း

        မြို့တွင်း/ မြို့နယ်အတွင်း ခရီးသည် သယ်ယူပို့ဆောင်ရေးလုပ်ငန်း ခွင့်ပြုချက်ရရှိပြီးသော ယာဉ်အသင်း/အဖွဲ့များ ခရီးစဉ်လမ်းကြောင်း တိုးချဲ့ပြေးဆွဲခြင်း/လမ်းကြောင်း ပြောင်းလဲခြင်းများ လျှောက်ထားလာပါက အောက်ပါစာရွက်စာတမ်းများနှင့်အတူ တင်ပြလျှောက်ထားရမည်-

        (က) ခရီးစဉ်လမ်းကြောင်းတိုးချဲ့ခြင်း/ ပြောင်းလဲပြင်ဆင်ပြေးဆွဲခွင့်လျှောက်ထားချက်

        ( ခ ) တိုးချဲ့ပြေးဆွဲမည့် ခရီးစဉ်/ ပြောင်းလဲပြေးဆွဲမည့်ခရီးစဉ်လုပ်ငန်းစီမံချက်

        • ပြေးဆွဲမည့်ခရီးစဉ်နှင့်လမ်းကြောင်းပြမြေပုံ
        • ပြေးဆွဲမည့်ယာဉ်အမျိုးအစားနှင့်အရေအတွက်
        • နေ့စဉ်ပြေးဆွဲစီးရေနှင့် (ယာဉ်ထွက်ခွါမည့်အချိန်ဇယား)
        • တောင်းခံမည့်ယာဉ်စီးခနှုန်းထား
        • ကြီးကြပ်ထိန်းသိမ်းဆောင်ရွက်မည့်စည်းကမ်းချက်များ
        • ပြေးဆွဲမည့်ခရီးစဉ်ဒေသရှိမြို့နယ်/ခရိုင်အေးချမ်းသာယာရေးနှင့် ဖွံ့ဖြိုးရေး ကောင်စီ၏ သဘောထားထောက်ခံချက်

        ပြည်နယ်/တိုင်းကရဖအတွင်းရေးမှူးသည်လျှောက်ထားတင်ပြလာသည့်စာရွက်စာတမ်းနှင့် လုပ်ငန်းအခြေအနေများကို ဥပဒေ၊ နည်းဥပဒေ၊ စည်းကမ်းများနှင့်အညီ စိစစ်ပြီး ဥက္ကဌ ပြည်နယ်/တိုင်း ကရဖ ထံတင်ပြ၍ ခွင့်ပြုချက်ရယူပြီး ခွင့်ပြုကြောင်းအကြောင်းကြားစာ ပြန်ကြားဆောင်ရွက်ရာတွင် လုပ်ထုံးလုပ်နည်းများနှင့် အညီ လိုက်နာဆောင်ရွက်ရမည်။

        ယာဉ်အမျိုးအစား ပြောင်းလဲပြေးဆွဲခွင့်ပြုခြင်း

        ခရီးသည်ပို့ဆောင်ရေးလုပ်ငန်း ခွင့်ပြုချက်ရရှိပြီးသော ယာဉ်အသင်းများသည် ယာဉ်အမျိုးအစား ပြောင်းလဲပြေးဆွဲခြင်းအတွက် အောက်ပါစာရွက်စာတမ်းများနှင့်အတူ တင်ပြ လျှောက်ထားရမည်-

        (က) ယာဉ်အမျိုးအစား ပြောင်းလဲပြေးဆွဲခွင့်ပြုရန် လျှောက်ထားချက်

        (ခ) ယာဉ်အမျိုးအစား ပြောင်းလဲပြေးဆွဲမည့်လုပ်ငန်းစီမံချက်

        • ပြောင်းလဲပြေးဆွဲမည့် ယာဉ်အမျိုးအစားနှင့်အရေအတွက်
        • ပြောင်းလဲပြေးဆွဲမည့် ယာဉ်အမှတ်/အမည်

        ပြည်နယ်/တိုင်းကုန်းလမ်းနှင့်ပြည်တွင်းရေကြောင်းသယ်ယူပို့ဆောင်ရေးအဖွဲ့ အတွင်းရေးမှူး သည် ယာဉ်အမျိုးအစား ပြောင်းလဲပြေးဆွဲခွင့်ပြုရန် လျှောက်ထားတင်ပြလာသည့် စာရွက် စာတမ်းနှင့် လုပ်ငန်းဆောင်ရွက်မှု အခြေအနေများကို ဥပဒေ၊ လုပ်ထုံးလုပ်နည်းများနှင့်အညီ စိစစ်ပြီး ပြည့်စုံပါက အောက်ပါအတိုင်း ဆောင်ရွက်ရပါမည်-

        • ပြည်နယ်/ တိုင်းတွင်း ခရီးစဉ်များအတွက် ခရီးစဉ်အတွင်း၊ ခရီးစဉ်အစ (သို့မဟုတ်)အဆုံးဒေသရှိ ပို့ဆောင်ရေးစီမံကိန်းဦးစီးဌာနသို့ လိပ်မူ၍ သဘောထား တောင်းခံရမည်။ (ဒေသ အာဏာပိုင်၏ သဘောထားရယူပြီး တင်ပြရမည်။)
        • ပြည်နယ်/ တိုင်းကျော် ခရီးစဉ်ဖြစ်ပါက အခြားပြည်နယ်/ တိုင်း ကုန်းလမ်းနှင့် ပြည်တွင်းရေကြောင်း သယ်ယူပို့ဆောင်ရေးအဖွဲ့သို့ သဘောထား တောင်းခံရမည်။ ( သဘောထား တောင်းခံစာနှင့်အတူ ယာဉ်အမျိုးအစား ပြောင်းလဲပြေးဆွဲမည့် လုပ်ငန်းစီမံချက် ပူးတွဲပေးပို့ရမည်။)
        • သဘောထားထောက်ခံချက်နှင့်အတူ ဥက္ကဋ္ဌပြည်နယ်/တိုင်း ကရဖ ထံတင်ပြ၍ ခွင့်ပြုချက်ရယူရမည်။ (သဘောထားထောက်ခံချက် မိတ္တူ၊ လုပ်ငန်းစီမံချက် မိတ္တူများ ပူးတွဲတင်ပြရမည်။)
        • မိမိပြည်နယ်/ တိုင်း ကုန်းလမ်းနှင့် ပြည်တွင်းရေကြောင်းသယ်ယူပို့ဆောင်ရေး အဖွဲ့၏ ခွင့်ပြုချက် ရရှိပါက လုပ်ထုံးလုပ်နည်းများနှင့် အညီသက်ဆိုင်ရာ ယာဉ်အသင်းအဖွဲ့များသို့ ဆက်သွယ် ဆောင်ရွက်ရမည်။
        အရေးယူဆောင်ရွက်ခြင်း

        ဥပဒေ၊ နည်းဥပဒေ၊ စည်းကမ်းနှင့်ညီညွတ်မှု မရှိသောလိုက်နာရန် ပျက်ကွက်သော ခရီးသည် ပို့ဆောင်ရေးလုပ်ငန်းဆောင်ရွက်သည့် ယာဉ်အသင်းအဖွဲ့နှင့် ပြေးဆွဲသည့်ယာဉ်များကို အောက်ပါအတိုင်း အရေးယူဆောင်ရွက်ရမည်-

        • ခွင့်ပြုသည့်ယာဉ်လိုင်းအား(၁)နှစ်ကျော်ပြေးဆွဲခြင်းမရှိပါက ယာဉ်လိုင်းပြေးဆွဲခွင့် အသစ် ပြန်လည်လျှောက်ထားရယူရမည်။
        • ဥပဒေ၊ နည်းဥပဒေ၊ စည်းကမ်းများလိုက်နာရန် ပျက်ကွက်သော ယာဉ်အသင်း အဖွဲ့ကို သတိပေးစာ ထုတ်ပြန်ခြင်း၊ ကာလအပိုင်းအခြား သတ်မှတ်ချက်ဖြင့် လုပ်ငန်းယာယီ ရပ်ဆိုင်းထားခြင်း ဆောင်ရွက်ရမည်။ (ဥက္ကဌ၊ ပြည်နယ်/ တိုင်း ကရဖ (သို့) ဒေသအာဏာပိုင်သဘောတူ ညီချက်ဖြင့် ဆောင်ရွက်ရန်။)
        • ဒေသအာဏာပိုင်မှသတ်မှတ်ထားသောစည်းကမ်းများကိုလိုက်နာရန်ပျက်ကွက်လျှင် ဒေသအာဏာပိုင်၏ သဘောတူညီချက်ဖြင့် လုပ်ငန်းယာယီ အကန့်အသတ်ဖြင့် ရပ်ဆိုင်းခြင်း၊ အမြဲတန်းရပ်ဆိုင်းခြင်းဆောင်ရွက်ရန်။
        • အသင်းတွင်ဝင်ရောက်ပြေးဆွဲသောယာဉ်များ စည်းကမ်းလိုက်နာမှုမရှိလျှင် ကရဖ ဥပဒေ၊ နည်းဥပဒေ၊ စည်းကမ်းများနှင့်အညီ အရေးယူဆောင်ရွက်ရန်။
        • အာဏာပိုင်အဖွဲ့မှ သတ်မှတ်ခွင့်ပြုသည့် ယာဉ်စီးခနှုန်းထား/ တန်ဆာခများ ထက်ပို၍ ယာဉ်စီးလက်မှတ်ရောင်းချခြင်း၊ တန်ဆာခပိုမိုကောက်ခံခြင်းပြုသော ယာဉ်အသင်းအဖွဲ့နှင့်ယာဉ်များကိုလုပ်ငန်းလုပ်ကိုင်ခွင့်ယာယီ(အကန့်အသတ်)ဖြင့် ရပ်ဆိုင်းရန် (သို့) အမြဲတန်းရပ်ဆိုင်းရန်။ (ဥက္ကဋ္ဌ ပြည်နယ်/ တိုင်း ကရဖ (သို့) ဒေသအာဏာပိုင် သို့ တင်ပြ၍ သဘောတူညီချက်ဖြင့် အရေးယူဆောင်ရွက်ရန်)
        မှတ်ချက်

        ပြည်နယ်/တိုင်းများ၏ ဒေသန္တရအခြေအနေအရ သတ်မှတ်သည့် စည်းမျဉ်း စည်းကမ်းများ မတူညီနိုင်သဖြင့် ခရီးစဉ်ခွင့်ပြုခြင်းနှင့် သက်ဆိုင်သော စည်းကမ်း သတ်မှတ်ချက်များနှင့် အရေးယူဆောင်ရွက်ရန်ကိစ္စများကို ဒေသအာဏာပိုင် အဖွဲ့များနှင့် ပေါင်းစပ်ဆောင်ရွက်သွားရန်

        ခရီးသည်ပို့ဆောင်ရေးယာဉ်လိုင်းများပြေးဆွဲမှုအခြေအနေ

        ပြည်နယ်/တိုင်းဒေသကြီး၊ ခရိုင်၊ မြို့နယ် ကုန်းလမ်းပို့ဆောင်ရေးညွှန်ကြားမှုဦးစီးဌာန၊ လုပ်ငန်းလိုင်စင်နှင့် သယ်ယူပို့ဆောင်ရေး ကြီးကြပ်ညှိနှိုင်းမှုဌာန၏ ကြီးကြပ်မှုအောက်ရှိ ယာဉ်လိုင်းများ ပြေးဆွဲနေမှုအခြေအနေအား နောက်ဆက်တွဲ"ဂ" ဖြင့် ဖော်ပါအပ်ပါသည်။

        အခြားဆောင်ရွက်မှုများ

        နိဂုံး ပို့ဆောင်ရေးညှိနှိုင်းမှုဆိုင်ရာကိစ္စရပ်များအား နေပြည်တော်ကောင်စီ၊ တိုင်းဒေသကြီး/ ပြည်နယ်၊ခရိုင်၊မြို့နယ်ရုံးများမှ သယ်ယူပို့ဆောင်ရေးဆပ်ကော်မတီအနေဖြင့် အောက်ပါကိစ္စရပ် များတွင် တာဝန်ယူ၍ နိုင်ငံတော်အဆင့် ၊ တိုင်းဒေသကြီး/ပြည်နယ်အဆင့်၊ ခရိုင်အဆင့်များဖြင့် ယာဉ်စီစဉ်ကြီးကြပ်ခြင်းလုပ်ငန်းများကို အကောင်အထည်ဖော်ဆောင်ရွက်လျှက်ရှိပါသည်။

        • နိုင်ငံတော်ဆိုင်ရာပွဲတော်များ၊ အစည်းအဝေးများ
        • နေပြည်တော်ရှိ လွှတ်တော်ဆိုင်ရာကိစ္စရပ်များ
        • ဘာသာရေးနှင့်ပျော်ပွဲရွှင်ပွဲများ
        • သဘာဝဘေးအန္တရာယ်ဆိုင်ရာကိစ္စရပ်များ
        • ပညာရေး၊ကျန်းမာရေးနှင့်ဆက်စပ်သောကိစ္စရပ်များ
        • အစိုးရအဖွဲ့၏ လမ်းညွှန်ချက်အတိုင်းဆောင်ရွက်ရသည့်ကိစ္စရပ်များ
        ခရီးသည်ပို့ဆောင်ရေးယာဉ်လိုင်း ပြေးဆွဲနေမှု(မြို့တွင်း)
        စဉ် ယာဉ်အသင်း ယာဉ်အမျိုးအစား ယာဉ်စီးရေ
        ရွှေမြို့တော် Light Truck ၁၀၂
        ရွှေပြည်သစ် ၉၀
        ရွှေအောင်လံ ၃၀
        တော်ဝင် City Bus ၄၂
        နေပြည်တော်အဆင့်မြင့်ယာဉ်လိုင်း Mini Bus ၁၆
        စုစုပေါင်း ၂၈၀
        ခရီးသည်ပို့ဆောင်ရေးယာဉ်လိုင်းပြေးဆွဲမှု (အဝေးပြေး)
        စဉ် အခြေပြုဒေသ ယာဉ်အသင်း ယာဉ်လိုင်း ယာဉ်စီးရေ
        နေပြည်တော် ၂၄ ၇၈ ၂၈၅
        အခြားပြည်နယ်/တိုင်း ၇၇ ၁၀၀ ၁၁၅၁
        စုစုပေါင်း ၁၀၁ ၁၇၈ ၁၄၃၆
        နိဂုံး

        ပို့ဆောင်ရေးနှင့် ဆက်သွယ်ရေးဝန်ကြီးဌာန လက်အောက်ရှိ ကုန်းလမ်းပို့ဆောင်ရေး ညွှန်ကြားမှုဦးစီးဌာန (လုပ်ငန်းလိုင်စင်နှင့် သယ်ယူပို့ဆောင်ရေး ကြီးကြပ်ညှိနှိုင်းမှုဌာန)သည် ယခင် ဥပဒေ၊ နည်းဥပဒေ၊ စည်းကမ်းဥပဒေနှင့် လုပ်ထုံးလုပ်နည်းများအပြင် ၂၀၁၆ ခုနှစ်၊ ကုန်းလမ်းသယ်ယူပို့ဆောင်ရေးလုပ်ငန်းဥပဒေများပါအတိုင်း ဌာန၏လုပ်ငန်းတာဝန်များအား အကောင်အထည်ဖော်ဆောင်ရွက်လျှက်ရှိပါကြောင်း တင်ပြအစီရင်ခံအပ်ပါသည်။


    ရှေ့သို့